Спорт
Де Јонг сака да ја напушти Барселона
![](https://makfax.com.mk/wp-content/uploads/2024/02/16452738044646.jpg)
Фудбалскиот клуб Барселона следното лето ќе мине низ нова транзиција откако Чави Ернандез ќе ја напушти тренерската позиција, а по него ќе заминат и уште најмалку шестмина фудбалери.
Серхио Консеисао и Ханси Флик моментално се главните опции за наследник на Чави, а попатно ќе се случи и одредена реконструкција на тимот. Се претпоставува дека Рафиња ќе го напушти тимот, истото важи и за Серхи Роберто, Маркос Алонсо и Ориол Роомеу, неизвесно е што ќе биде со Феран Торес, Роналдо Араухо, Андреас Кристенсен…
Еден од оние кои досега не привлекуваа премногу внимание за трансфер во летниот преоден рок е Френки де Јонг.
Холанѓанецот во минатото бше ставен на трансфер листата, но не сакаше да замине од клубот. Сега изгледа го сменил мислењето.
Според Релево“ клубот нема да му застане на патот во случај на задоволителна понуда.
Она што е јасно е дека Де Јонг има откупна клаузула од дури 400.000.000 евра и Барселона би можела да се согласи да го продаде за помалку, но претпоставката е дека таа нема да оди под 100.000.000.
Наводно, Де Јонг е свесен за интересот што го има од Манчестер јунајтед и не би било чудно доколку налето тргне на патеката „Олд Трафорд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Претставен првиот болид за новата сезона во Ф1
![](https://makfax.com.mk/wp-content/uploads/2025/02/Gjqgo9uXQAAXKL7.jpg)
Актуелниот шампион во конструктори, Мекларен, денеска го претстави новиот болид со кој ќе се натпреварува во Формула 1 оваа сезона.
Мекларен го претстави болидот „MCL39“ на Силверстоун, а возачите Ландо Норис и Оскар Пјастри возеа заедно 200 километри колку што е дозволено според правилата, објави „Скај Спорт“.
Мекларен претстави болид со алтернативен геометриски дизајн на маската во црна и папаја боја, бидејќи сите тимови се обврзани да ги претстават своите болиди заедно на специјален настан по повод 75-годишнината од Формула 1 во Лондон следниот вторник.
In the wild ⚡️#McLaren #F1 pic.twitter.com/LEXMrKWiaK
— McLaren (@McLarenF1) February 13, 2025
Британскиот тим ја освои титулата кај конструкторите минатата сезона, прва по 26 години, откако ја намали разликата зад Ферари и Ред Бул.
It's all in the details 🔎 pic.twitter.com/ZHIeFyau95
— McLaren (@McLarenF1) February 13, 2025
Официјалните предсезонски тестирања ќе се одржат во Бахреин, од 26 до 28 февруари.
Новата сезона во Формула 1 започнува на 16-ти март со Големата награда на Австралија.
Спорт
Брињоне ја растури конкуренцијата во Залбах
![](https://makfax.com.mk/wp-content/uploads/2025/02/12817915.jpg)
Италијанката Федерика Брињоне (34) стана најстарата светска шампионка во историјата.
Брињоне го освои златото во велеслалом на Светското првенство во Заалбах, Австрија со време од 2:22,71 минути.
„Долго сонував за овој момент, секогаш завршував на второто место. Ова е најдобриот ден во мојот живот, полека доаѓам на себе, се обидувам да се смирам”, изјави светската првенка.
Италијанската ја растури конкуренцијата во велеслалом, само шест натпреварувачки заостанаа помалку од три секунди од победникот.
Сребрениот медал и припадна на Алис Робинсон од Нов Зеланд, таа имаше за 90 стотинки послаб резултат од Брињоне. Третопласираната Пола Молцан од САД заостануваше 2,62 секунди зад Италијанката.
Спорт
Премиер лигата експресно го казни Слот
![](https://makfax.com.mk/wp-content/uploads/2025/02/65599474-a7a8-4d3e-a283-9ac92d8b6545.jpg)
Англиската Премиер лига експресно го казни менаџерот на актуелниот лидер во лигата Ливерпул, Арне Слот (46).
Холанѓанецот синоќа доби црвен картон по завршвањето на дербито со Евертон, а попладнево дозна дека нема да може да го води тимот во наредните два натпревари.
Судијата на натпреварот Мајкл Оливер му покажа црвен картон на Слот поради „агресивен, навредлив и погрден јазик“.
Слот ќе ги пропушти натпреварите против Вулверхемптон и Астон Вила.
Ова беше второ исклучување за Слот оваа сезона, тој исто така доби црвен картон против Фулам. Тогаш беше суспендиран од еден натпревар.
Инаку, синоќа заедно со Слот исклучен беше и неговиот помошник Сипке Хулшоф.