Спорт
Ди Марија: Сè уште пијам лекови за поразите во финалните мечеви со Аргентина

Аргентинскиот фудбалер Анхел Ди Марија изјави дека сè уште зема лекови за да се справи со притисокот и разочарувањето од загубите во три последователни финалиња на големите натпреварувања со националниот тим.
Ди Марија го освои Светското првенство во Катар со Аргентина во 2022 година, а Копа Америка во САД две години подоцна, откако загуби две финалиња на Копа Америка и финалето на Светското првенство во 2014 година во период од три години.
„Затоа се уште пијам лекови. Успеав да ја намалам дозата. Многу сум подобар, но тоа е нешто што создава зависност… Тоа се работи кои остануваат со вас, кои ве обележуваат“, изјави Ди Марија за „Infobae“.
Тој додаде дека му е жал за многуте поранешни репрезентативци кои не успеаја да ја освојат титулата со Аргентина.
„Кој се сеќава на момците кои стигнаа до финалето на Светското првенство, а не победија? Малкумина и ми изгледа неправедно. Кој зборува за тие деца? Никој. Малкумина можат да ви кажат како играле. Многупати го кажав тоа кога станавме светски шампиони, кога ја освоивме Копа Америка, секогаш велев дека овие трофеи се освојувани благодарение на претходната генерација“, изјави Ди Марија.
Тој минатото лето се повлече од репрезентацијата и рече дека не жали. За Аргентина одигра 145 натпревари и постигна 31 гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Борзаш од Пелистер се сели во Алкалоид

Урош Борзаш, репрезентативецот на Србија по две сезони ќе го напушти Еурофарм Пелистер, но ќе остане во Македонија. Левиот бек ќе се пресели во редовите на Алкалоид.
Борзаш ја мина академијата на Веспрем, подоцна играше за Тулуз, една година во Елверум, Норвешка, а во Битола е од летото 2023 година.
Стандарден е репрезентативец на Србија, за која на големите натпреварувања дебитираше на Европското првенство во 2022 година.
Спорт
Партизан и АЕК ќе играат на неутрален терен

Ракометниот натпревар меѓу Партизан и грчки АЕК во рамките на четвртфиналето на Купот на ЕХФ е одложен поради инциденти во салата Бањица.
По тој повод 24 часа подоцна се огласи и Европската ракометна федерација (ЕХФ).
Според соопштението на Европската ракометна федерација, реваншот ќе се игра, но на неутрален терен.
„ЕХФ во понеделник одлучи да го премести натпреварот на неутрален терен, ниту во Србија, ниту во Грција. Точната локација и време ќе бидат објавени во догледно време. Со оглед на се она што се случуваше во недела навечер, ЕХФ размислува натпреварот да се одигра без публика. Сепак, ќе биде покрената правна постапка за се она пто се случи во салата на Бањица“, се вели во соопштението.
Натпреварот требаше да започне во 18 часот во салата Бањица, но навивачите на Партизан фрлија неколку топовски удари на теренот, поради што реваншот не започна навреме, а потоа се претвори во двочасовно чекање, откако играчите на АЕК одбија да излезат на теренот.
Ракометарите на Партизан ги молеа своите симпатизери да се вратат во спортските рамки на навивање, но тоа не се случи.
На првиот натпревар во Атина, исто така во многу тензична атмосфера, АЕК го совлада Партизан со резултат 27:22.
Спорт
ФФМ најави дисциплинска постапка за натреварот во Тетово: За вакви нелуѓе нема место во фудбалот

Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот на прволигашкиот дуел со АП Брера.
Сите натпревари од актуелното коло започнаа со минута молк во чест на жртвите од трагедијата во Кочани, но навивачите на Шкендија решија да изразат целосно непочитување и краткиот период го исполнија со пеење, скандирања и свирежи.
ФФМ неколку часа подоцна најави дисциплинска постапка.
– Фудбалската федерација на Македонија (ФФМ) отвора дисциплинска постапка против ФК Шкендија поради нечовечкото однесување на навивачите и непочитувањето на минута молк во чест на жртвите од трагичната несреќа.
– Овој чин претставува недопустливо непочитување кон загинатите и нивните семејства. ФФМ ќе преземе соодветни мерки согласно правилата со што ќе обезбеди вакви недолични постапки никогаш повеќе да не се повторат. За вакви нелуѓе нема место во фудбалот.
– Нека се огледаат на Шкендија Арачиново, која покажа достоинство и почит кон жртвите и целокупната ситуација во државата. ФФМ пред неколку недели веќе ги испразни трибините со гостински навивачи во Струга поради недолично однесување и тоа ќе важи за сите – без исклучок.
– Фудбалот мора да остане спорт на почит и достоинство, – стои во соопштението на ФФМ.