Спорт
Ди Марија со хет-трик за Јуве во Франција, Партизан со „фијаско“ против Шериф
Јувентус со импресивна гостинска победа го надмина лошиот резултат во првиот меч и го поминаа баражот во Лига Европа, додека во третолигашкото европско натпреварување, Конференциската лига, Партизан успеа дома да биде елиминиран од Шериф Тираспол, додека Лацио издржа на гости кај ЦФР Клуж во Романија за пласман во осминафиналето.
Јувентус беше критикуван по домашните 1:1 против „канаринците“, но во Франција стигна до брзо водство за да ја осигура гостинската победа. Анхел ди Марија по само пет минути игра постигна прекрасен гол за водство, за во 14. минута по една мешаница во домашниот шестнаесетник, дефанзивецот Никола Палоа доби црвен картон за играње со рака, за Ди Марија да го удвои водството од белата точка. Совршениот меч за Ди Марија беше комплетиран во 78. минута со неговиот трет гол.
Многу понеизвесно беше на „Луј Втори“ во Монако, каде што Баер Леверкузен не го заддржа водството и иако победи со 2:3, ќе игра продолженија против францускиот тим. Флоријан Вирц донесе предност за „фармацевтите“ по 13 минути игра, но Монако израмни со гол од пенал на Висам Бен Једер во 19. минута. Езекиел Паласиос пак донесе водство за гостите само две минути подоцна, за Амин Адли во 58. минута да зголеми на 1:3, пред Брил Емболо да осигура продолженија во 83. минута од мечот.
Во Белград, Партизан беше во совршена позиција да обезбеди осминафинале на Конференциската лига по 1:0 победата на гости во Молдавија, но Шериф обезбеди 3:1 победа за изненадувачки пласман.
Графика: Sofascore за Топспорт.мк
ЛИГА ЕВРОПА, БАРАЖ
Митјиланд – Спортинг Лисабон 0:4, прв меч 1:1, вкупно 1:5
Монако – Баер Леверкузен 2:3, прв меч 3:2, вкупно 5:5, 3:5 пенали
Нант – Јувентус 0:3, прв меч 1:1, вкупно 1:4
ПСВ Ајндховен – Севилја 2:0, прв меч 0:3, вкупно 2:3
Манчестер јунајтед – Барселона 21.00 ч., прв меч 2:2
Рома – Ред бул Салцбург 21.00 ч., прв меч 0:1
Рен – Шахтјор Доњецк 21.00 ч., прв меч 1:2
Унион Берлин – Ајакс 21.00 ч., прв меч 0:0
КОНФЕРЕНЦИСКА ЛИГА ЕВРОПА, 1/16 ФИНАЛЕ
Андерлехт – Лудогорец 2:1, прв меч 0:1, вкупно 2:2, 3:0 пенали
ЦФР Клуж – Лацио 0:0, прв меч 0:1, вкупно 0:1
Днипро-1 – АЕК Ларнака 0:0, прв меч 0:1, вкупно 0:1
Партизан – Шериф Тираспол 1:3, прв меч 1:0, вкупно 2:3
Базел – Трабзонспор 21.00 ч., прв меч 0:1
Фиорентина – Брата 21.00 ч., прв меч 4:0
Гент – Карабаг 21.00 ч., прв меч 0:1
Лех Познањ – Бодо/Глимт 21.00 ч., прв меч 0:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.