Спорт
Џамбо Милиќ: Ги сакав Скопје и Вардар, со Раул Гонзалес бев „на нож’
Страхиња Милиќ, поранешен голман на Партизан, Силкеборг и Вардар, освојувач на ЕХФ Лигата на шампионите со скопскиот тим во 2017 година, во опширно интервју за „Моцартспорт“, проговори за кариерата што ја заврши рано, на 28 години, понуди од најдобрите Европски клубови, тешки моменти кога не беше на врвот…
Играше само за три клуба, а листата на можни дестинации беше импресивна, од германскиот гигант Кил, потоа Фленсбург, Гумерсбах, Мелсунген, до Веспрем и Целје… И на крајот Барселона.
Повеќето ракометари велат дека поканата од блауграната не се одбива, а Милиќ го направил токму тоа. И тоа поради лојалноста и благодарноста кон Вардар, градот Скопје и рускиот бизнисмен Сергеј Самсоненко.
„Кога ја завршив кариерата имав важечки договор со Вардар. Одличен договор во тоа време. Моите проблеми почнаа во 2016 година, можеби и порано. Цело време бев „на нож“ тренерот, Шпанецот Раул Гонзалес. Сега кога си го враќам филмот, повеќето работи беа моја вина. И луда глава, отровна… Во тие години ми се гадеше ракометот. Сето тоа го правев за да се докажам некому, да ослабам, а никогаш не се работеше за мојот квалитет. Секогаш ми велеа, се е во ред на натпреварите, добро браниш, но види како изгледаш?! Сето тоа ме нервираше, ме навредуваше… Не е поентата, дали си ја работам работата како треба или не. Немој да ми отежнуваш. Секогаш имало незадоволство од негова страна, тој никогаш не бил задоволен“, ја започнува приказната на Милиќ за бурното лето 2018 година.
„Добив понуда од Барселона неколку години пред европската титула. Менаџерот Јокиќ контактираше со Чави Пасквал, ми беше понуден договор кој би бил многу подобар од она што го имав во Вардар. Ми се јави и Кирил Лазаров, ми рече дека ме сакаат овде, да дојдам. Како да ја одбијам Барса? Никој не го направи тоа. Сергеј секогаш стоеше зад мене, сакав да му покажам дека сум му благодарен и лојален, дека ги сакам Скопје и Вардар. Многу луѓе велеа дека сум будала и кретен. Не жалам за таа одлука. Дали мојата кариера ќе беше подобра ако отидев во Барса? Веројатно би, но не жалам. Јас би го направил истото сега“.
Проблемите со Раул Гонзалес кулминираа во 2018 година, но и по титулата во 2017 година во Келн.
„Кога ја освоивме титулата во 2017 година, дојдов да се подготвувам за следната сезона. Во договорот со Вардар имав клаузула дека не смеам да тежам повеќе од 140 килограми. Постојано пропуштав подготовки, што беше добра работа. Наместо тоа да биде казна, тоа беше награда за мене“.
Како беше последната сезона од вашата кариера? Ја браневте титулата во Келн, но не ја одбранивте…
„Раул ме казни пред почетокот на таа сезона, по титулата. И тогаш полудев, им кажав на сите да одат во …Реков дека не можам да живеам. Клубот се распаѓаше, почнаа проблеми, се случуваа разни работи. Исто така, сакав да јадам и да пијам. Се опуштив, не знаев каде ми е максимумот. Се раширив како жаба. Најлудото е што добро се снајдов таа сезона, но на крајот стигнав до 180 килограми. Не беа 10-20 килограми повеќе, туку 50. Договорено беше да ослабам барем 10 килограми пред да дојдам на подготовките, за да може тренерот и луѓето во клубот да ја видат мојата желба и волја. Им кажав веќе тогаш на крајот од она што се покажа како моја последна сезона, дека доаѓам летото само за да се збогувам. И така беше“.
Имаше ли волја да се реши недоразбирањето, како реагираа луѓето во клубот, соиграчите?
„Клубот не беше задоволен од мене, не можев повеќе. Соиграчите се побунија, рекоа да не го правам тоа, да останам. Најискусните Карачиќ, Стоилов, Дибиров, Чупиќ застанаа во моја одбрана. Беше договорено да бидам казнет половина од договорот, но кога ќе се смирам ќе ми биде вратен. Сега, кога ќе погледнам наназад, сето тоа беше за мене, во моја корист. Им кажав дека не ме интересираат парите, дека ма да останам и да ми понудат двојно поголем договор. Едноставно, се исклучив. Ја немав повеќе емоцијата која ме носеше во ракометот. Тоа беше мојата конечна одлука, ја завршив кариерата на 28 години“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Собослаи ја одложи промоцијата на Португалија во учесник на СП
Фудбалската репрезентација на Унгарија ја одложи промоцијата на Португалија во учесник на Светското првенство. Вечерва на „ Хозе Алваладе“ стадионот во Лисабон, Португалија и Унгарија ремизираа 2:2.
Промоцијата на Португалија ја одложи играчот на Ливерпул, Доминк Собослаи со голот во 91-та минута.
Португалците ја предводат групата со 10 поени, пет повеќе од Унгарија и сигурно е дека во наредната рунда, во ноември ќе го обезбедат пласманот на планетарната смотра.
Дека „скапо ќе ја продадат кожата“ во Лисабон, Унгарците најавија во осмата минута кога Атила Салаи погоди за 0:1.
Во финишот на полувремето на сцената стапи Кристијано Роналдо и со два гола делириум кај воодушевената публика во Лисабон.
Во исто време, славниот Португалец стана нов рекордер по бројот на голови во квалификациите за Светското првенство. Со овие два гола, тој постигна вкупно 41 гол на 50 квалификациски натпревари и со тоа го престигна Карлос Луиз од Гватемала на листата на стрелци на сите времиња. Трет е уште славен фудбалер, Аргентинецот Лео Меси со 36 гола.
Кристијано Роналдо ја напушти играта во 78-та минута, а како натпреварот се приближуваше кон крајот португалските навивачи почнаа да го слават пласманот на Светското првенство.
Сепак, во судиското надополнување, тие беа шокирани од голот на унгарскиот капитен Доминик Собослај.
Foto/ EPA
Спорт
Сенегал и „Слоновите“ се пласираа на Светското првенство
Фудбалските репрезентации на Сенегал и Брегот на Слоновата Коска обезбедија директен пласман на Светското првенство во последното коло од африканските квалификации. Претходно место на СП од Африка обезбедија Алжир, Тунис, Мароко, Гана, Египет и Зеленорските острови.
Сенегалците ја победија Мавританија со 4:0 во натпреварот од Групата Б и го потврдија првото место што води на Светското првенство.
Најзаслужен за триумфот на Сенегал беше поранешниот играч на Ливерпул, Садио Мане, со два гола, а Илиман Ендиаје од Евертон и Хабиб Дијало постигнаа по еден гол.
Во истата група ДР Конго оствари триумф од 1:0 над Судан и го освои второто место, кое, како една од четирите најдобри второпласирани репрезентации во квалификациите, го води во плејофот.
Гол за пласман во баражот го постигна напаѓачот на Спартак Москва, Тео Бонгонда.
Брегот на Слоновата Коска славеше над Кенија со Кенија со 3:0 и го остави зад себе Габон во Групата Ф.
Головите за „слоновите“ ги постигнаа Франк Кеси, Јан Диоманде и Амад Дијало.
Габон ќе оди во плејофот откако вечерва го победи Бурунди со 2:0 благодарение на головите на Брајан Енгу и Марио Лемина на крајот од натпреварот.
Сега во африканските квалификации, нè очекува бараж во кој се пласираа Габон, ДР Конго, Камерун и Нигерија.
Само еден од нив продолжува во интерконтиненталниот бараж каде што ќе бидат и Боливија, Нова Каледонија, две селекции од Северна Америка и една од Азија.
Од тој бараж, само две селекции ќе се пласираат на Светското првенство.
Спорт
(Видео) Англија прва од Европа избори пласман на СП, Србија прими гол од центар па ја победи Андора
Фудбалската репрезентација на Англија прва од Европа избори место на Светското првенство. Англија пукна петарда во Латвија, на две кола до крајот има 18 поени во групата, седум повеќе од Албанија и осум од Србија, која се мачеше во Андора, но победи со 3.1.
Англија ја покажа класата во К групата, шест натпревари исто толку победи и гол разлика 18:0. Вечерва во Рига избраниците на Томас Тухел славеа со 5:0.
Серијата ја отвори Ентони горсон во 26-та минута, а до крајот на полувремето два гола постигна Хари Кејн. Во вториот дел авто-гол си постигна Тонишевс, а точка на мечот стави Езе во 86-та минута.
Во оваа група Србија некако успеа да победи во Андора. Србите се уште се во шок по поразот од Албанија, во саботата и заминувањето на селекторот Стојковиќ.
Дополнителен шок доживеаја во 17-та минута кога Гарсија, со спектакуларен гол, од половина терен и донесе предност на Андора.
Србите веќе во следниот напад изедначија во авто-голот на Гарсија. Во вториот дел погодија Влаховиќ во 54-та и Митровиќ од пенал во 77-та минута.
Foto/ EPA
Трамп ги третира европските лидери како марионети во својот „куклен театар“, вели Карпович
Претседателот на САД, Доналд Трамп, гледа дека европските лидери му се целосно потчинети и се подготвени да реагираат на секој...
„Пренеси им поздрав и порака на нашите ангели“ – родителите од Кочани сочувствуваат со смртта на Панчо
Здружението на граѓани „16 март“, формирано од некои од родителите и семејствата на загинатите деца во пожарот во дискотеката „Пулс“...
Железничката станица не може да биде турбофолк-хаб, Ивановски ќе отстранува сѐ што не е во проектот од Кензо Танге
Железничката станица во најкус рок ќе биде исчистена од билборди, паноа и графити и ќе биде забрането да се поставуваат...
Андоновски: Македонија добива национален центар за вештачка интелигенција – почнува проектот „Везилка“
Министерот за дигитална трансформација, Стефан Андоновски, денеска официјално го претстави проектот „Везилка“ – Национален центар за вештачка интелигенција, капитален проект...
Почина Панчо од ДНК
Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што доби сериозни...
Извештаи за примени донации доставиле 35 отсто од учесниците во изборната кампања
Во согласност со Изборниот законик, учесниците во изборната кампања за локалните избори 2025 година имаат обврска да поднесат извештаи за...
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
„ЈО и Коцевски да одговорат дали дискотеката „Пулс“ платила 40.000 евра, дали Спасовски ја спасил од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или...
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс икс“ на Маск ја лансира единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области,...
Трамп го потпиша мировниот договор за Газа: „Поминаа 3.000 години за да се стигне до ова“
Американскиот претседател Доналд Трамп го потпиша првиот мировен план за Газа, изјавувајќи при потпишувањето: „Поминаа 3.000 години за да се...
ЕУ отвора центри за вештачка интелигенција во Македонија и Србија
Претседателката на Европската комисија, Урсула фон дер Лајен, денеска најави дека Европската унија ќе отвори две „ВИ фабрики“ (центри за...
Поранешен дечко со оружје дошол пред домот на девојка во Гевгелија, полицијата го спречила
Полицијата во Гевгелија денеска спречи обид за убиство на девојка од нејзиниот поранешен партнер. Според информациите на Министерството за внатрешни...
Алиу лично е за токсиколошка проверка да биде законска за сите лекари, но не знае дали правно може да се дефинира
Министерот за здравство Азир Алиу лично смета дека треба да се додаде законска обврска за токсиколошки анализи на сите лекари...
Јован Божиновски назначен за нов директор на Клиникaта за неврологија, соопшти Алиу
Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен...
Ѓорѓиевски дискотеките ќе ги извади на периферијата, младите брачни двојки ќе бидат 100 % ослободени од комуналии ако градат куќа
Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо...
