Спорт
Дезориентиран боксер заврши во кома
Јужноафриканскиот боксер Симишо Бутелези, по борбата со Сифесиле Мтунгва, се наоѓа во кома.
Деновиве на интернет кружи видео од борбата, за шампионскиот појас во лесна категорија во верзијата ВБФ, помеѓу Бутелези и Мтунгва.
Како што можете сами да видите, откако Мтунгва заврши во јажињата, судијата го прекина мечот, а потоа дава знак борбата да продолжи, но во тој момент забележливо е дека Бутелези не знае каде се наоѓа.
Тој се врти кон аголот каде што нема никој, мислејќи дека таму е неговиот противник и удра во празно. Дезориентираниот јужноафрикански боксер беше отстранет од рингот, а победата и беше доделена на Сифесиле Мутунгви.
Бутелези веднаш бил пренесен во болница и според медиумите се наоѓа во индуцирана кома.
„Не е добро. Не можеме да кажеме дека неговото здравје е добро, критично е, но е стабилно. Имаше крварење во мозокот, но успеавме да го спречиме и неговата состојба редовно се следи“, изјави неговиот лекар Буџи Мабасо Дламини. .
Ова е многу бизарна ситуација, бидејќи според официјалниот извештај Бутелези не добил посериозни удари во текот на мечот, дури двајца од тројцата судии нему му доделиле повеќе поени, додека третиот борбата ја бодувал со нерешен резултат.
Very scary in South Africa please ?? for Simiso Buthelezi (4-1). At 2:43 of the 10th & final round, Siphesihle Mntungwa (7-1-2) falls through the ropes but then Buthelezi appears to lose his understanding of the present situation. Mntungwa takes the WBF African lightweight title pic.twitter.com/YhfCI623LB
— Tim Boxeo (@TimBoxeo) June 5, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

