Спорт
Де Хеа ја одбил понудата за нов договор

Давид Де Хеа веројатно ќе го напушти Манчестер јунајтед во летниот преоден рок. Шпанецот на „Олд Трафорд“ пристигна во 2011 година од Атлетико Мадрид. Неговиот договор со „црвените ѓаволи“ истекува на крајот од оваа сезона, а доколку не го продолжи, ќе замине како слободен играч.
Раководството на Манчестер јунајтед на почетокот на оваа сезона не планираше да му понуди нов договор на Давид Де Хеа, но голманот импресионираше со своите игри оваа сезона и Ерик Тен Хаг се уште го сака во тимот.
Де Хеа добил понуда за нов договор, која експресно ја одбил. Планот на Манчестер јунајтед е да го заджи Де Хеа за значително помала плата. Со неделна плата од 425.000 евра, голманот е еден од најплатените фудбалери во Премиер лигата.
Иако Де Хеа ја одби првата понуда за продолжување на договорот, според шпанскиот „Мундо Депортиво“. во клубот веруваат дека можат да го убеди голманот да потпише нов договор.
Доколку Де Хеа сепак реши да замине, клубот веќе има замена за него. „Фихајес“, тврди дека менаџерот Тен Хаг сака да го види на голот на Јунајтед, сонародникот на Де хеа од Брентфорд, Давид Раја.
Де Хеа е еден од најдобрите играчи на Јунајтед оваа сезона. На 18 од 42 натпревари во сите натпреварувања сезонава тој не прими гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.