Спорт
Дебакл на Голден стејт, Оклахома се вратија од -19 (Видео)

Сакраменто Кингс не успеаја да победат во Оклахома иако имаа предност од 19 поени, Лејкерси за една четвртина ги декласираа Голден стејт Ворирос, Портланд го забележаа 34 пораз во сезоната, а Филалдлефија без првите ѕвезди Џоел Ембид и Бен Симонс лесно се справи со Њујорк.
Оклахома Тандер направија голем пресврт, се вратија по негативата од 19 поени и ги совладаа Сакраменто Кингс со 112:108.
Данило Галинари постигна 24 поени, а Крис Пол забележа 17 поени и седум асистенции за Оклахома, додека кај Сакраменто Херисон Барнс постигна 21 поен, а Немања Бјелица имаше 18 поени и девет скока.
Оклахома имаат скор 37/22, а Сакраменто 24/34.
ЛА Лејкерс ги декласираа Голден стејт Вориорс со 116:86. Вориост се држеа во првото полувреме кое заврши со само два поени предност за Лејкерс 52:54. Меѓутоа во третиот период Лејкерс го уништија противникот со 17:40.
Леброн Џејмс го пропушти овој натпревар, додека Ентони Дејвис воопшто не играше во последната четвртина. И покрај тоа Дејвис беше најефикасен со 23 поени, колку што на спротивната страна постигна Ерик Паскал.
Лејкерс се лидери во Западната конверенција со скор 45/12, додека Вориорс се на дното со 12 победи и 47 порази.
Кошаркарите на Филаделфија славеа победа против Њујорк Никс 115:106. Во отсуство на повредените Ембид и Симонс, до победата Филалделфија ја предводеа Тобајас Херис со 34 односно Шејк Милтон со 19 поени. Кај Никс се истакна Џулијус Рендел со 30 поени и 10 скока.
Филалделфија се петти на Истокот со 37 победи и 23 порази, додека Никс е претпоследни со скор 17/42.
Портланд минатата сезона стигна адо финалето на Западот, а како тргнале оваа нема воопшто да влезат во плејофот. Без најдобриот играч Демијан Лилард Портланд загубија од Индијана 106:100.
Мечот во Индијанаполис го реши Мајлс Тарнер кој постигна тројка за +6 во последната минута. Домантас Сабонис со 20 поени, 11 скока и шест асистенции се истакна кај Индијана. Портланд го предводеше Си Џеј мекалум со 28 поени.
Индијана Пејсерс се шести на Истокот со скор 35/24, додека Портланд се наоѓаат на деветтото место на Западот 26/34.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.