Спорт
Диего Коста во 2014 бил на терапија во Белград со коњска плацента и електрошокови

Напаѓачот на Атлетико Мадрид, Диего Коста, конечно, потврди дека бил на контроверзна терапија со масажа со коњска плацента и електрошокови кај докторката Маријана Ковачевиќ во Белград во обид да биде подготвен за финалето на ЛШ во 2014.
Во интервју со бразилскиот „ЕСПН“, Коста потврди дека жали што бил на бизарниот третман пред финалето на ЛШ помеѓу Атлетико и Реал Мадрид.
„За тоа со коњската плацента многу се зборуваше и луѓето велеа дека се работи за лага. Третманот беше вистински, иако додека ми даваа електрошокови докторот испуши две цигари. Се работеше за двечасовни сесии, кои беа тешки и многу болни, што потоа кога ќе трчав не чувствував болка. Можеби згрешив, но за мене немаше друга опција пред тоа финале“, вели Коста.
Процедурата не беше многу успешна, бидејќи тој мораше да биде заменет по само 10 минути од финалето на ЛШ во Лисабон, а Атлетико загубија со 4:1 по продолженија.
„Тоа беше еден од најтажните моменти во мојата кариеро. Кога излегов на теренот почувствував грчеви. Се обидов да продолжам, но по 10 минути морав да излезам. Подобро да не играв и да оставев место за некој друг“, вели Коста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сѐ за пари – Вилјареал и Барселона ќе играат во Мајами

Натпреварот од 17-то коло од шпанската Ла Лига помеѓу Виљареал и Барселона треба да се игра на 20 декември во Мајами, беше објавено на официјалната веб-страница на натпреварувањето.
„Одборот на директори на Шпанската фудбалска федерација (RFEF) денес го одобри барањето на Виљареал и Барселона натпреварот од 17-то коло од Ла Лига да се игра во Соединетите Американски Држави“, се вели во соопштението.
Формален домаќин на овој дуел ќе биде Виљареал. „Марка“, известува дека по ова одобрување, RFEF ќе поднесе барање до Европската фудбалска унија (УЕФА) за започнување на процесот на одобрување од страна на Меѓународната фудбалска федерација (ФИФА) натпреварот помеѓу Виљареал и Барселона да се игра на 20 декември оваа година на стадионот „Хард Рок“ во Мајами, во согласност со меѓународните прописи на ФИФА и имплементациските прописи одобрени од RFEF.
Истиот извор понатаму наведува дека ова ќе биде прв пат во историјата натпревар од Ла Лига да се игра надвор од Шпанија.
Финансиските детали за проектот не се објавени, но се претпоставува дека станува збор за поголема сума за Ла Лига и клубовите.
Новата сезона во Примера започнува веќе следниот викенд, на 15 август.
Спорт
Роналдо ќе се жени

Кристијано Роналдо наскоро ќе застане пред олтарот, објавуваат сите влијателни медиуми во Шпанија и Португалија.
По толку години „бегање“ од брак, суперѕвездата конечно ќе се ожени со својата долгогодишна партнерка Џорџина Родригез.
Токму таа се пофали со големиот прстен што го добила од него на социјалните мрежи и така информацијата стигна до јавноста.
Џорџина, која е по потекло од Аргентина, го запознала Роналдо додека работела во бутикот „Гучи“ во Мадрид, кога фудбалерот го носеше дресот на Реал Мадрид.
Од 2016 година, двојката е неразделна, а во меѓувреме добија две деца.
Фото/ Принтскрин
Спорт
ПСЖ го отстрани Донарума од екипата

Иднината на Џанлуиџи Донарума во Пари Сен Жермен е под голем знак прашалник.
Италијанскиот голман не е вклучен во составот на „Светците“ за натпреварот во среда против Тотенхем во Европскиот Суперкуп.
Донарума имаше една од клучните улоги во освојувањето на Лигата на шампионите, но Луис Енрике и клупските челници решија да го отстранат откако тој одби да го продолжи договорот. Договорот на Донарума со ПСЖ истекува наредното лето.
За 40 милиони евра, ПСЖ го донесе Лукас Шевалие од Лил, кој ќе биде прв избор, а тука се и Матвеј Сафонов и Арно Тенас.
Менаџерот на Донарума, Енцо Раиола е во контакт со гиганти како Манчестер јунајтед, Челзи и Интер, кои внимателно ја следат ситуацијата.
Минатата сезона, Донарума прими 43 гола на 47 натпревари, а во 17 од нив не прими гол.