Спорт
Давид Раја во Арсенал
Фудбалскиот клуб Арсенал успеа да реализира уште еден голем трансфер во актуелниот преоден рок. Во северен Лондон од Брентфорд ќе се пресели голманот Давид Раја.
Раја (27), според „Скај спорт“, во понеделник треба да ги помине медицинските прегледи и да потпише договор до 2028 година. Арсенал за неговиот трансфер ќе издвои 30 милиони евра.
Раја пристигна во Англија како тинејџер, кога потпиша за Блекбурн во 2012 година, бранеше во Саутпорт, а во 2019 година потпиша со Брентфорд.
Тој беше еден од хероите на историскиот пласман во Премиер лигата, а веќе две сезони е еден од најдобро оценетите голмани во Премиер лигата.
Затоа многумина веруваат дека Раџа би можел да има значајна минутажа, иако Рамсдејл е недопирлив под водство на Микел Артета.
Како и да е, голман од 30 милиони евра во своите најдобри години сигурно не е опција само за Куп натпреварите, па останува да се види како Артета ќе им ги подели улогите.
Раја одлично игра со бога, што е една од главните причини зошто Артета го избра и инсистираше на неговиот трансфер.
Инаку, пред Шпанецот во Арсенал пристигнаа Каи Хаверц (75 милиони евра), Деклан Рајс (116 милиони) и Јуриен Тимбер (40 милиони).
За овие четири трансфери Арсенал издвои 260 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net
Спорт
Нема да има дуел меѓу Црвена звезда и Динамо во главата фаза во Лига Европа

Регионалните великани, Црвенз звезда и Динамо Загреб се избегнаа во главната фаза во Лига Европа. Ждрепката за Лига Европа се одржа попладнево.
Црвенз звезда и Динамо добија четири исти противници, ќе играат против Лил, Малме, Селта и ФЦСБ.
Противници на Црвена звезда: Лил. Порто, Селтик, Брага, Штурм, ФЦСБ, Штурм, Малме
Противници на Динамо Загреб: Бетис, Лил, Фенербахче, Макаби Тел Авив, ФЦСБ, Митјиланд, Целта, Малме.
Првите натпревари од Лигат Европа ќе се играат на 24 и 25 септември, а последното коло од групната фаза е на 29 јануари следната година. Финалето е закажано за 20 мај 2026 година во Истанбул.
Фото/ Принтскрин