Спорт
Девојката го нарече Бендтнер „човек без мозок“ поради желбата за Ролс-Ројс! (галерија)
Филин Репстроф, девојката на данската фудбалска ѕвезда Никлас Бендтнер го нарече поранешниот напаѓач на Арсенал „човек без мозок“ и „апсолутно луд“ откако Лордот планира да си купи Ролс-Ројс од 350.000 евра додека е невработен.
Бендтнер, кој е без клуб откако неговиот матичен клуб Копенхаген го отпушти во декември, неодамна бил во Германија за да преговара за купување на Ролс-Ројс Беџ Рајт автомобил. Но, на реалното шоу на данската телевизија, се прикажа неверојатната расправија меѓу Лордот и неговата девојка.
„Филин мисли дека мојата зделка ме прави човек без мозок. Можам да ја сфатам, бидејќи се работи за голема сума за кола. Но, тие се мои пари, ги заработив и можам да ги потрошам на што сакам“, вели Бендтнер.
Репстроф, која е манекенка, не ги штедеше зборовите.
„Тој мора да сфати дека во моментов е невработен, а сака да има супер-мега отмен автомобил кој никој не го поседува во Данска. Го сака тоа само бидејќи сака да биде посебен. Се предадов. Тој нема осет за реалноста. Тоа е лудо. Мисли дека ако сака нешто, мора да го има“, вели Репстроф.
Подоцна, Бендтнер се откажал од купувањето, но не поради убедувањата од девојката.
„Се работи за нестабилен пазар и не успеав да продадам дел од работите кои ги сакав. Да се вложат толку пари во кола сега е несигурно“, објаснува Бендтнер.
View this post on Instagram
View this post on Instagram
View this post on Instagram
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ракометарите убедливо поразени од Фарските Острови
Ракометната репрезентација на Македонија ќе има тешка задача да избори пласман на Светското првенство. Вечерва во Торшван, Фарските Острови ја победија Македонија со 34:27.
Македонија, во дуелот со репрезентацијата која беше најпријатното изнеандување на последното Европско првенство, во ниту еден момент не беше конкурентна.
Од стартот македонските ракометари му дозволија да го наметне својот стил на игра. Одбраната немаше решение за играчот на Кил, Скипаготу кој постигна десет гола.
Македонија ја рпедводеше Филип Кузмановски со осум постигнати гола, Митев постигна пет, а Никола Костески четири.
Реванш натпреварот во Скопје се игра в недела од 19:00 часот.
Спорт
Салфетката на Меси на аукција достигна цена од 300.000 евра
Започна наддавањето за салфетката на која фудбалскиот клуб Барселона го напиша своето ветување дека ќе потпише договор со тогаш 13-годишниот Лионел Меси. Првите понуди достигнаа речиси 300.000 долари.
Договорот на салфетката е потпишан во декември 2000 година кога Карлес Рексач, тогаш спортски директор на Барселона, се договори со менаџерот Хорасио Гаџиоли, клубот да го ангажира аргентинскиот тинејџер кој подоцна стана најдобар играч и стрелец во клупската историја.
Наддавањето за документот, опишан од аукциската куќа Bonhams како „сино мастило на стандардна шпанска восочна салфетка“, достигна 220.000 фунти (околу 280.000 евра) набргу по отворањето на аукцијата, објави веб-страницата на аукционерот.
„Тоа никогаш не беше правно обврзувачко, но емотивно претставува длабока врска или почеток на длабока врска што Меси ја имаше со Барселона“, рече главниот маркетинг директор на Бонамс, Марк Сендс.
Меси и помогна на Барселона да освои 35 трофеи, со рекордни 782 настапи и 674 голови.
Лионел Меси ја напушти Барселона во 2021 година и сега игра за Интер Мајами.
Онлајн продажбата завршува на 17 мај.
Спорт
Каталес херој – Фенербахче избори место на завршниот турнир
Кошаркарите на Фенербахче обезбедија пласман на фајналфорот во Евролигата, тие го победија Монако во мајсторката од четвртфиналната, по едно продолжение со 80:79. Во регуларниот дел натпреварот заврши 70:70.
Фенербахче и первата екипа во историјата на Евролигата која успеала да го добие петтиот меч на гостински терен. Претходните 19 мајсторки завршувале со победи на домаќините.
Натпреварот во Монако беше исклучително израмнет и драматичен. Во регуларниот дел Вилбекин погоди тројка на влез во последната минута и му донесе на Фенер предност од четири поени, одговори Окобо со четири коша, но истиот играч не успеа со звукот на победа да погоди тројка за победа.
Во продолженијата херој на фенербахче стана Ник Калатес. Гркот кој погоди две тројки, втората на 18 секунди до крајот с која му донесе победа на Феенрбахче.
Калатес и Вилбекин беа најефикасни кај фенербахче со по 14 поени, Биберовиќ постигна 13, а Гудуриќ 10. Кај Монако најефикасен беше Мајк Џејмс со 20 поени, Мотејунас забележа 16 поени и седум скока, а Окоо постигна 15 поени.
Фенербахче во полуфиналето на завршниот турнир во Берлин, на 24.мај ќе игра против Панатинаикос.