Спорт
Џирона се распрашува за Миовски, а Џенова подготвува понуда за македонскиот репрезентативец

Македонскиот репрезентативец Бојан Миовски на маса има неколку понуди. Интерес за него покажале клубови од Серија А, Примера и Премиер лигата.
Абердин нема ништо против да го продаде најдобриот стрелец, но тоа нема да го направи за помалку од 8.000.000 евра.
Интересна е листата на клубови кои покажале интерес за Миовски. На таа листата има два клуба кои ќе играат во Лигата на шампионите и два клуба кои се врати во најсилните дивизии во своите национални шампионати.
Последен клуб кој се распрашувал за Миовски, барем така тврдат медиумите во Шкотска е хит тимот во Шпанија од минатата сезона, Џирона.
Џирона минатата недела остана без најдобриот стрелец, Артом Довбик кој за 38.000.000 евра се пресели во Рома. Клубот од Каталонија забрзано го формира ростерот бидејќи во новата сезона ќе игра во Лигата на шампионите.
Познато е дека од претходно за Миовски интерес покажа и Болоња. И овој клуб како и Џирона ќе се натпреварува во европската елита. Од италијанските клубови и Џенова се распрашува за македонскиот репрезентативец. Клубот од „Мараси“ подготвува понуда откако остана без Матео Ретеги кој за 25.000.000 евра се сели во Аталанта.
Интерес за Миовски има и кај Саутемптон, односно Еспањол, клубови кои изборија промоција во Премиер лигата и Примера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.