Спорт
Девет гола, три црвени картони и прекин од 25 минути
Генгамп го победи Мец со 6:3 во осмото коло од втората француска лига. Покрај деветте гола, на натпреварот беа забележани и три исклучувања, пет жолти картони и прекин од 25 минути поради нереди на трибините.
Мец одлично влегоа во натпреварот, поведоа во втората минута со автоголот на Винсент Мансо.
Сепак, пет минути подоцна Џереми Ливолант израмни од пенал. Нов гол беше постигнат во десеттата минута кога Абли Жалоу погоди за 2:1, а во 16.минута гамбискиот напаѓач го постигна третиот гол за Мец. По четирите гола во првите 16 минути се чинеше дека домашните лесно ќе ги освојат бодовите, но потоа започна серија неверојатни глупости на играчите на Мец.
Во 31. минута домашниот стопер Кики Кујате доби жолт картон, а потоа фрли нешто кон судијата и поради тоа беше исклучен од игра. Генгамп со играч повеќе во 45. минута намали на 3:2, а голот го постигна Стивен Кумпер.
Само две минути подоцна црвен картон доби и домашниот голман Александре Оукиџа. Гаетан Куртет беше сигурен од белата точка за 3:3.
Во 56. минута домашните останаа без трет играч. Поради крајно груб и опасен старт, Жан Жак Данли доби црвен картон.
“Got the ball ref!”
Metz’s 3rd red card v Guingamp tonight – possibly the worst “tackle” I’ve ever seen.
From 3-1 up to 3-5 down and down to 8 men. https://t.co/AcEAlPdDY7
— Julian Canny (@juliancanny) September 12, 2022
Натпреварот набрзо беше прекинат. Судијата Пјер Гејлост ја прекина играта и ги испрати тимовите во соблекувалните. На почетокот не беше јасно што се случило, но подоцна беше откриено дека еден навивач се качил на оградата и му се заканувал на судијата.
Паузата траеше 25 минути, по што играта продолжи со 11 до осум играчи. Генгамп ја искористи големата бројчана предност на теренот постигнувајќи уште три гола до крајот на натпреварот, а стрелци беа Дилан Луизер во 69. минута, Ворен Тимбембе во 85. минута и Џереми Ливолант во 88. минута.
Со оваа победа Генгамп се искачи на шестото место со 13 бодови, три помалку од лидерот Соксо. Мец е осми со 11 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.