Спорт
Дани Алвеш излезе од затвор, слободата кошта 1.000.000 евра
Дани Алвеш е ослободен откако платил кауција од еден милион евра. Судот во Барселона му одобри на Бразиелцот да го напушт затворот, два месеци откако беше прогласен за виновен за силување девојка.
Пред неколку дена медиумите објавија дека кауцијата на Алвеш ќе ја плати таткото на неговиот поранешен соиграч Нејмар да Силва. Подцна таа информација беше демантирана, па не е јасно како Алвеш успеал да ги собере парите.
Алвеш е осуден на четири и пол години затвор поради силување, во декември 2022 година во еден ноќен клуб во Барселона. Зад решетки се најде на 20 јануари 2023 година.
Дополнително, по завршувањето на казната, тој доби и условна казна од пет години, а на оштетената морал да и плати и отштета од 150.000 евра.
Исто така, тој не смее да се приближува до жртвата на 1.000 метри.
Братото на Алвеш најави дека ќе докаже дека не е силувач.
„Даниел е невин“, напиша тој на Инстаграм.
На Алвеш му е забрането да ја напушта Шпанија, па на судот му ги предал и бразилскиот и шпанскиот пасош.
Неговиот случај се уште не е завршен бидејќи двете страни, одбраната и обвинителот, на кои им се придружи жртвата во приватна тужба, поднесоа жалба на првичната пресуда.
Адвокатите на Алвеш сметаат дека казната е престрога и дека тој е невин, а обвинителот и жртвата сметаат дека е преблага и бараат максимални девет години затвор што ги предвидува законот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.