Спорт
Димушевски и Гушиќ втори во својата класа на Рели Србија
Во својата прва рели сезона, македонскиот тандем Димушевски-Гушиќ постигна забележителен успех на 55-то издание на Рели Србија освојувајќи го второто место во нивната класа RC5.
Македонскиот рели екипаж Владимир Димушевски и Бранко Гушиќ имаа забележителен и успешен настап со место на подиумот на нивното второ рели во дебитантската рели сезона на 55-то издание на Рели Србија кое викендов се возеше во околината на Врњачка Бања.
На извонредно тешкото дводневно рели долго преку 500 километри, со нивното возило Hyundai i20 Coupe во нивната класа RC5 со вкупно време од 2 часа и 2 минути тие го освоија второто место зад Романецот Ионут Забава со Renault Clio, а пред Бугаринот Александар Томов со исто возило како и нашиот екипаж. Во генералниот пласман, нашиот екипаж заврши на 20 то место од 39 возила колку што го стартуваа релито. Со ова Димушевски и Гушиќ ја заокружија успешната дебитантска сезона со две комплетирани релија по победата во истата класа на релито Мионица кое го возеа во јули.
– Вистинско рели, неверојатно тешки брзински испити, исцрпувачки 500 километри во два дена и предизвици кои навистина го вадат максимумот и секого во тимот – вели трикратниот македонски првак на кружни патеки, Владимир Димушевски кој од оваа сезона реши да се префрли на рели натпревари. – Првиот ден, во саботата, возевме “на нож“, бевме подобри од посилни возила од нашето и поискусни екипажи. Имавме скоро перфектен ден. Но, откако увидовме дека второто место во класата ни е обезбедено, во неделата се решивме за подефанзивна тактика, возевме поконзервативно и се фокусиравме да ја задржиме разликата во однос на Темов и Радулеску кои беа зад нас. Малку ми е жал што го расипавме генералниот пласман, ако продолжевме ви ист стил и во неделата, сигурно ќе бевме во првите 15 во генерала, но релито како тркачка дисциплина поради својата должина бара и многу тактика. Како и да е, многу сум задоволен од дебитантската сезона, нашето тркачко возило е сепак школско за тренинг и учење, што и беше првичниот план, но си покажавме себе си дека брзо можеме да се адаптираме во новата дисциплина и можеме да правиме поамбициозни планови за следната година за поконкурентно возило и настапи на повеќе трки.
– Ако споредам со првото рели во Мионица сега бевме двојно подобри и во делот на меѓусебната комуникација, подготовка за етапите и целосниот пристап во услови во кои ова беше двојно потешко и подолго рели. Најважно од се е дека го завршивме релито без некој поголем кикс во услови кога на секоја етапа имаше излетувања и инциденти. Во саботата ја завршивме целата работа околу добриот пласман, а во недела остана само да сме максимално внимателни. И на вториот ден почнавме брзо, но веќе на првата етапа влеговме во некои непотребни ризични ситуации и решивме сепак да успориме и да се трудиме да завршиме. Денешните етапи беа претежно низбрдо на асфалт на кој имаше многу песок кој ја правеше подлогата многу лизгава. Имавме еден момент на претпоследната етапа кога за малку извлековме жива глава кога веќе и концентрацијата почна да паѓа поради замор, но се со кое се соочивме овде е уште едно големо и непроценливо искуство за нас. Генерално, многу сум задоволен и среќен поради добриот настап и одличниот резултат.
Релито Србија е наследник на традиционалното Ју Рели и е централен и најквалитетен автомобилистички настан кај нашиот северен сосед. Релито мина во битка меѓу домашниот ас Душан Борковиќ и Бугарите Пламен Стајков и Мартин Сурилов. Со 10 победи на 12-те етапи Борковиќ по трет пат во својата кариера го заврши ова рели како севкупен победник, минута и 37 секунди пред Стајков и минута и 44 секунди пред Сурилов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

