Спорт
Димитров: Никој не знае какви последици ќе имам од коронавирусот

Бугарскиот тениски ас, Григор Димитров, признава дека уште не е целосно физички закрепнат од коронавирусот кога неговиот позитивен тест на „Адрија турнејата“ на Новак Ѓоковиќ предизвика бура реакции кај тениските љубители.
„Вирусот е вистински. Најтешкиот дел е тоа што не знаеме што се случува и таа несигурност најмногу боли. Јас бев активен целиот мој живот и одеднаш морав да бидам затворен и тоа ми беше навистина тешко. Навистина не се чувствував добро. Имав различни симптоми, не можев да го препознам вкусот на храната и не мирисав ништо. Не ми е тешко да сум сам бидејќи од мојата 12-та година живеам практично сам. Но, најмногу ме плашеше тоа што не знаеме какви долгорочни последици ќе има од болеста“, вели Димитров.
Димитров, заедно со организаторот на „Адрија турнејата“, Новак Ѓоковиќ, претрпе најмногу критики за летната турнеја на Балканот, која требаше да ги обедини луѓето. Тој додава дека е во контакт со Ѓоковиќ и дека и двајцата сакаат да мислат на тенисот.
„Зборував со Новак, секако. Бевме заедно и двајцата сме речиси вратени во форма. Двајцата тренираме и чекаме да видиме што ќе се случи следно“, објаснува бугарскиот тенисер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Освои поен против Алкараз и заработи 1.000.000 австралиски долари

Аматерските тенисери ќе имаат можност да освојат награда од еден милион австралиски долари (околу 565.000 евра) на натпреварот „Million Dollar One Point Slam“ пред јануарското Отворено првенство на Австралија.
На овој уникатен турнир во Мелбурн Парк, 10 аматери ќе се соочат со 22 професионалци во нокаут систем, вклучувајќи го и светскиот рекет број еден, Карлос Алкараз.
Натпреварите ќе се играат по принципот на еден поен – играчите ќе одлучат кој сервира со играта „камен, хартија, ножици“, а победникот на поенот продолжува понатаму.
Турнирот започнува на 12 јануари, а финалето ќе се одржи на 14 јануари во арената „Род Лејвер“.
Учеството е отворено за сите аматери и регистрирани играчи на Тенис Австралија, кои прво ќе играат квалификации и локални турнири низ целата земја.
Ова натпреварување доаѓа како продолжение на успехот од минатогодишното издание, кое имаше помал награден фонд и помалку познати играчи.
Организаторите најавуваат дека наскоро ќе се приклучат повеќе големи имиња и познати личности.
Спорт
Арнаутовиќ: Да бев совршен, ќе играв за Реал Мадрид

Австрискиот репрезентативец Марко Арнаутовиќ зборуваше на разни теми пред натпреварите во дресот со националниот грб.
Арнаутовиќ не беше во составот на Црвена звезда за дуелот со Напредак (3:0), па имаше доволно време да се подготви за натпреварите во квалификациите за Светското првенство.
На Марко му недостасуваат три гола за да се изедначи со Тони Полстер на вечната листа во австриската репрезентација.
Меѓу другото, тој зборуваше за неговата агресивност кога влегува во гол шанса.
„Секогаш сум агресивен кога сум пред голот. Тоа се случува во тој момент и тоа е нешто што ми недостасува. Не сум совршен. Да бев совршен, ќе бев во Реал Мадрид како Давид (Алаба)“, рече Арнаутовиќ.
Хари Кејн, на пример, секогаш ја сместува топката на крајот.
„Затоа Хари Кејн е Хари Кејн. А јас сум јас. Секако. Дури и на мои 36 години, сè уште можам да учам“, истакна Марко.
Австрија ја очекуваат натпревари со Сан Марино и Романија.
Foto/ Peđa Milosavljević/Starsport
Спорт
Хендерсон жали што тргнал во саудиски долари

Англискиот репрезентативец, Џордан Хендерсон, вели дека му било тешко кога го напуштил Ливерпул за да се пресели во Саудиска Арабија и дека „можел да донесе поинакви одлуки“.
35-годишникот се соочи со остри критики кога го напушти Ливерпул во 2023 година за да игра за Ал-Етифак, во земја каде што истополовите врски се нелегални.
Хендерсон претходно беше истакнат поддржувач на ЛГБТ правата и се извини што ги разочарал или повредил членовите на заедницата кога ја напуштил Саудиска Арабија шест месеци подоцна и се пресели во Ајакс.
„Со текот на времето, гледајќи наназад, можеби ќе донесов поинакви одлуки. Но, во тоа време се чувствував така и ја донесов одлуката од многу различни причини, кои само јас ги знам. Нема да лажам, во последните неколку години имав тешки моменти. Заминувањето од Ливерпул делуваше како раскин. Секако дека не сум совршен и сум правел грешки во минатото. Ги правев во текот на целата моја кариера. Но, сè што некогаш сум се обидел да направам е да го направам правилното“, рече Хендерсон на собирот на националниот тим на Англија.
Хендерсон не беше дел од составот на Гарет Саутгејт за Евро 2024, но сега е повторно во Премиер лигата, игра за Брентфорд и дел од составот на Англија на Томас Тухел. „Не мислам дека тоа (престојот во Саудиска Арабија) е причината зошто го пропуштив Европското првенство“, рече Хендерсон. „Додека бев таму, добивав повик за секоја акција на репрезентацијата пред првенството“.
Хендерсон има 85 настапи за Англија откако дебитираше против Франција во 2010 година.
Тој моментално е во составот на Тухел за натпреварите против Велс и Латвија оваа недела и чувствува дека сè уште има што да понуди на теренот.
„Најважните луѓе се тренерот, тренерскиот штаб и соиграчите – и што мислат тие“, рече Хендерсон.
Англија е убедливо прва во Групата К од квалификациите за Светското првенство 2026, пред Албанија и Србија. Победа им е потребна на Англичаните за да обезбедат пласман на Мундијалот.
„Горди Албион“ ги забележа сите пет победи во претходните натпревари без да прими гол (13:0).