Спорт
Дејли мирор: Ејпл ќе го купи Манчестер јунајтед
Технолошкиот гигант „Ејпл“ покажал сериозен интерес за Манчестер јунајтед, откако семејството Глејзер реши да го продаде клубот, тврди „Дејли Мирор“.
Една од најбогатите компании во светот, која има годишни приходи од 400 милијарди долари, директно никогаш не инвестирала во спортот. Извршниот директор Тим Кук наводно е во преговори со финансиски институции кои треба да ја надгледуваат и да ја вршат оваа работа, иако се уште нема официјални потврди за тоа.
„Ејпл“, наводно е подготвен му плати седум милијарди долари, а потоа да инвестира во клубот. Како што пишува „Дејли стар“, американската компанија е подготвена целосно да го модернизира Јунајтед и да изгради нов стадион.
Кук сака да спроведе технолошки иновации за да го направи Јунајтед најуспешен клуб во светот, за што Глејзерс првично бараа 8,5 милијарди долари.
Но, фактот што клубот не може да освои ништо и игра во Лига Европа, ја спушти неговата цена на седум милијарди долари.
Газдите со години се на удар на навивачите, кои бараат нивно заминување. Навивачите неколку пати организираа протести во и околу „Олд Трафорд“. Тие се пожалија на недоволната комуникација на клубот со навивачите и на низата лоши деловни и спортски потези.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бонифејс дојде во Милан ги заврши лекарските прегледи и се врати во Леверкузен

Нигерискиот напаѓач Виктор Бонифејс барем засега нема да потпише за Милан.
Иако се чинеше дека сè е завршено откако Милан и Баер Леверкузен се договорија за обештетување, а играчот ги доби посакуваните финансиски услови од италијанскиот клуб, росонерите ќе размислат дали а го птопишат напаѓачот.
За време на лекарските прегледи во Миланело, биле забележани неколку неправилности кај Виктор Бонифејс, што го исплаши медицинскиот тим, Масимилијано Алегри и остатокот од спортскиот сектор, па тие решија да го стопираат трансферот.
Бонифејс се врати во Леверкузен каде ќе чека на конечната одлука на Милан. Тие ја разгледуваат ситуацијата. Постои можност сепак да го потпишат, но сега шансите се намалени.
Миланезите ја следат ситуацијата околу напаѓачот на Спортинг Конрад Хардер, кој е наведен како алтернатива.
Спорт
Донарума се договорил со Манчестер сити

Трансфер „бомбата“ што ќе одекне на крајот од преодниот рок ќе биде трансферот на Џанлуиџи Донарума во Манчестер сити. Играчот веќе ги договорил личните услови, двата клуба сè уште треба да се договорат. Во моментот кога Пари Сен Жермен го отпиша италијанскиот голман, беше сосема сигурно дека Донарума ќе се пресели на „Етихад“.
Поранешниот голман на Милан веќе ги договорил личните услови, а останува двата клуба да се договорат за обештетувањето. Пари Сен Жермен сака најмалку 50 милиони евра.
Донарума беше еден од најважните фактори во походот кон титулата во Лигата на шампионите.
Во меѓувреме, Донарума одби да го продолжи договорот кој му истекува наредното лето, откако клубот не сакаше да ги прифати неговите услови.
Пари Сен Жермен практично го отпиша Донарума и двете страни притискаат за трансфер во овој преоден рок.
Пеп Гвардиола одлучи да не ја пропушти оваа можност, иако веќе има тројца голмани во својот состав. Тоа се Едерсон, Ортега и новодојдениот Џејмс Трафорд. Токму тој е стартер на голот на почетокот на сезоната, и не е тајна дека се Сити работи на заминувањата на Едерсон и Ортега.
Спорт
(Видео) Кремонезе го победи Милан

Фудбалерите на Кремонезе направија големо изненадување на стартот на сезоната во Серија А. Кремонезе на Сан Сиро со 2:1 го победи Милан. Во истиот термин Рома со минимален резултат ја победи Болоња.
Повратникот во Серија А, Кремонезе му го расипа дебито на Лука Модриќ во Серија А, прв пат во историјата успеа да го победи Милан на „Сан Сиро“.
Во 28-та минута, стоперот Федерико Баскирото им донесе предност на гостите со удар со глава, а во првата минута од судиското продолжение, Милан израмни на ист начин. Стрелец беше српскиот репрезентативец Страхиња Павловиќ.
Федерико Бонацоли беше најзаслужен за големото славје на тимот од Кремона, во 61-та минута постигна сепктакуларен гол.
Милан во следната рунда ќе игра против на гости против Лече, додека Кремонезе ќе го пречека Сасуоло.
Во дербито на колото, Рома на дебито на новиот тренер Џанпјеро Гасперини ја победи Болоња.
Единствениот гол на натпреварот во 53-тат минута го постигна десниот бек Весли, Бразилец кој пристигна во италијанската престолнина пред помалку од еден месец од Фламенго.
Во втората рунда, Рома ќе гостува во Пиза, додека тимот од „Ренато Далара“ Комо.
Foto/ EPA/MATTEO BAZZI