Фудбалерите на Евертон го победија Саутемптон (2:0) и се збогуваа со „Гудисон Парк“, каде што во иднина ќе игра само женскиот дел од клубот.

„Карамелите“ играа на овој стадион 133 години, одиграа вкупно 2.327 натпревари, а од следната сезона ќе настапуваат на новиот, со капацитет од 53.000 седишта, кој ќе го носи името на компанијата „Хил Дикинсон“.

Двоен стрелец за домашниот тим во натпреварот со „Светците“ беше Илиман Ндијаје, кој прво постигна гол во шестата минута, а потоа и во втората минута од судиското продолжение во првото полувреме.

Саутемптон можеше да постигне почесен гол до крајот од натпреварот, но Џордан Пикфорд ги спречи обидите на Рос Стјуарт и Камерон Арчер.

Оваа средба немаше позначаен резултат, Евертон е сè уште на 13-то место со 45 бода, едно коло пред крајот, додека Саутемптон одамна испадна од лигата и собра само 12 бода.

Евертон ќе ја затвори сезоната со гостувањето кај Њукасл, додека Саутемптон ќе го пречека Арсенал.

Барселона денес го пречекува Виљареал на својот стадион во рамките на 37-то, претпоследно коло од Ла Лига. Натпреварот нем никаква жаност за Каталонците бидејќи тие веќе ја обезбедија титулата, додека Виљареал со триумф, во пресрет на последната рунда ќе си обезбеди место во Лигата на шампионите.

Тренерот Ханси Флик потврди дека ќе има ротација во тимот и ја најави можноста за почетен состав кој би можел да влезе во клупската историја.

Каталонскиот гигант ја обезбеди титулата на две кола до крајот, со победа од 2:0 над градскиот ривал Еспањол. Откако, во петокот го прослави освојувањето на шампионската титула, како и трофеите во Купот на кралот и Суперкупот на Шпанија, Флик на прес-конференција објави промени во тимот.

Тој откри дека размислува да го започне тимот исклучиво со играчи кои произлегле од Ла Масија, познатата младинска академија на Барселона.

„Разговаравме за потенцијалниот состав со сите 11 играчи од Ла Масија. Постои шанса да го направам тоа, но сè уште не сум донел конечна одлука“, рече германскиот стратег.

Доколку оваа ротација навистина се случи, Барселона прв пат во клупската историја, во официјален натпревар, по започнале со сите единаесет играчи во стартниот состав кои се продукти на Ла Масија.

Натпреварот од 34. коло од француската Лига 1 против Анже беше последен за Рајан Шерки во дресот на Лион.

Младиот напаѓач го потврди ова во изјава по натпреварот:

„Благодарност до Лион, тренерот, стручниот штаб, претседателот, моите соиграчи и сите луѓе во клубот“, рече Шерки.

Талентираниот крилен напаѓач веќе неколку сезони е во фокусот на најголемите европски клубови, но Лион некако успеа да го задржи во своите редови. Овој пат нема да успее.

Договорот на Шерки истекува следната година, но Лион нема да го спречи кога ќе пристигне добра понуда. Се зборуваше дека Манчестер Јунајтед е исклучително заинтересиран за него, но засега нема официјална потврда.

Шерки е дете на Лион. Тој одигра 185 натпревари, а беше одличен и оваа сезона. Постигна осум гола и имаше десет асистенции.