Фантастични интернационални резултати забележаа македонските Twingo CUP возачи изминатиов викенд. Демонстрираа квалитет, успеаја да се искачат на врвот и достоинствено да ја претстават нашата држава.

Со својот маестрален настап на тркачката патека Гробник, Хрватска, за прв пат нашите Twingo Cup возачи се искачија на подиумот во генерален пласман во конкуренција со 32 возачи од неколку земји. На Гробник се возеа викендов две трки, а на втората имаше целосна доминација на македонските возачи.

Особено драматична и возбудлива беше втората трка на која Марко Блажевски и Давид Малинковски, иако тргнаа од четвртиот ред на стартот, по 25 минути возење на целта стигнаа на првите две места. Постојано беа меѓу најдобрите 8, се пробиваа низ патеката, и меѓусебе се поддржуваа. Таа тимска работа на крај им донесе и радост.

Марко Блажевски е првиот Македонец кој триумфираше на FIA CEZ трката на Twingo CUP , зад него беше Давид Малинковски, додека, пак, трет зад нив беше Унгарецот Лантос. Во текот на целата трка Блажевски и Малинковски беа во линија со водечките, го чекаа моментот и последните кругови Блажевски откако го презеде водството остана таму до крајот.

Воедно ова беше и финална трка на втората сезона на Twingo CUP каде трофејот за првото место му припадна на Давид Малинковски со вкупно 122 бода. Малинковски сезонава имаше четири победи на осум трки, Блажевски победи двапати, а по еднаш Мартин Костовски и Владимир Тренески.

Второто место во генерален пласман сезона му припадна на младиот Мартин Костовски со освоени вкупно 82 бода, додека пак трет е Ангелче Стојковски со освоени 80 бода.

За следната година, во третата сезона на Twingo Cup планирано е возење на патеките на Серес – Грција, Гробник – Хрватска, Словакиаринг – Словачка, Red bull Ring -Австрија каде македонските Twingo CUP возачи ќе се борат за главната награда а тоа е 100% Renault Twizy .

Голема благодарност до нашите пријатели поддржувачи: Renault, Аутомотив Груп, Шпаркасе Лизинг, ПСС и Триглав осигурување, како и до Лема Рејсинг тим за успешната соработка.

Во продолжение ви ја претставуваме комплетната листа на бодови на сите натпреварувачи.

(ПР текст)

Дејвид Култард, поранешен Формула 1 ас, не е импресиониран од она што во досегашниот тек од сезоната, го покажал дебитантот во Алфа Таури, Јуки Цунода.

Алфа Таури, преку првиот човек на тимот, Франц Тост, пред две недели објавија дека младиот Јапонец ќе добие шанса и наредната сезона да вози за овиј тим. Дури и самиот Цунода бил изненаден од оваа одлука.

„Искрено, изненаден сум што ќе возам и наредната сезона. Имав толку судири, многу пари се потрошени за мене. Кратко и јасно, немам добра сезона“.

Култард не бил импресиониран од искреноста на 21-годишниот Цунода.

„Од која планета тој доаѓа. треба да си го спакува малото куферче и да ја напушти Формула 1. Така не треба да зборува возач во Формула 1. „Шокиран сум што ме задржаа, имав многу судири“. Тоа е смешно. Со првиот авион нека се врати во Јапонија“.

ПСЖ, синоќа, со пресврт успеа да го победи Лион со 2:1. Пакета постигна гол за Лион, а пресвртот го режираа, Нејмар со голот од пенал и Икарди кој погоди во последните секунди од натпреварот.

Тренерот на Лион, Петер Бош, на прес конференцијата, го коментирал пеналот за ПСЖ. Смета дека неговиот фудбалер бил фаулиран.

„Нејмар е вино виновникот, тој го влечеше Густо. Сигурен сум дека не беше пенал. Разбирам дека судијата не може да го види тоа, но како е можно ВАР да не го забележи тој момент?“, прашал Бош, а пеналот го коментирал и претседателот на Лион, Ѓан-Мишел Ола.

„Горди сем на нашиот тим. Успеавме на ПСЖ да им направиме многу проблеми. Пенал немаше. ВАР требаше да се огласи, одлуката не беше нормална“.