Спорт
Динамо плати 3 милиони евра за екс-играч на Рома

Гонзало Виљар (27) е нов играч на Динамо Загреб. Станува збор за играч кој во Загреб дојде од шпанскиот второлигаш Гранада. Виљар најдобро се снаоѓа на позицијата заден играч за врска, а оваа сезона има 40 настапи за Гранада, постига два гола и една асистенција. Тој потпиша повеќегодишен договор со Динамо.
„Штом слушнав за интересот на Динамо, не се двоумев ниту секунда. Среќен сум што пристигнав во Загреб и се радувам на новите предизвици што ме очекуваат тука. Слушнав многу за клубот, со оглед на одличните резултати во Европа, а исто така сум добар пријател со Раул Торенте и Дани Олмо, кои ми кажаа сè за Динамо и фантастичните навивачи кои го следат клубот. Веднаш се фаќаме за работа. Најважната цел е да ја вратиме титулата во Загреб“, рече Виљар на презентацијата.
Шпанецот има богато искуство. Играше за Валенсија, Елче, Хетафе, Рома и Сампдорија, а во Гранада е од летото 2023 година, кога пристигна од Рома за 1,8 милиони евра.
Тој одигра и еден натпревар за шпанската репрезентација и беше стандарден млад репрезентативец.
Пред четири години, Виљар вредеше 15 милиони евра на фудбалскиот пазар, а имаше 64 настапи за Рома.
Денес, неговата вредност е два милиони евра (според Трансфермаркт), а тој беше под договор со Гранада до летото 2027 година.
Шпанските медиуми објавија дека Гранада треба да добие три милиони евра со 15 проценти од следниот трансфер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јамал може да заврши на суд оти на 18. роденден повикал џуџиња да ги забавуваат гостите
Шпанскиот фудбалер Ламин Јамал минатиот викенд го прослави својот 18-ти роденден на Ибица. Ѕвездата на Барселона на прославата ги покани своите соиграчи, бројни познати личности и неколку светски инфлуенсери.
Шпанските медиуми пишуваат дека Јамал им ги одзел мобилните телефони на гостите уште на влезот, па ниту една снимка од внатрешноста на вилата не стигна до јавноста.
Сепак, шпанските новинари пренесоа вест за џуџиња која предизвика вистински скандал. Џамал наводно ангажирал лица со нисок раст за да ги развеселуваат и насмеваат гостите на неговата роденденска прослава.
Шпанското здружение за лица со ахондроплазија и други дисплазији АДЕЕ (ADEE) се огласи со јавна осуда, тврдејќи дека на 18. роденден на Јамал на Ибица биле ангажирани лица со нисок раст за забавни цели.
Медиумите наведуваат дека нивното присуство било исклучиво за забава, што се смета за дискриминаторско.
„Апсолутно е неприфатливо во 21. век лицата со џуџест раст да се користат како атракција на забави“, се наведува во соопштението на Здружението.
Lamine Yamal has been denounced by the ADEE after hiring professional dwarves for his 18th birthday party.
“We will take action via legal and social channels to safeguard the dignity of disabled people. These actions not only violate the law, but the fundamental values of a… pic.twitter.com/OBMEF9QO7Q
— Zach Lowy (@ZachLowy) July 13, 2025
АДЕЕ извести дека поведува правни постапки против организаторите на настанот. Сè уште не е јасно дали Ламин Јамал или домаќините на забавата ќе бидат тужени, но социјалниот притисок расте, а случајот добива меѓународен одек.
Фото: ЕПА
Спорт
(Видео) Трамп ги шокира сите на сцената по финалето на Светското клупско првенство

Американскиот претседател Доналд Трамп ги изненади сите со потег по финалето на Светското клупско првенство.
Челзи славеше против ПСЖ со резултат од 3:0 во финалето на Светското клупско првенство, а по натпреварот се случи вистинско шоу!
Прво, имаше тепачка во која Луис Енрике го нападна Жоао Педро по натпреварот, а потоа американскиот претседател Доналд Трамп го украде целото внимание.
По натпреварот, се одржа свечена церемонија на доделување индивидуални награди: Роберто Санчез беше прогласен за најдобар голман, Кол Палмер за најдобар играч, а потоа следеше и доделување на победничкиот трофеј.
Трамп им честиташе на играчите на Челзи и им го врачи трофејот, а потоа ги зачуди сите. Сè беше подготвено за прославата, англискиот тим само чекаше Трамп да ја напушти сцената, но тој одлучи да остане.
Колку биле изненадени од потегот најдобро покажува изразот на лицето на Палмер во позадина. Претседателот на ФИФА, Џани Инфантино, исто така се обиде да влијае на Трамп, но американскиот претседател одлучи да остане на сцената…
„Знаев дека ќе биде таму, но не знаев дека ќе остане на сцената кога го кренавме трофејот. Бев малку збунет, да“, призна Палмер пред новинарите по натпреварот.
¡EL CHELSEA ES CAMPEÓN DEL MUNDO! 🏆
NI TRUMP SE QUIERE IR DE LA FIESTA 😅#FIFACWC #TakeItToTheWorld pic.twitter.com/94vKeWmL60
— DAZN Fútbol (@DAZNFutbol) July 13, 2025
Спорт
(Видео) Луис Енрике ја удри ѕвездата на Челси: скандал по финалето на Светското првенство

Скандалот избувна по финалето на Светското клупско првенство кога тренерот на Пари Сен Жермен, Луис Енрике, го удри Жоао Педро.
Челзи стана светски шампион откако го победи ПСЖ со 3-0 во финалето во Соединетите Американски Држави, а по натпреварот се случија непријатни сцени.
Настана огромна гужва, а најагресивен беше Енрике, кој ја удри ѕвездата на Челзи, Жоао Педро.
За среќа, го задржаа со рацете и спречија поголем инцидент.
The match is over… but the tempers aren’t 👀
Tensions were boiling after full-time.GLOBAL HOME OF FOOTBALL | Live All Summer Long | https://t.co/i0K4eUtwwb | #FIFACWC #TakeItToTheWorld #CHEPSG pic.twitter.com/17yxSzsDF6
— DAZN Football (@DAZNFootball) July 13, 2025