Фото/ EPA-EFE/GEORGI LICOVSKI

Белгија има минимална предност против Македонија по првите 45 минути во Скопје.

Белгијците од стартото наметнаа темпо, Македонија се определи за дефанзивен пристап, но имаше големи панси да стигне до предност.

Ударот на Барди, некако успеа да го обрани Селс, во во 27.минута, ударот на Елмас од 18 метри заврши со стативата, топката се одби до Алиоски кој од 7-8 метри промаши празен гол, топката заврши во стативата.

Две минути подоцна Белгија дојде до предност. Обидот на Лукаку го одби Сотјчевски, на топката налета Де Кујперс и ја смести во голот.

Италијанскиот стручњак Џан Пјеро Гасперини е назначен за тренер на Рома.

Како што беше објавено, Гасперини (67) потпишал договор со челниците на „волчицата“ до јуни 2028 година.

„Рома го објавува назначувањето на Гасперини за нов главен тренер на клубот. Кариерата на Гасперини е дефинирана со креативни тактики, посветеност на напорна работа и исклучителен развој на играчите. Сите во клубот веруваат дека Гасперини е вистинскиот човек за оваа мисија“, се вели во соопштението на клубот.

Искусниот стручњак ја водеше Аталанта од 2016 до 2025 година, со која минатата година ја освои Лига Европа.

Двапати, во 2019 и 2020 година, беше прогласен за најдобар тренер во Серија А.

Пред Аталанта, тој ги водеше, меѓу другите, Џенова, Палермо и Интер.

🟨 Benvenuto a Roma, Mister! 🟥#ASRoma pic.twitter.com/EgjKFZRBZg

— AS Roma (@OfficialASRoma) June 6, 2025

Ангелос Постекоглу повеќе не е тренер на Тотенхем, откако челниците на клубот решија да му врачат отказ.

Постекоглу го водеше Тотенхем две години.

Во сезоната што штотуку заврши, тој го предводеше тимот до трофејот во ЛигаЕвропа, а со тоа избори пласман во Лигата на шампионите.

Постекоглу му го донесе на Тотенхем првиот трофеј од 2008 година, сепак, дури ни тој факт не изгледаше доволен за да ја задржи работата.

Разделбата на австралискиот тренер и клубот од северен Лондон дојде две години пред истекот на договорот.

Управата на Тотенхем се одлучи за тој потег откако тимот го заврши натпреварувањето во Премиер лигата на 17-та позиција. Постекоглу го одржа „ветувањето“ дадено на есен – дека секогаш ќе освојува трофеј во својата втора сезона, каде и да работеше.

Тотенхем му се заблагодари за тој успех, но исто така одлучи да оди во поинаква насока.

Постекоглу претходно ги водеше Селтик, Јокохама Фронтале Маринос, австралиската репрезентација и неколку клубови од таа земја. Како можен наследник се споменува Томас Франк од Брентфорд.