Спорт
Деби победа за Ал-Раџи, Петерхансел останува лидер

Ветеранот на Тојота, Јазид Ал-Раџи, усепа во финишот да го помине лидерот Стефан Петерхансел за да ја забележи својата прва победа во кариерата на Дакар релито, на седмата етапа од Хаил до Сакаки во Саудиска Арабија.
Петерхансел беше лидер во поголемиот дел од 453 километри долгата етапа, првиот дел од дводневната маратонска етапа, каде што тимовите немаат дополнителна помош и имаше максимална предност од 4:15. Но, проблемите во финишот на етапата, дозволија Саудиецот Ал-Раџи да стигне до победа со 48 секунди предност.
Петерхансел, и покрај механичките проблеми, заврши 27 секунди пред Карлос Саинс Јуниор, додека најблискиот ривал на 13-кратниот шампион Петерхансел, Насер Ал-Атијах заврши речиси 3 минути зад победникот. Деветкратниот рели ВРЦ шампион, Себастиен Леб, откако на шестата етапа поради скршена суспензија падна од 10. на 54. место во генерален пласман, повторно налета на проблеми и уште ја нема комплетирано етапата.
На пет етапи пред крајот, Петерхансел има 7:53 предност пред Ал-Атијах и покрај тоа што нема етапна победа. Саинс заостанува дополнителни 41:06, а другите возачи над еден час.
Кај мотоциклите, актуелниот шампион, Американецот Рики Бребек стигна до својата прва етапна победа, а неговиот колега од Хонда, Хозе Игнасио Корнехо стана нов лидер на трката пред ривалот од КТМ, Тоби Прајс.
Бребек имаше две минути предност пред Корнехо за 1-2 победа на Хонда, додека Скајлер Хаус беше трет. Корнехо сега има предност од само една секунда пред Прајс, додека трет во генерален пласман е Сем Сандерленд со 2:11 заостанување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Тепачка на фудбалски натпревар во Штип, повредени се двајца

Инцидент го прекина првенствениот фудбалски натпревар на првото коло од Републичката пионерска лига меѓу штипска Брегалница и скопско Шкупи, кога на фудбалското игралиште „Бело Брдо“ во Штип возрасна публика од Скопје влезе на теренот, а еден од напаѓачите со клоци удирал по двајца млади фудбалери од домашната екипа. Како што пренесува СДК.мк, инцидентот се случи во последната минута од напреварот за деца родени 2010 година, по еден прекршок меѓу младите фудбалери.
Министерството за внатрешни работи информира дека е уапсен 43-годишен родител по денешниот инцидент на фудбалскиот натпревар меѓу екипите на фудбалските клубови „Шкупи“ и „Брегалница“ на стадионот „Бело Брдо“ во Штип, во кој беа повредени двајца фудбалери на возраст од 15 години на ФК „Брегалница“.
– Денеска (24.08.2025) во СВР Штип било пријавено дека на игралиштето „Бело Брдо“ во Штип, за време на одигрување на фудбалски натпревар помеѓу младинските екипи на ФК „Брегалница“ од Штип и ФК „Шкупи“ од Скопје, А.А.(43) од Скопје, родител на фудбалер од ФК „Шкупи“, физички нападнал двајца малолетници од Штип, фудбалери на ФК „Брегалница“, и им нанел повреди. Веднаш по нападот, полициски службеници од СВР Штип го лишиле од слобода А.А., а малолетниците биле пренесени во Клиничка болница Штип за укажување помош, се вели во соопштението на МВР.
Известен е јавен обвинител и се преземаат мерки за целосно расчистување на настанот, по што ќе бидат поднесени соодветни пријави.
Домашната управа бара од Фудбалската федерација казни за ваквите влетувања на луѓето на теренот, а од гостинската публика и да преземе мерки во иднина да не се даваат вакви лоши примери на младите фудбалери.
Спорт
Манчестер јунајтед постигна договор со голманот на Антверпен

Манчестер јунајтед, до крајот на преодниот рок ќе го реализира трансферот на белгискиот голман Сене Ламенс од Ројал Антверпен. За услугите на 23-годишниот голман клубот од „Олд Трафорд“ ќе плати 20 милиони евра. Ламенс, досега има повеќе од 50 настапи за Антверпен откако се приклучи од Клуб Бриж пред две сезони.
Неговата вредност значително порасна во последните месеци благодарение на неговата форма и неговиот статус како член на белгиската репрезентација до 21 година, а многу аналитичари го нарекуваат еден од најперспективните голмани во Бенелукс.
Планот на Манчестер јунајтед е со доаѓањето на Леменс да ја зголеми конкуренцијата на голманската позиција, а не да биде непосредна замена за првиот голман Андре Онана.
Тренерот Рубен Аморим јавно го изрази своето задоволство од сегашниот голмански кадар, но раководството на клубот е свесно за можното заминување на Онана на Африканскиот куп на нации на почетокот на 2026 година и бара долгорочна сигурност.
Спорт
Рома и Ливерпул во преговори за Цимикас

Рома започна преговори со Ливерпул за траснферот на Костантинос Цимикас. Рома сака да издејствува позајмица со задолжителен откуп на договорот наредното лето.
Грчкиот лев бек нема многу шанси да добие поголема шанса во редовите на шампионите на Англија оваа сезона, особено по доаѓањето на Милош Керкез, а тука е и Енди Робертсон, кој претходно имаше предност пред него.
Затоа, трансфер во Рома изгледа како идеално решение за овој играч. Засега не се споменуваат бројки, но се нагласува дека „волчицата“ е решена да го реализира трансферот.
Новиот тренер на Рома, Џанпјеро Гасперини, инсистира на дополнително засилување на тимот до крајот на преодниот рок, тоа го истакна по синоќешната победа над Болоња со 1:0 во првото коло од Серија А.
Против Болоња, Гасперини играше во формација со тројца во одбраната, а Анхелињо, со кого Цимикас веројатно ќе се бори за место во тимот, дејствуваше како винг бек по левата страна.
Цимикас има 29 години и игра за Ливерпул од 2020 година.