Спорт
Дембеле стана најскапиот играч во историјата на Барселона
Седум години по трансферот на Усман Дембеле (27) од Борусија Дортмунд во Барселона, крилниот напаѓач стана најскапото засилување во историјата на каталонскиот клуб.
Барселона го донесе Дембеле од Дортмунд за фиксни 135 милиони евра. Билд“, открива дека во изминатите седум години Борусија ги наплатила сите бонуси предвидени и реализирани во споменатиот трансфер од летото 2017 година, со што износот на обештетувањето за Дембеле е зголемен на 148 милиони евра.
Дембеле на тој начин го надмина Филипе Кутињо, кој беше најскапо платениот играч во историјата на Барселона, за три милиони евра. Тој беше купен во јануари 2018 година од Ливерпул за 145 милиони евра.
Барселона врати само една третина од инвестицијата на продажбата на Дембеле
Но, Дембеле, сега најскапото купување во историјата на Барселона и третото најскапо засилување во историјата на фудбалот беше голем и скап неуспех за Каталонците.
За седум години, поради проблеми со повредите и формата, Французинот имаше само 185 настапи со 40 гола и 43 асистенции.
На крајот со продажбата на Дембеле, Барселона врати само една третина од парите. Минатото лето ПСЖ за него плати 50 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Спектакуларен гол на Јилдиз – Рутински победи за Јувентус и Астон Вила
Јувентус и Астон Вила со победи ја отворија новата сезона во Лигата на шампионите. Двата тима рутински славеа во дуелите со ПСВ Ајндховен, односно Јанг Бојс.
Првиот гол во новата сезона во Лигата на шампионите го постигна Јилдиз. 19-годишникот од Јувентус во 21.минута против ПСВ постигна спектакуларен гол. Од левата страна со десна гаѓаше и го погоди спротивниот агол. Шест минути подоцна Мекени искористи мала конфузија во одбраната на холандскиот тим и го постигна вториот гол.
Дилемите околу победникот ги реши Нико Гонзалес во 52.минута. Почесниот гол за ПСВ е дело на Саибали во 94.минута.
Во Берн, Астон Вила ја оправда улогата фаворит против Јанг Бојс. Англискиот тим доминираше, ги казни сите грешки на противникот и победи со 3:0.
Стрелци беа Тилеманс и Ремзи во првото полувреме и Онана во финишот на натпреварот.
Спорт
Бобан Марјановиќ постигна договор со Фенербахче
Српскиот центар Бобан Марјановиќ наскоро и официјално ќе стане член на Фенербахче, пренесува Јурохупс повикувајќи се на свои извори.
Ова значи дека 36-годишниот Србин се враќа во европската кошарка по девет години кога од Црвена Звезда замина во Сан Антонио.
Марјановиќ, во НБА играше и за ЛА Клиперс, Филаделфија, Далас и Хјустон, со кои ја прекина соработката. Вкупно, тој одигра 331 лигашки натпревар во НБА, а имаше просек од 5,5 поени и 3,6 скока.
Минатата недела се појавија дека Марјановиќ ќе се врати во Европа, но тогаш како фаворит за неговиот потпис фигурираше Бешикташ, на чија клупа седи неговиот сонародник Душан Алимпијевиќ.
Според медиумите, Марјановиќ ќе потпише едно годишен договор, со можност тој да биде продолжен на уште една година.
Наводно месечно ќе заработува 45.000 евра.
Спорт
Македонски аикидоки на Светскиот аикидо самит во Токио
Во олимписката година уште тројца претставници од Македонија ќе учествуваат на настан од светски рамки, а кој се однесува на боречката вештина аикидо.
Од 2-ри до 5-ти октомври Македонската Аикидо Федерација – Аикикаи Македонија (www.aikido.mk) ги испраќа Дамјан Цингарски, Марија Дојчиновска и Веда Јегени, сите од клубот Хенбо од Скопје, на Светскиот аикидо самит кој, како и олимпијадата, се одржува еднаш на секои четири години во Јапонија, земјата од каде потекнува аикидото.
Нашите претставници во рамки на самитот ќе изведат двоминутна демонстрација, претставувајќи ја Македонија, пред самиот врв на аикидо вештината во светот, водачот на Аикикаи фондацијата – Моритеру Уешиба (Moriteru Ueshiba), најголемите имиња на денешното аикидо, учителите од светското седиште на Аикикаи фодацијата – Хомбу доџо, како и пред бројната публика што ќе биде присутна да го проследи настанот од трибините на Јојоги олимпискиот центар во Токио.
Демонстарции ќе изведат и сите други присутни претставници на скоро сите земји од светот, како и најистакнатите мајстори на вештината аикидо. Секоја демонстрација е всушност кореографија на борба, или поточно кажано, демонстраторот исполнува разни техники за одбрана и совладување на еден или повеќе напаѓачи, кои во секоја од демонстрациите се во улога на асистенти. Целта на секоја демонстрација е да се прикаже хармонизираноста на учесниците без разлика дали се наоѓаат во улога на нападнат или напаѓач, и да се нагласи ненасилниот карактер на разрешувањето на конфликт.
Во Аикидо вештината не постојат натпревари, па затоа таа и не може да го најде своето место на олимписките игри, но затоа таа како таква, вештина со приказен, демонстративен карактер, има разни платформи за средби на аикидоки од целиот свет, каде што аикидо приказите служат за да се види постигнатото ниво на учесниците. Настанот ќе може да се проследи на социјалните мрежи.