Спорт
Дејна Вајт го навреди легендарниот борец: Тој е навистина глупав

Шефот на УФЦ, Дејна Вајт, остро ги критикуваше поранешните шампиони на најпознатата борбена организација Тито Ортиз (48) и Ренди Кутур (60). Откако станаа ѕвезди во УФЦ и двајцата бараа повисоки плати и често беа во судир со првите луѓе на организацијата.
На прашањето дали има борци против кои навива, Вајт во разговор за Бигбој ТВ одговори: „Тито Ортиз… Јас како промотер не треба да навивам за никого. Но, едвај чекав Чак Лидел да го искрши. Во клучните моменти од развојот на спортот и УФЦ, Ортиз и Кутур беа луѓето кои се обидоа да го уништат УФЦ. Тие двајца се најлошите луѓе со кои сум имал работа“.
Ортиз и Кутур влегоа во историјата на УФЦ и покрај финансиските несогласувања со Вајт. И двајцата денеска немаат никаков контакт со организацијата.
„Тито е многу глуп, тоа е проблемот. Воопшто не е паметен. Тој е многу, многу глупав. Слушајте го кога зборува јавно. Веќе не сме во кавга. Тито знаеш дека си многу глуп, ти знаеш што си“, продолжи Вајт.
„Бевме блиску до борба која требаше да се одржи во сабота. Преговаравме со месеци, а Ортиз рече: „Не доаѓам доколку не ми платите уште 150.000 долари. Редовно го правеше тоа, а јас бев луд. Мислеше дека е паметен, но всушност беше спротивното. Уништи потенцијално одлична врска меѓу нас бидејќи во тоа време го сакавме. Тој беше наш, мој. Уништи се за пари “, рече Вајт.
Ортиз во кариерата имаше 34 натпревари на кои оствари 21 победа, 12 порази и едно реми. Тој беше шампион во полутешка категорија од 2000 до 2003 година и беше една од првите ѕвезди на УФЦ.
Кутур е трикратен поранешен шампион и се борел во рекордни 16 борби за титулата. Тој славеше против легендите како Лидел, Ортиз и Витор Белфорт. Тој е единствениот борец кој ја носеше титулата шампион во петтата деценија од животот. Кариерата ја заврши на 48 години со биланс од 19 победи и 11 порази.
Двајцата се примени во Куќата на славните на УФЦ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер му предаде на Алкараз, Шпанецот го освои Синсинати

Шпанецот Карлос Алкараз ја освои титулата на Мастерсот во Синсинати.
Во финалето, Алкараз славеше по само дваесет минути игра против најдобриот тенисер во светот и бранител на титулата Јаник Синер.
Синер го предаде натпреварот при водство на Алкараз 5:0 во првиот сет. Се уште не е познато за каква повреда станува збор.
Италијанецот се држеше во неколку наврати во пределот на стомакот, па може да станува збор и за вирус. Како и да е, тој донесе одлука дека е подобро да се предаде и да не го загрози својот настап на Отвореното првенство на САД.
Што се однесува до самиот натпревар, тие дваесетина минути минаа во целосна доминација на Алкараз.
За краток период, тој направи дури три брејка против противник кој, во најголем дел, само статираше на теренот.
Пред последниот гем во првиот сет, во кој Алкараз требаше да сервира, Синер седна на клупата и му рече на судијата Мохамед Лајани дека му е жал за навивачите, но дека не може да продолжи.
Тој исто така нагласи дека морал да се обиде, што имплицира дека здравствените проблеми се појавиле пред почетокот на мечот.
Foto/ X
Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.