Спорт
Дијаби: Часовникот на Долберг го зедов без причина, можеби од завист
 
																								
												
												
											Фудбалерот на Ница, Ламина Дијаби доби прекин на договорот со францускиот прволигаш поради кражбата на часовникот на неговиот соиграч, данскиот фудбалер Каспер Долберг.
Диаби на Твитер го изрази своето разочарување, но и ги објасни причините за неговиот потег.

„Мојот чин не беше сторен заради алчноста, туку заради разочарувањето и зависта. Имам само 18 години, но мојата возраст не е оправдување. Мојата тешка состојба беше во контраст со успехот на Каспер Долберг. Неговиот часовник го зедов без причина, можеби од завист. Наместо да се борам за место на теренот, јас се однесував кукавички. Сега го напуштам клубот, каде што секогаш сакав да успеам и да напредувам, што е најголема казна за мене“ – напиша Дијаби. 
Младиот фудбалер на Ница го зел часовникот на соиграчот вреден 70.000 евра, по што настана „револуција“ во клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Официјално – Лучано Спалети го презеде Јувентус
 
														Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
 
														Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот. 
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
 
														Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											