Спорт
Десет години по кобната несреќа нови детали за состојбата на Шумахер

Десет години по страшната несреќа на скијање во која легендата на Формула 1, Михаел Шумахер се здоби со сериозни повреди на главата, конечно е откриена една позитивна вест за неговото здравје.
„Слушам информации само од втора рака. Слушам од луѓето од Ф1 дека успева да седи на масата за вечера, но не знам дали е тоа вистина. Можам да читам само меѓу редови. Не сме слушнале многу од семејството и тоа е разбирливо. Отсекогаш бил дел од начинот на кој Мајкл и семејството чуваат сè многу приватно, многу тајно“, изјави Џони Херберт, поранешна британска ѕвезда во Формула 1, во интервју за BettingSites.co.uk.
За Германецот се грижи тим медицински персонал и неговата сопруга Корина во нивниот дом. Здравствената состојба на седумкратниот светски шампион со години е обвиткана во тајност, а само најосновните информации доаѓаат од неговиот најтесен круг.
– Според мене, и морам да го истакнам ова, бидејќи ништо не слушнавме од семејството, ова покажува дека, за жал, веројатно е во слична ситуација како таа во која се наоѓаше веднаш по несреќата. Изгледа нема поместување. Претпоставувам дека семејството чека науката да открие нешто што се надеваме дека ќе го врати Михаел што сите го знаевме“, изјави Херберт, кој играше со Шумахер за Бенетон во 1994 и 1995 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Случаен гол на Грилиш за прв пораз на Палас во новата сезона

Во Премиер лигата повеќе нема непоразени тимови. Кристал Палас загиби на гостувањето кај Евертон (2:1) и го доживеа првиот пораз по речиси шест месеци, односно ја прекина серијата од 19 натпревари без пораз во сите натпреварувања.
Евертон стави крај на успешната серија на Кристал Палас со случајниот гол на Џек Грилиш во 93.минута. Палас сами се виновни за овој пораз, имаа предност од 37.минута псо голот на Муњоз, а пота промашија неколку зрели шанси за гол.
Кога не успеаја да го решат натпреварот ги стигна казната. Ендиај погоди од пенал во 76., а потоа во 93.минута Грилиш со првиот гол во дресот на Евертон им ја обезбеди победата на „карамелите“.
Резултати:
Астон Вила – Барнли 2:1 (1:0)
(Мален 25.63 – Угочукву 78)
Евертон – Кристал Палас 2:1 (0:1)
(Ендиај 76п, Грилиш 90+3 – Муњоз 37)
Њукасл – Нотингем Форест 2:0 (0:0)
(Гимареш 58, Волтемаде 84п)
Вулверхемптон – Брајтон 1:1 (1:0)
(Вербруген 21аг – Ван Хеке 86)
17:30 Брентфорд – Манчестер Сити
Спорт
Вардар и Струга одиграа нерешено во дербито на колото

Дербито меѓу Вардар и Струга, во деветтото коло во Првата македонска фудбалска лига заврши без победник. Натпреварот на „Арена Тодор Проески“, заврши 2:2. Вардар од пораз се спаси со гол во судиското надополнување на времето.
Гостите од Струга два пати водеа, но не успеаја да победат. Шабани во 19. минута, го постигна првиот гол,
Во второто полувреме Мато промаши пенал, гостинскиот голман Ангелети го одбрани неговиот удар.
Мато набрзо успеа да постигне гол и да изедначи на 1:1. Четири минути подоцна Компаоре погоди за ново водство на Струга.
Сепак лидерот на табелата не успеа да победи, бидејќи во 92. минута Јанкулов го постави конечниот резултат.
Силекс со минималната победа над Тиквеш ја прекина низата лоши резултати. . Стрелец на единствениот гол во Кратово беше Ади Алиќ во деветтата минута од натпреварот.
Спорт
(Видео) Рома среќно победи во Фиренца и ја продлабочи кризата на Фиорентина

Фудбалерите на Рома ја победија Фиорентина на стадионот „Артемио Франки“ со 2:1, во натпреварот од шестото коло на Серија А.
Екипата на Џанпјеро Гасперини оствари победа по пресвртот во првото полувреме, а некако успеа да ја одбрани победата во вториот дел.
Кен им донесе водство на „виолетовите“ во 14-та минута, но „волчицата“ набрзо возврати и, како што се покажа, го обезбеди триумфот. Изедначи Суле во 22-та минута и Кристанте во 30-та минута.
Српскиот голман Миле Свилар имаше голема среќа во продолжението, бидејќи домашните ја погодија стативата и пречката, а одлична шанса во финишот пропушти Госенс, кој шутираше многу лошо од неколку метри.
Рома повторно се искачи на врвот на табелата со 15 бода, но и натпревар повеќе од Милан и Наполи, кои, исто како и Интер, имаат по 12 бода.
Фиорентина сè уште чека на својата прва победа во сезоната. Тие моментално се наоѓаат на 17-то место на табелата со три бода.
Во истиот период, Болоња ја декласираше Пиза со резултат од 4:0.
Сè беше решено веќе во првото полувреме, откако Камбијаџи постигна гол во 24-та, Моро во 38-та и Орсолини во 40-та минута.
Точка на натпреварот стави Одгар во 53-та минута, за 10-от бод на Болоња оваа сезона. Пиза, која играше со десет играчи поголемиот дел од натпреварот, остана на дното со само два бода.