Спорт
Денот „Д“ за Ерик Тен Хаг
Раководството на Манчестер јунајтед во текот на денот ќе одржи клучен состанок на кој ќе се одлучува за иднината на тренерот Ерик тен Хаг, пренесува „Гардијан“.
Одлуката за судбината на холандскиот стручњак ќе биде донесена во присуство на еден од косопствениците на клубот Џим Ретклиф, директорот за фудбалски операции Омар Берада, спортскиот директор Ден Енсворт и техничкиот директор Џејсон Вилкокс.
Британските медиуми шпекулираат дека во случај Тен Хаг да добие отказ, функцијата привремен тренер би можел да ја преземе неговиот сегашен помошник и поранешен напаѓач на Јунајтед, Руд ван Нистелрој.
Ретклиф минатата недела изјави дека „го почитува Тен Хаг“, но и дека нема директно влијание врз неговата судбина во клубот.
Сепак, по ремито со Астон Вила во последното коло, Јунајтед има само осум бода од седум натпревари, што е најлош старт на сезоната во историјата на клубот, во Премиер лигата.
Тен Хаг требаше да добие отказ и минатата сезона, но го освои ФА Купот со победата над Манќестер сити во финалето и успеа да ја задржи работата.
Во случај клубот сепак да одлучи да го отпушти поранешниот тренер на Ајакс, Манчестер јунајтед ќе биде обврзан да му плати 19 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер ќе го продава Турам за да го донесе Дејвид
Сезоната 2024/25 започна пред неполни три месеци, а челниците на Интер веќе размислуваат за чекорите што треба да ги преземат следната сезона.
Интер планира промени во нападот. На Марко Арнаутовиќ и Хоакин Кореа им истекуваат договорите и сигурно е дека тие ќе го напуштат клубот.
На „Џузепе Меаца“ прават сериозни планови за дао донесат напаѓачот на Лил Џонатан Дејвид. Репрезентативецт на Канада по завршувањето на сезоната ќе стане слободен играч. Во фудбалскиот свет е познато дека спортскиот директор на Интер, Бепе Марота е мајстор за реализиција на вакви трансфери.
Но, и покрај тоа што нема да мора да плати отштета, операцијата нема да биде евтина.
Италијанските медиуми пренесуваат дека шампионот на Италија се подготвува за сериозна распродажба. Интер е подготвен да го продаде Маркус Тирам и покрај тоа што францускиот репрезентативец игра во извонреда форма од полетокот на сезоната.
Наводно Интер за него бара 85 милиони евра.
Тирам минатото лето пристигна како слободен играч, а договорот му истекува во 2028 година.
Спорт
(Видео) Реал без Кампацо против Партизан
Факундо Кампацо и официјално е казнет за инцидентот на натпреварот против Баерн во Минхен.
Иако шпанските медиуми објавија дека аргентинскиот кошаркар ќе се соочи само со парична казна поради вербален конфликт со судиите, тоа нема да се случи.
Како што пренесува Донатас Урбонас, донесена е одлука покрај казна од 5.000 долари, Кампацо да биде суспендиран и на еден натпревар, што значи дека „кралевите“ без Аргентинецот ќе бидат во дуелот против Партизан.
Да потсетиме, незадоволен од една судиска одлука (не доби фаул при шутот за три поени), Кампацо влезе во вербален конфликт со судиите, по што доби една, а потоа и уште една техничка грешка и беше исклучен.
CAMPAZZO HAKEMİN ÜZERİNE YÜRÜDÜ 🤯
EuroLeague'de Real Madrid takımı, ilk haftadan bildiğimiz gerginlikte… Facundo Campazzo, faul beklediği pozisyonda düdük çalmayınca hakemin üzerine yürüdü ve oyundan ihraç edildi. pic.twitter.com/4KbbZIFIft
— Euroleague Time (@euroleague_time) October 3, 2024
Спорт
Јувентус по само три месеци сака да се ослободи од Даглас Луиз
Бразилскиот играч за врска Даглас Луиз (26) минатото лето пристигна од Астон Вила во Јувентус за 52 милиони евра.
Во Астон Вила одигра одлична сезона каде запиша десет гола и асистенции.
Се очекуваше дека ќе продолжи да игра добро во Јувентус, но моментално е далеку од својата најдобра форма и од место во првиот тим.
Луиз досега има осум настапи за тимот на Тиаго Мота, а само еднаш беше стартер. Одигра скромни 222 минути во Серија А и Лигата на шампионите, а на последните два натпревари направи два пенали.
Кај Лајпциг при пресвртот на Јувентус 3:2 неговиот кикс на крајот не ја чинеше скапо „Старата дама“, но затоа во неделата значително го оштети тимот на Торино.
Јувентус неочекувано одигра 1:1 против Каљари во Торино, а на крајот од натпреварот Луиз со несмасе фаул направи пенал, од кој гостите извадија бод.
„Тутоспорт“ пишува дека Мота не се сомнева во техничките квалитети на повремениот бразилски репрезентативец.
Проблемот е во интензитетот на неговата игра бидејќи Мота бара високо темпо и многу трчање во двата правци од сите играчи.
Луиз досега не може да го исполни и затоа е на втор план.
Јувентус ќе му даде време до јануари, а потоа ќе одлучи за неговиот статус.
Според „Трансфермаркт“, Луиз моментално вреди 75 милиони евра, но тешко дека Јуве ќе може да извлече толку пари со оглед на неговата моментална форма.
Бразилецот претходно играше за Манчестер сити, Џирона и Васко де Гама.