Претседателот на шпанската Ла лига, Хавиер Тебас продолжи со војната на зборови со Пари Сен-Жермен и нивниот претседател Насер Ал-Хелаифи, посочувајќи дека се работи за човек со „многу конфликти на интереси“ и објаснувајќи дека ПСЖ ја „убива“ француската лига, а УЕФА не презема ништо.

По одлуката на Килијан Мбапе да остане во Париз, Тебас ги пријави ПСЖ до УЕФА за прекршување на финансискиот ферплеј и сега уште еднаш побара да се преземат активности против францускиот клуб.

„Насер Ал-Хелаифи е претседател на ПСЖ, претседател на Европската асоцијација на клубови (ЕЦА), член на извршниот комитет на УЕФА и претседател на ‘БеИН спортс’, една од најголемите ТВ компании на светот која купува ТВ-права во фудбалот. Тој е човек со многу шапки, тука има премногу конфликти на интереси кои не смеат да постојат во 2022. Еден човек не може да биде во сите овие организации и да води ТВ-канал кој купува права за Ла лига, Лигата на шампиони, репрезентативните мечеви. Ќе поднесеме формална жалб до УЕФА оваа недела, но и тужба во Франција и уште една пред ЕУ во Брисел. Ќе видиме и за во Швајцарија“, најави Тебас.

Тој повторно ги критикуваше ПСЖ и Манчестер сити за прекршување на финансискиот ферплеј.

„ПСЖ ја убива француската лига. Има правила на УЕФА за да се спречат такви ситуации, но ако не дојде до тоа, ПСЖ ќе ја убие лигата. Меси дојде во ПСЖ и француската лига доби 70 милиони евра од меѓународните ТВ-права, додека ние добиваме 900 милиони евра без Меси и без Кристијано Роналдо“, посочи Тебас.

Ал-Хелаифи: Во Шпанија се љубоморни бидејќи француската лига е посилна

Тренерот на новиот италијански шампион, Милан, Стефано Пиоли го доби назад својот шампионски медал кој му беше украден за време на прославата на „Мапеи“ во Реџо Емилија.

По 0:3 победата кај Сасуоло, „росонерите“ ја потврдија својата 19. шампионска титула, меѓутоа Пиоли остана без медал во хаотичните сцени со стотината навивачи на Милан на теренот. Покрај тоа, крадецот глупаво реши да се пофали на Инстаграм праќајќи порака „Благодарам, Пиоли“, со фотографија на медалот.

Токму оваа грешка дозволила полицијата во Реџо Емилија да го пронаје крадецот и да му го врати меадалот на тренерот, негов прв трофеј во тренерската кариера.

Му го украде медалот на тренерот, па му пиша на Инстаграм: Фала, Пиоли!

Дел од подготовките на фудбалерите на Ливерпул за финалето на Лигата на шампионите овој викенд вклучува користење на технологија со мозочни сензори, откриваат последните фотографии од тренинзите на „црвените“.

По разочарувањето во последниот ден од Премиерлигата во кој Манчестер сити направи неверојатен камбек а ја освои титулата, во Ливерпул немаат време за губење пред обидот за тројна куп титула со победа над Реал Мадрид во Париз во сабота.

Клубот, како дел од подготовките, повторно го ангажираше германскиот невролог, доктор Никлас Хауслер и неговиот бизнис партнер Патрик Ханчке преку нивната компанија „Неуро11“. Нивната технологија е посебно дизајнирана  за засилување на менталната сила кај спортистите, ветувајќи „оптимална ментална поготвеност“ за функционирање на највисоко ниво.

Бековите Трент Александер-Арнолд и Костас Цимикас беа дел о програмата,со електроди на својата глава за да се соберат податоци за подоцна да се креира посебна тренинг-програма за нив. „Неуро11“ соработува со Ливерпул од минатата година. Јирген Клоп, да потсетиме, честопати ги нарекува своите фудбалери „чудовишта на менталитет“.

Liverpool stars wear brain sensors in training as Klopp thinks up Champions League final plan against Real Madrid

Jurgen Klopp first approached neuro11 before the Covid-19

The technology aims to get athletes in the optimum mental state to perform to the highest level pic.twitter.com/u2S2Cz0mrq

— Lilian Chan (@bestgug) May 25, 2022