Криза е зборот кој се провлекува низ текстовите на шпанските медиуми утрото по поразот на Реал од Милан во Лигата на шампионите. Поради се што се случува, двата убедливи порази и тоа на „Сантијаго Бернабеу“, од Барселона и Милан, медиумите се согласни дека под сериозно е загорозена позицијата на тренерот Карло Анчелоти.

Во последните два натпревари Реал загуби од Барселона (0:4) и Милан (1:3). „Марка“, медиуми традиционално близок до Реал, наведува дека ваквите резултати се скандалозни, пишува за уништувањето на Реал и неговата лоша позиција на табелата во Ла Лига и Лигата на шампионите.

„Реал Мадрид падна и веќе не е само прашање само, која беше дискутабилна од почетокот, во прашање се и резултатите. Проблемите се видливи и на семафорот и тоа е загрижувачко. Тимот на Анчелоти веќе претрпе повеќе порази оваа сезона (3) отколку што имаше во текот на целата минатат сезона (2)“, посочува Марка.

И други пишуваат слично. „АС“, наведува дека Реал „нема план“ и дека „оди од лошо на полошо“, а каталонски „Спорт“ кој го поставува прашањето „Што сега?“ е многу конкретен.

„Вистинска катастрофа“, се наведува и се изразува сомнеж за директен пласман на клубот во осминафиналето од Лигата на шампионите. Се издвојуваат свирежите на навивачите на натпреварот и нивниот плач на социјалните мрежи, го споменуваат Карло Анчелоти и бараат тој да биде сменет.

Анчелоти го критикуваат и за односот што го има кон Арда Ѓулер и Ендрик и падот на нивната вредност, а уште повеќе што изгледаше изгубено на последните два натпревари на Реал.

„Белингем е изгубен во селењето од позиција на позиција, Мбапе не е деветка, Винисиус продолжува со приватните битки и можеше да биде исклучен бидејќи го нарече судијата „луд“, одбраната е како сито, Чуамени не ни докажа дека е за нивото на Реал, во средниот ред целосно недостига креативност… Анчелоти има толку многу проблеми, невозможно е сите да се набројат“, стои во текстото на „Спорт“.

„Навивачите веќе го бараат враќањето на Зидан, па дури и на Солари, додека Чаби Алонсо не пристигне следното лето како вистински тренер на тимот. Новата констелација на ѕвезди на Реал досега се покажува како целосен неуспех и ако сезоната треба да биде спасена, итно е потребна промена во раководството“.

Зинедин Зидан во двата мандати во Реал Мадрид освои три Лиги на шампиони, две шампионски титули, два Суперкупа и две Светски клупски првенства, а во просек освојуваше трофеј на секои 24 натпревари. Реал под негово водство одигра 114 натпревари, а забележа 68 победи, 26 нерешени и 20 порази.

Валтери Ботас и Гуанју Џоу следната сезона нема да возат за тимот на Заубер во Формула 1.

Матијас Биното, новиот тимски шеф на Заубер/Ауди, им се заблагодари на двајцата возачи.

„Во разговорот со Валтери заклучивме дека е време за промена. Вратата на нашата куќа секогаш ќе биде отворена за него како и за Џоу“, изјави Биното.

И Ботас и Џоу му се приклучија на тимот во 2022 година. Сезонава Заубер се уште нема освоено ниту еден бод во првенството.

Веќе е договорено Нико Хулкенберг да биде дел од тимот од следната сезона, додека Габриел Бортолето, шампионот во Формула 3 и актуелен лидер во шампионатот во Формула 2, ќе го заземе второто празно место.

BREAKING: Gabriel Bortoleto signs multi-year deal with Kick Sauber

The @formula2 championship leader will graduate to F1 in 2025!#F1 pic.twitter.com/KvNILcGEVy

— Formula 1 (@F1) November 6, 2024

Бруно Енрике, напаѓачот на Фламенго, најпопуларниот бразилски клуб, во вторникот беше цел на полициска операција.

Бразилецот кој има два настапи за репрезентацијата, а играше во Европа за Волфсбург е под сомнение дека намерно добил црвен картон за да можат членовите на неговото семејство да заработат.

Во овој случај беа ангажирани повеќе од 50 полицајци и припадници на Специјалната единица за борба против организираниот криминал (Гаеко), орган на бразилското Јавно обвинителство.

Во поразот на Фламенго од Сантос (2:1) во ноември 2023 година, напаѓачот намерно беше казнет за прекршок на самиот крај од натпреварот, а потоа беше исклучен поради напад на судијата.

Според Федералната полиција, податоците добиени од обложувалниците покажуваат дека сомнителни облози биле ставени од членови на семејството на играчот и друга група која е предмет на истрага.

Неколку бразилски медиуми пишуваат дека братот, снаата и братучетката на Енрике отвориле обложувачки сметки на денот на натпреварот против Сантос и се обложиле дека напаѓачот ќе добие црвен картон.

Фламенго увери дека играчот ја има „целата нивна доверба“, притоа вети дека ќе соработува со властите.

Неколку обложувачки скандали избија во последните години во Бразил, а во јули 2023 година ФИФА ги продолжи санкциите на меѓународно ниво за 11 играчи суспендирани од бразилската федерација