Спорт
Дани Алвеш осуден на четири ипол години затвор

Судот во Барселона му изрече затворска казна од четири години и шест месеци на бразилскиот фудбалер Дани Алвеш (40), поради сексуален напад.
По три долги рочишта, судењето заврши на 7 февруари, а 15 дена подоцна стигна и пресудата на Dванаесеттиот суд во Барселона. Познатиот бразилски фудбалер лично ja дозна одлуката на судот, а присустни беа неговата адвокатка Инес Гвардиола, обвинителката Елизабез Хименез и оштетената Естер Гарсија.
Алвеш помина 13 месеци во затвор, што беше превентивна мерка што Судот ја определи. Претходните две недели имаше можност да ја изнесе својата одбрана пред Судот.
Да потсетиме, Алвеш е обвинет дека принудил 23-годишна девојка на секс во тоалетот на ноќен клуб во Барселона ноќта на 31 декември 2022 година.
Во текот на судењето беа сослушани триесет лица, меѓу кои и жртвата, која сведочеше зад затворени врати.
Алвеш од почетокот до крајот остана на ставот дека не е насилен човек и дека сексуалниот чин бил консензуален. Жртвата, тврдеше дека Алвеш ја заклучил во тоалетот таа ноќ и таму ја силувал.
Набрзо по апсењето на Алвеш, шпанскиот суд му одреди притвор на фудбалерот без право на кауција поради стравувањата дека може да побегне во Бразил. Шпанија и Бразил немаат потпишано договор за екстрадиција.
Алвеш во кариерата освои 42 трофеи и играше за УНАМ, Барселона, Сао Паоло, Пари Сен Жермен, Јувентус, Севилја и Баија. За бразилската репрезентација одигра 126 натпревари и постигна осум гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Лудница на Турф Мур, Барнли се врати во Премиер лигата

По Лидс и Барнли, на две кола пред крајот на сезоната во Чемпионшип обезбеди пласман во Премиер лигата.
Неизвесно е само кој ќе биде шампион во Чемпионшип, бидејќи двата клуба сега имаат по 94 бода на првите две места.
Во битката за титулата во Чемпионшип, Лидс ќе го пречека Бристол Сити, а во последното коло ќе му гостува на Плимут. До крајот на сезоната Барнли има гостување кај Квинс Парк Ренџерс и дуел со Милвол на домашен терен.
PARTY TIME AT TURF MOOR AND ELLAND ROAD! 🎆
Burnley and Leeds are back in the Premier League! 🤝 pic.twitter.com/8JyKu5jHlD
— Sky Sports Football (@SkyFootball) April 21, 2025
Во 44. коло Лидс беше убедлив против Стоук (6:0), додека Барнли во директна пресметка за директен пласман го победи Шефилд јунајтед (2:1).
А по последниот свиреж на судијата настана општ хаос на „Турф Мур“. Играчите дури мораа да бидат заштитени од редарите од навивачите кои втрчаа на теренот за да го прослават враќањето на нивниот тим во Премиер лигата.
Players are having to be separated at Turf Moor as Burnley begin their promotion celebrations 😳🟣 pic.twitter.com/WOAeuSLJtN
— Sky Sports Football (@SkyFootball) April 21, 2025
Спорт
Чаби Алонсо може да замине, но само во некој од неговите поранешни клубови

Се погласни се гласините дека Чаби Алонсо е приоритет на Реал Мадрид и дека е потенцијална замена за Карло Анчелоти.
Кон крајот на минатата сезона Чаби Алонсо се поврзуваше со Ливерпул, но ниту еден момент не сакаше да се вмеша во никакви шпекулации. Имаше мисија, да ја освои титулата и со тоа да ја круниса сезоната во која Баер без пораз стана германски шампион.
Алонсо и сега не коментира ништо што не е конкретно поврзано со неговиот тим и натпреварите кои претстојат, но медиумите повторно се занимаваат со шпекулации.
Едно е сигурно дека Баер нема да му застане на патот на Алонсо доколку тој сака да го напушти клубот.
Алонсо има излезна клаузула во договорот, која ја потврди и Баер.
„Доколку се појави клуб за кој играше Чаби во кариерата, ќе седнеме и ќе разговараме. Нема да го спречиме ако сака да си замине“, изјави Фернандо Каро де Прада, извршен директор на тимот од Леверкузен.
„Чувството е дека шансите се 50:50. Нема да чекаме до крајот на сезоната. Мораме да донесеме одлука што поскоро бидејќи тоа влијае на нашите планови, на тимот и на подготовките. И ние и Чаби сме свесни за тоа. Тоа е одлука што не можеме да ја одложиме и таа мора да биде донесена релативно брзо”, изјави Каро за „Скај Спорт Германија“.
Според информациите, менаџерот на Алонсо веќе е во контакт со Реал и одлуката ќе биде позната многу брзо.
Спорт
Ѓоковиќ: Не знам кога ќе се пензионирам, дали ти знаеш?

Новак Ѓоковиќ за точно еден месец полни 38 години, многумина се прашуваат уште колку ќе игра, меѓу нив е и новинарот на шпански „АС“.
„Не знам, дали ти знаеш“, возврати со смеа најдобриот тенисер на сите времиња, додека Шпанецот инсистираше да добие одговор: „Не знам, да почекаме“.
Ѓоковиќ синоќа беше во Мадрид на доделувањето на наградата Лареус на најдобрите спортисти во светот. Тој му ја врачи наградата на брилијантниот шведски атлетичар Арман Дуплантис.
😱 ¡@DjokerNole habla sobre su retiro! pic.twitter.com/ptSzIQJ5r1
— Diario AS (@diarioas) April 21, 2025