Вечерните мечеви од 28. коло од Бундеслигата донесоа еден драматичен пресврт во Франкфурт, „потоп“ на Леверкузен на домашен терен, и едно реми без голови меѓу Вердер и Менхенгладбах.

Леверкузен со победа над Волфсбург можеше да се искачи на третото место во Бундеслигата, но наместо тоа им се случи вистинска домашна катастрофа од 1:4 од Волфсбург. Марин Понграчиќ им донесе водство на гостите во 43. минута, по што следуваа црни 11 минути во второто полувреме за домаќините, откако Арнолд, Штефен и повторни Понграчиќ ја сместија топката во мрежата на Лукаш Храдецки, пред домаќините да постигнат утешувачки гол преку Јулијан Баумгартлингер.

На „Комерцбанк арената“ во Франкфурт пак, домаќините губеа со 0:1 и 1:3 од Фрајбург, пред да стигнат до 3:3 со два гола за две минути во финишот на полувремето. Менхенгладбах, пак, полека го губи здивот во борбата за врвот на табелата, откако по 3:1 поразот од Баер минатото коло, одиграа само 0:0 кај претпоследните на табелата, Вердер.

БУНДЕСЛИГА, 28.КОЛО

Баер Леверкузен – Волфсбург 1:4

Ајнтрахт Франкфурт – Фрајбург 3:3

Вердер Бремен – Борусија Менхенгладбах 0:0

Борусија Дортмунд – Баерн Минхен 0:1

БАЕР Л.-ВОЛФСБУРГ

АЈНТРАХТ-ФРАЈБУРГ

ВЕРДЕР-БОРУСИЈА М.

Баерн Минхен направи огромен чекор кон нова титула од Бундеслигата, откако во најголемото германско дерби „Дер класикер“, на гости кај Борусија Дортмунд стигна до 1:0 победа за да се одвои на седум поени од БВБ на осум кола до крајот на лигата.

„Милионерите“ имаа спектакуларно отворање на натпреварот, откако тинејџерската атракција Ерлинг Халанд му ја протна топката низ нозе на голманот Мануел Ноер, но Џером Боатенг беше на вистинското место. Во 10-тата минута, топката заврши во голот на Ноер откако Хакими со глава ја уфрли топката во голот, но Торген Азар беше во офсајд кога му ја нафрли топката.

Баварците возвратија во 19. минута, кога по нафрлањето на Коман, Серж Гнабри успеа да го совлада Роман Бирки, но Пишчек ја сопре топката пред таа да стигне до Левандовски. Во 43. минута, Џошуа Кимих успеа со фантастичен лоб да го совлада Бирки, кој беше немоќен.

Во второто полувреме, Дортмунд продолжи со притисокот и во 58. минута имаше совршена шанса, кога повторно Халанд беше во акција, но неговиот удар заврши во Боатенг. Дортмунд во 81. минута имаа нова шанса преку Даху, но неговиот удар беше одбранет од Ноер, пред во 83. минута, Роберт Левандовски да ја погоди пречката по ударот кој се одби од Хумелс.

По големите финансиски проблеми на францускиот автомобилски гигант Рено и барањето на заем од 5 милијарди евра од француската влада, најверојатно ќе страда Формула 1 тимот на компанијата, во најавеното кратење на трошоците, но како спасител се појавува рускиот милијардер Дмитриј Мазепин.

Според италијанскиот весник „Ла газета дело спорт“, Мазепин би можел да влезе како инвеститор во Ф1 тимот, слично како што Лоренс Строл успеа да го преземе и „спаси“ тимот на Рејсинг поинт.

Мазепин има голема причина да си купи Формула 1 тим, бидејќи неговиот син, Никита Мазепин подолго време е во мотоспортот, и минатата година настапуваше во Азиската Формула 3 серија, каде што оствари една победа.

Ова не е првпат постариот Мазепин да се појавува како заинтересирана странка во Формула 1, откако минатата година понуди да го „спаси“ Вилијамс доколку неговиот син добие место во тимот.

Вилијамс ќе стане Форца Русија во 2020?

Рено е пред колапс, целата компанија може да „исчезне“