Спорт
„Дејли мејл“: Ѓоковиќ ги запишал своите деца на училиште во Грција, заминува од Србија
Новак Ѓоковиќ ги запишал своите деца во приватно училиште во Грција, а неговото семејство започнува нов живот во оваа земја, по извештаите дека бил цел на српската влада поради поддршка на студентските протести, пишува „Дејли Мејл“.
Освојувачот на 24 Гренд Слем титули, кој долго време се сметаше за национален херој, се соочи со остри критики во последните месеци од медиумите лојални на претседателот Александар Вучиќ откако изрази солидарност со демонстрантите.
Протестите избувнаа во ноември минатата година по уривањето на надрешницата на железничката станица во Нови Сад. Во несреќата загинаа 16 лица. Студентите ја обвинија коруптивните активности на владата се причина за несреќата и побараа политички промени.
Ѓоковиќ ја изрази својата поддршка на социјалните мрежи, кога напиша: „Како некој што длабоко верува во силата на младите луѓе и нивната желба за подобра иднина, мислам дека е важно нивниот глас да се чуе. Србија има огромен потенцијал, а нејзината образована младина е нејзината најголема сила. Она што ни треба на сите е разбирање и почит. Со вас, Новак.“
Подоцна, тој ја посвети својата победа на Австралија Опен на студентка која брутално беше претепана од активисти на владејачката партија, на кошаркарски натпревар во Белград носеше маица со натпис „студентите се шампиони“, а сподели и слики од масовните протести со коментар „Историја, неверојатно“.
Српските таблоиди одговорија нарекувајќи го „лажен патриот“ и го обвинија дека ја поддржува таканаречената „обоена револуција“.
Според порталот „Тенис24“, Ѓоковиќ сега ги запишал својот 11-годишен син Стефан и осумгодишната ќерка Тара во колеџот Сент Лоренс, британско независно училиште во Атина, и нашол постојан дом во јужните предградија на градот.
Вчера, тој беше виден во тенискиот клуб Кавури, каде што играше со својот син во апостолки и им позираше на фото репортерите, и наводно размислува за полноправно членство во тој клуб или во клубот „91 Athens Riviera“.
Гласни се и шпекулациите дека Ѓоковиќ ќе аплицира за грчка „Златна виза“, која дава престој во замена за инвестиции. Тој веќе двапати се сретнал со премиерот Киријакос Мицотакис, последниот пат на островот Тинос.
Иако српскиот претседател се обиде да ги смири тензиите, инсистирајќи дека никогаш нема да зборува лошо за Ѓоковиќ, промената во домашните извештаи означува остар пресврт за тенисерот кој некогаш беше идолизиран во својата татковина.
Foto/ epa
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал нема да го казни Винисиус за срамно однесување
Реал Мадрид нема да го казни Винисиус Жуниор за неговото однесување на натпреварот против Барселона.
Бразилскиот репрезентативец му изнакажа секакви работи на тренерот Чаби Алонсо откако го замени 20 минути пред крајот на натпреварот.
Тој продолжи да ја изразува својата фрустрација по натпреварот кога вербално се пресмета со некои играчи на Барселона, поради што доби жолт картон.
Според информациите од Шпанија, односот меѓу Алонсо и Винисиус е сериозно нарушен. За да се смири недоразбирањето, тие ќе разговараат приватно во среда.
Винисиус, беше изоставен од почетната постава три пати оваа година.
Исто така, неговите преговори за продолжување на соработката со Реал не се поместија од почетната точка. Винисиус е под договор со „кралскиот клуб“ до 2027 година.
Спорт
Партизан го официјализира трансферот на Калатес
Кошаркарскиот клуб Патизан поврди дека нов играч на тимот предводен од Жељко Обрадовиќ е Ник Калатес.
Трансферот на Калатес од Монако во Партизан, беше најавен пред два дена, а претпладнево е официјализиран. 36-годишниот ветеран, во минатото работеше со тренееот Обрадовиќ, кога двајцата беа во Панатинаикос, пред полни 14 години. Таа сезона ја освои Евролигата.
Калатес има 36 години, тој е ветеран во Евролигата кој ја започна својата кариера во Панатинаикос, потоа играше за Локомитва Кубањ, беше во Мемфис, а потоа се врати во ПАО.
Калатес доаѓа во Партизан од Монако, а претходно се прослави бранејќи ги боите на Панатинаикос, Барселона, Фенербахче, Мемфис и Локомотив Кубањ.
Се очекува грлскиот кошаркар да дебитира за новиот клуб во петок, кога во осмото коло, во Евролигата, партизан ќе ја пречека Барселона.
Спорт
Конте го сака Себаљос во Наполи
Фудбалскиот клуб Наполи размислува, во зимскиот преоден рок да донесе замена за Кевин Де Брујне, кој се повреди викендов во победата над Интер (3:1). Сигурно е дека Белгиецот ќе отсуствува до крајот на годината.
„Скај Спортс“, откри дека Антонио Конте сака да го зсили ередот за врска, во зимскиот преоден рок, бидејќи е јасно дека телото на Белгиецот повеќе не може да го издржи ова темпо.
Токму затоа Манчестер Сити одлучи да не му го продолжи договорот, бидејќи често се повредуваше во текот на последните две сезони.
Се чини дека Дани Себаљос е идеална цел, бидејќи Шпанецот не е во преден план и кај Чаби Алонсо. Тренерот на Реал, предност секогаш има дава на Орелјан Чуамени, Едуардо Камавинга, Феде Валверде, Арда Гулер и Џуд Белингам.
Себаљос одби да се врати во Бетис ова лето, веруваше дека ќе добие шанса од Алонсо, сега кога се увери дека тоа нема да се случи, можо е да се согласи да го напушти Мадрид.

