Спорт
Деко најде оправдување зошто на Барселона ѝ пропадна трансферот на Вилијамс
Спортскиот директор на Барселона, Деко, проговори за неуспехот на клубот во обид да го донесе Нико Вилијамс во летниот преоден рок.
Барселона цело лето се обидуаше да го донесе крилниот напаѓа, кој беше еден од најдобрите играчи на Шпанија во походот на европската титула. Деко, својот и неуспехот на клубот, кој и понатаму се соочува со финански проблеми, го оправдува со изјавата дека Вилијамс во овој момент не и е потребен на Барселона.
„Не го потпишавме, бидејќи на таа позиција ги имаме Рафиња, Феран, Ансу, Ламин, тука се и Фермин и Олмо кои можат да помогнат“, заклучи Деко и додаде:
„Дани Олмо ни дава многу повеќе опции отколку било кој друг крилен напаѓач“.
Барселона и Атлетик не може да се договорат околу обесштетувањето. Каталонците не сакаа да ја платата откупната клаузула од 60.000.000 евра. На крајот Вилијамс јавно порача дека оваа сезона ќе остане во Билбао.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норис супериорно до пол-позицијата во Сингапур, Саинц заврши во ѕидот, на Леклер му го избришаа кругот
Ландо Норис ја освои шестата пол-поизицја во кариерата петта оваа сезона. Возачот на Мекларен од првото место ќе ја започне трката за Големата награда на Сингапур. Квалификациите ги обележа катастрофата на Ферари, Шарл Леклер и Карлос Саинц ќе стартуваат од деветтото и десеттото место.
Норис ја потврди дека Мекларен во моментов го има најдобриот болид. Го искористи фактот што во третата сесија сите имаа псамо по еден обид да постават најбрз круг.
Со време Норис 1:29:525 минути дојде до пол-позицијата. Две десетински зад него беше лидеот во вкупниот пласман, актуелниот шампион Макс Ферстапен.
Вториот ред им припадна на возачите на Мерцедес, Луис Хамилтон и Џорџ Расел.
Петти на стратот ќе биде победникот од Баку, Оскар Пјастри, кој во текот на целиот викенд не можеше да го прати темпото на тимскиот колега Норис.
Следуваат Нико Хулкенберг (Хас), Фернандо Алонсо (Астон Мартин), Јуки Цунода (РБ) и двоецот на Ферари Леклер и Саинц.
Карлос Саинц, заврши во ѕидот во подготвителниот круг на самиот почеток на последната сесија.
За разлика од Шпанецот, единственото време кое Леклер го постави во последната сесија беше избришано бидејќи излета од патеката во 19 свиок.
Спорт
(Видео) Челси го прегази Вест Хем
Фудбалерите на Челзи победија на гости кај Вест Хем со 3:0 во 5. коло од Премиер лигата.
Натпреварот на „Олимпискиот стадион“ во Лондон беше игра на мачка и глушец. Фудбалерите на Челси решително влегоа во натпреварот и буквално го прегазија ривалот.
Двоен стрелец за „сините“ денеска во бела опрема беше Николас Џексон. Тој ги постигна првите два гола во четвртата и 18.минута.
Во 47. минута запиша и асистенција за Кол Палмер, кој стави точка на резултатот и на прашањето на победникот.
Спорт
Бањаја го победи Мартин во спринтот на ГН Емилија Ромања
Актуелниот светски првак Франческо Бањаја победи во спринт трката, во пресрет на Големата нграда Емилија Ромања. Перфектниот ден на Дукати го комплетираа Хорхе Мартин, возачот на Прамак и Енеа Бастијанини возачот на фабричкиот тим.
Спринтот не донесе никакви возбудувања. Можат да се издвојат два моменти во кои актер беше лидерот во генералниот пласман Хорхе Мартин.
Шпанецот имаше одличен старт, од втората позиција се катапултираше пред Бидер, Бањаја и Бастијанини. Италијанците од Дукати веднаш си ги вратија своите позиции и од тој момент ја започнаа потерата по лидерот.
Шпанецот направи грешка во седмиот круг и му ја препушти првата позиција на големиот ривал Бањаја.
До крајот немаше промени во поредокот.
Во првите десет спринтот го завршија: Марк Маркез (Гресини Дукати), Педро Акоста (ГасГас КТМ), Бред Биндер (КТМ), Фабио Квартараро (Јамаха), Марко Бецеки (ВР46), Франко Морбидели (Прамак Дукати), Маверик Вињалес (Априлија).
Големата награда Емилија Ромања се вози утре од 13 часот.