Спорт
Де Хеа стана најплатениот фудбалер на Манчестер јунајтед
Давид де Хеа потпишал нов договор со Манчестер јунајтед по преговори кои траеја (пре)долго, откако клубот „потклекнал“ и се согласил да го направи најдоброплатениот фудбалер на „ѓаволите“, јавија повеќе англиски медиуми.
Де Хеа влегуваше во последната година од договорот со Јунајтед, но во клубот имаше јасна желба да го заддржат и покрај променливата форма во последно време, а Шпанецот сакаше да стане најплатен фудбалер на клубот заедно со Пол Погба, што очигледно му успеало.
Според британските медиуми, обновениот договор ќе биде на пет години и вреди 15 милиони евра по сезона, откако за него претходно покажаа интерес Јувентус, Пари Сен-Жермен и Реал Мадрид.
? BREAKING: David de Gea has signed a new five-year deal at Manchester United. pic.twitter.com/NLL8ydIgtA
— Transfer News (@TrustyTransfers) September 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.
Спорт
(Видео) Германија победи во Зеница, Холандија освои бод во Будимпешта
Германија и Холандија се издвоија на првите две места на табелата и тие ќе ја водат битката за првото место во Групата 3, во А-дивизијата во Лигата на нации. Вечерва Германците победија во Зеница, а Холандија извлече реми во Будимпешта.
Германија ја победи Босна и Херцеговина со 2:1. Двата гола во првото полувреме за Германија ги постигна напаѓачот на Штутгарт Ундав. Покрај овие два, Германците постигнаа уште три гола кои ги поништо ВАР собата.
Голот за БиХ е дело на Един Џеко во 72.минута.
Унгарија не успеа да ја победи Холандија и покрај тоа што во финишот на натпреваро го одигра со играч повеќе.
Салаи во 32.минута погоди за унгарско водство. Холанѓаните во 79.минута останаа без Ван Дајк, кој беше исклучен поради два жолти картони. Четири минути подцна Дамфрис ги постави конечните 1:1
Германија ја предводи групата со седум бода, Холандија има пет, Унгарија 2, а БиХ еден бод.