Спорт
Ди Марија: Сите се обидуваме да му помогнеме на Меси
Анхел ди Марија во интервју за „ЕСПН“ открива дека фудбалерите на Пари Сен-Жермен прават што е возможно да му помогнат на Лионел Меси да се адаптира во Париз откако цела кариера ја помина во Барселона.
Аргентинецот, кој неодамна ја освои својата седма „Златна топка“, имаше бавен старт во ПСЖ и за првиот гол во Лига 1 чекаше до 20 ноември против Нант, но Ди Марија вели дека тој полека се вклопува во тимот.
„Мислам дека на последниот меч против Бриж покажавме дека можеме да играме добро. Нормално е да има многу очекувања по пристигнувањето на Меси, но некои луѓе мислеа дека сега секој меч ќе го добиваме со 4:0 или 5:0. Но, фудбалот не е таков. Тој е среќен дома со неговото семејство, неговите деца се во училиште и сите се обидуваме даму го направиме животот полесен. Во фудбалот работите се движат полека – за него е предизвик да се навикне на новиот играчи и на новиот начин на игра – ние играме брзо во нападот, додека во Барса играа со посед на топката“, вели Ди Марија.
Тој исто така застана во одбрана на тренерот Маурисио Почетино.
„Не му е лесно на Почетино. Само 11 луѓе може да стартуваат и тој мора да работи со тоа. Не е лесно сите да се среќни, а тој се обидува да го направи најдоброто за тимот“, додава Ди Марија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Престијани пред УЕФА: Го нарекол Винисисус пед.р, а мајмун
За неколку дена инцидентот што се случи на натпреварот меѓу Бенфика и Реал Мадрид, во Лигата на шампионите ќе добие епилог. УЕФА ги анализираше доказите, ги доби изјавите од инволвираните во инцидентот и се очекува да ги соопшти казните.
Во центарот на вниманието е играчот на Бенфика, Џанлука Престијани. Тој беше обвинет од страна на Винисиус Жуниор и Килијан Мпбапе за расизам.
Ѕвездите на Реал тврдат дека Престијани го нарекол Винисисус „мајмун“, додека Агрнтинецот изјави дека му рекол на Бразиелцот дека е „пед.р“.
Според „ESPN“, Престијани во своето обраќање до УЕФА изјавил дека не употребил расистичка навреда, туку хомофобна, тврдејќи дека употребил навредлив термин за сексуална ориентација, а не расистичка навреда.
Сепак, без оглед на формулацијата, дисциплинската рамка е јасна. Член 14 од Дисциплинските прописи на УЕФА предвидува идентичен опсег на казни за навреди врз основа на раса, боја на кожа, етничко потекло, религија, пол или сексуална ориентација.
„Секое лице или субјект кој го навредува човечкото достоинство на поединец или група по која било основа, вклучувајќи боја на кожа, раса, религија, етничко потекло, пол или сексуална ориентација, ќе биде суспендиран најмалку десет натпревари или одреден временски период, или ќе му биде изречена друга соодветна санкција“, се наведува во правилникот.
Во пракса, ова значи дека секоја разлика во видот на прекршокот не ја менува сериозноста на дисциплинската постапка – и расистичките и хомофобичните испади подлежат на иста минимална казна.
Foto/ EPA
Спорт
Договорот е конечен, Зинедин Зидан се враќа
Зинедин Зидан ќе стане нов селектор на Франција.
Фабрицио Романо повтори дека Зидан ги договорил сите услови со Француската фудбалска федерација и дека практично сè е усно завршено, додека потпишувањето ќе следи во текот на летото.
Дидие Дешан ќе ја предводи Франција на Светското првенство во 2026 година, со што ќе го заврши своето неверојатно патување кое траеше 14 години.
Дешан ја презеде Франција во летото 2012 година, го освои Светското првенство во Русија во 2018 година, загуби две големи финалиња, на Европското првенство во 2016 година против Португалија и на Светското првенство во Катар во 2022 година.
Што се однесува до Зидан, ова ќе биде неговата прва работа откако го напушти Реал Мадрид по неговиот втор мандат.
Зидан го предводеше Реал во два наврати, од јануари 2016 година до летото 2018 година, а во тој период освои дури три Лиги на шампиони, а потоа се врати во март 2019 година и остана на клупата до летото 2021 година, оттогаш е невработен.
Тој никогаш не криел дека позицијата селектор е неговиот најголем сон, а во меѓувреме одбил бројни клубови како што се: Јувентус, Манчестер Јунајтед и Челзи.
Спорт
Бетис има неверојатни дресови, направени се од портокал
Фудбалерите на Бетис, попладнево ќе го пречекаат Рајо Ваљекано во специјално изработени дресови направени од кора од портокал и рециклиран материјал. Бетис сака да ја подигне свеста за важноста на борбата против климатските промени, сето тоа во денови кога Андалузија се соочува со разорни дождови.
„Животот во зелено започнува во соседството“, тоа е мотото под кое Бетис ги претстави дресовите што ќе ги носат овој викенд во Севилја.
„Ова е првиот фудбалски дрес направен од портокали. Дизајниран е за да го истакне природното наследство на нашиот град и да испрати порака за високите температури и потребата од подобар квалитет на живот во урбаните средини“, објасни портпаролот на проектот Мерцедес Џеламо Мена.
16 проценти од дресот е направен од портокалови влакна. Остатокот е комбинација од рециклиран полиестер и дрвена пулпа, суровина добиена со сечење дрвени влакна.
Броевите на зелено-белите дресови ќе бидат портокалови и направени со боја без хемикалии која, кога ќе се изгребе, испушта мирис на цвет од портокал.
„Целта е нашата порака не само да се види, туку и да се почувствува“, обајавија од Бетис.
Шпанија беше погодена од девет обилни дождови само во последните два месеци, од кои најсилни беа во јужна Андалузија. Бурите предизвикаа ненадејни поплави, имаше поплави и околу 11.000 луѓе беа евакуирани. Две лица ги загубија животите.

