Спорт
Данците со ново олимписко злато за збогум на Микел Хансен

Ракометната репрезентација на Данска освои ново олимписко злато.
Данците во финалето ја победија Германија со резултат 39:26.
На стадионот „Пјер Моро“ пред 30.000 навивачи и на збогувањето на Микел Хансен, Данците ги победија Германците, кои во ниту еден момент не го доведоа во прашање конечниот исход од финалето.
Колку Данците беа незапирливи, најдобро говори фактот што голманот Андреас Волф имаше само две одбрани во првото полувреме, кое заврши со резултат 21:12.
Данска до победата ја предводеше Матијас Гидсел со 11 голови, а го следеше Магнус Ландин Јакобсен со седум гола. Легендарниот Микел Хансен, кому ова му беше последен натпревар во кариерата, постигна два гола од седум, и на најубав можен начин се прости од ракометот.
Најефикасен кај Германија беше Јури Нор со шест гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најдобриот во светот се врати во тимот на ПСЖ

Усман Дембеле од Пари Сен Жермен се врати во тимот по неколку недели отсуство поради повреда на бутниот мускул и ќе биде достапен за натпреварот против Баер Леверкузен во Лигата на шампионите.
Дембеле се повреди во септември, кога беше со француската репрезентација, а за време на паузата престојуваше во специјализирана клиника во Доха (Катар), каде што беше подложен на терапија.
Последниот натпревар за клубот го одигра на 30 август против Тулуз, кога постигна два гола и една асистенција (6:3).
Оваа сезона, тој играше и против Анже и Нант, односно Тотенхем во Суперкупот на Европа.
Францускиот фудбалер се врати на тренинзите со тимот минатата недела, но не беше во составот за првенствениот натпревар против Стразбур (3:3).
За потсетување, тој во меѓувреме ја освои и „Златната топка“.
Foto/ EPA
Спорт
Карагер: Време е Салах да седне на клупата за резерви

Алармот е силно вклучен во црвениот дел на Ливерпул. Актуелниот шампион минува низ криза, во каква што не бил од ноември 2013 година. Ливерпул се наоѓа во серија од четири порази, три од нив се во Премиер лигата (Кристал Палас, Челзи, Манчестер јунајтед).
Ливерпул, вчера доживеа пораз на домашен терен од Манчестер јунајтед (1:2). Тимот кој минатата сезона супериорно ја освои титулата, на почетокот на новата не личи на себе и покрај тоа што челниците вложија 500 милиони евра во нови играчи.
Проблемите се евидентни, особено во одбраната, но се чини дека најгорливиот проблем е првиот стрелец, Мохамед Салах. Египѓанецот е во ужасна форма, не успева да направи разлика на теренот. Токму тој е означен како еден од виновниците за лошите реузлтати.
„Ливерпул има два гостувања, Лигата на шампионите против Франкфурт, а потоа оди кај Брентфорд. Мислам дека Салах не треба да ги започне двата натпревари“, изјави аналитичарот, инаку поранешен капитен на Ливерпул, Џејми Карагер за „Скај Спортс“.
„Тој секогаш треба да биде стартер на „Енфилд“, бидејќи Ливерпул ќе биде на врвот, на работ од шеснаесетникот, а денес постигнува голови почесто во такви ситуации. Но, мислам дека во гостувањата Салах не треба да биде стартер на секој натпревар, со оглед на формата во која се наоѓа. Мора да играат Исак и Вирц бидејќи потрошија многу пари на нив“, рече Карагер.
Ливерпул е четврти во лигата со 15 бода од осум натпревари, четири зад лидерот Арсенал.
Foto/ EPA
Спорт
Потер официјално е селектор на Шведска

Англискиот тренер Греам Потер (50), кој неодамна беше отпуштен од Вест Хем, експресно најде работа. Потер е назначен за нов селектор на фудбалската репрезентација на Шведска.
Фудбалската асоцијација на оваа скандинавска земја официјално потврди дека Потер е новиот селектор на репрезентацијата на „трите круни“. Тој ќе го наследи Јон-Дал Томасон на таа позиција, кој неодамна беше отпуштен поради лоши резултати.
Шведска моментално е последна во квалификациската група за Светското првенство, зад Словенија, Косово и Швајцарија.
Во четири натпревари, Шведска не победи на ниту еден натпревар, освои само еден бод.
Потер ќе се обиде да ја поправи ситуацијата и да ги врати Швеѓаните на вистинскиот пат.
И покрај минималните шанси низ квалификациите да се пласира на Мундијалот, Шведска сепак ќе има втора шанса да ја постигне својата цел, ќе игра плеј-оф како една од најдобро пласираните репрезентации во Лигата на нации (беше прва во Групата Б).
Потер, во јануари го презеде Вест Хем, не импресионира со резултатите. Под водство на Потер, тимот од Лондон забележа пет порази во шест натпревари на почетокот на сезоната. Вкупно, тој има само шест победи во 23 натпревари со Вест Хем.
Сепак, тој има добар углед во Шведска, бидејќи го водеше Остерсунд до највисоко ниво три пати во седумте сезони додека беше во тој клуб.
Својот најголем успех го постигна во 2017 година со освојувањето на Купот на Шведска.