Тимот на Астон Мартин следната сезона ќе има нов шеф, тоа ќе биде Адриан Њуи, додека досегашниот шеф, Енди Кауел, ќе ја преземе улогата на прв човек задолжен за стратегија.

Во последните недели имаше многу шпекулации дека Кристијан Хорнер би можел да се врати во Формула 1 како шеф на Астон Мартин. Се покажа дека шпекулациите не се точни, Астон Мартин ќе има нов шеф, а тоа ќе биде неговиот поранешен близок соработник заработи унапредување.

Њуи се приклучи на тимот со седиште во Силверстоун на 1 март оваа година, кога ја презеде улогата на извршен технички партнер, чија главна задача беше да го подготви Астон Мартин за новата ера на Формула 1 што започнува следната година.

Сепак, девет месеци подоцна, Астон Мартин објави дека Њуи и Кауел се согласиле да ги поделат своите должности со цел да се фокусираат на своите силни страни и со тоа да му обезбедат на тимот поголема ефикасност. Според овој договор, Њуи ќе го води техничкиот тим, како и досега, но тој ќе се занимава и со водење на тимот на самата патека.

„Во последните девет месеци видов одлични индивидуални таленти во нашиот тим. Со нетрпение очекувам да ја преземам оваа дополнителна улога за да се поставиме во најдобра можна позиција за натпреварувањето во 2026 година, кога ќе се најдеме во сосема нова позиција, кога Астон Мартин ќе стане фабрички тим, а покрај тоа ќе се соочиме со големиот предизвик на новата регулатива. Новата улога на Енди, а со тоа и фокусот на интеграцијата на новата погонска единица со нашите три главни партнери, ќе биде клучен во ова патување пред нас“, истакна Њуи.

Астон Мартин ќе користи мотори на Хонда од следната сезона, а неговите бои ќе продолжат да ги бранат Фернандо Алонсо и Ленс Строл.

За Њуи, улогата што ќе ја преземе ќе биде најголемата во неговата кариера, со оглед на тоа што досега беше единствено задолжен за дизајнирање на автомобилот.

Вистинската легенда на Формула 1 работеше за Вилијамс, Мекларен и Ред Бул пред Астон Мартин. За време на неговата богата кариера, автомобилите што ги дизајнираше освоија вкупно 13 титули во конкуренцијата на возачи и исто толку меѓу конструкторите.

Следната трка во Формула 1 се вози, в недела во Катар, на патеката Лусаил.

Неверојатни сцени на насилство го обележаа крајот на натпреварот од Купот на Боливија помеѓу Блуминг и Реал Оруро. Натпреварот заврши со општа тепачка, полициска интервенција, солзавец и дури 17 црвени картони.

Хаосот следуваше по нерешениот резултат 2:2, со кој Блуминг обезбеди пласман во четвртфиналето, благодарение на победата во првиот натпревар.

Прославата за пласманот во четвртфиналето на играчите на Блуминг набрзо беше прекината бидејќи тензиите експлодираа веднаш по последниот свиреж.

Според боливискиот весник „Ел Потоси“, ѕвездата на Оруро, Себастијан Зебалос, првично бил запрен од противничките играчи, но успеал да се ослободи и да ги нападне другите.

Неговиот соиграч Хулио Вила исто така беше надвор од контрола, делејќи удари што дополнително ги разгореа страстите.

Ниту тренерот на Оруро, Марсело Робледо, не беше посмирен, тој нападнал член на тренерскиот штаб на боливиската репрезентација. Робледо ил хоспитализиран во болница поради повреда на рамото и удар во главата.

Ситуацијата стана толку сериозна што мораа да интервенираат 20 полицајци, кои употребија солзавец за да го контролираат насилството. Тренерот на Блуминг, Маурисио Сорија, им нареди на своите играчи да се повлечат во соблекувалната за да ја смири ситуацијата.

Официјалниот записник од натпреварот го открива обемот на инцидентот: Блуминг заработи седум црвени картони, а Оруро четири. Тренерите на двата тима и нивните помошници добија црвени картони, со што вкупниот број на исклучувања се искачи на 17.

Најмалку шест играчи на Блуминг ќе бидат суспендирани до крајот на натпреварите во Купот.

Фото/ Принтскрин

‼️ Caso total en Bolivia: 17 𝐄𝐗𝐏𝐔𝐋𝐒𝐀𝐃𝐎𝐒 (!) e intervención de la policía

😬 El encuentro entre Real Oruro y Blooming acabó en el caos total en lo que se define desde Bolivia como una "vergüenza nacional" pic.twitter.com/txapvtgwjJ

— Eurosport.es (@Eurosport_ES) November 27, 2025

Неверојатен натпревар, па почетокот на квалификациите за пласман на Светското првенство, во Лондон одиграа Велика Британија и Литванија. Литванците победија 88:89 и покрај тоа што на 15 секунди до крајот Британците имаа предност од седум поени (87:80).

Литванија тргна во напад на 15 секунди до крајот на мечот, на девет секунди до крајот
Саргиунас погоди тројка, на спротивната страна Хесон погоди едно слободно фрлање за 88:83.

Експресно Саргиунас, уфрли уште една тројка, а на семафорот останаа уште три секунди. Британците имаа напад на 88:86. Карл Витл ја губи топката, таа стигна до Саргиунас, кој погоди уште една тројка за конечни 88:89.

Саргиунас го заврши натпреварот со 27 поени, Раджевичиус додаде 16. На другата страна, Хесон имаше 18, исто како и Витл.

Foto/ fiba.basketball

Greatest comebacks I've seen:

1995 | Reggie Miller
2004 | Tracy McGrady
2025 | Ignas Sargiūnas#FIBAWC | #StepItUp pic.twitter.com/TwuVya5xBe

— FIBA Basketball World Cup 🏆 (@FIBAWC) November 27, 2025