Ниту еден од водечките три тима во Бундес лигата не успеа да победи во 10-то коло. Најголемото изненадување се случи во Берлин, каде Баерн во 93-та минуа се спаси од пораз пртотив Унион.

Перфектната серија од 16 победи во исто толку натпревари, во сите натпреварувања, на Баерн Минхен заврши во Берлин. Во 10-то коло, Унион и Баерн одиграа 2:2.

Данило Дуки е апсолутен херој на Унион, ги постигна двата гола за својот тим. Погоди во 16-та минута за 1:0, а десетина минути подцна изедначи Луис Дијаз. Нова предност на Унион, Дуки му донесе во 83-та минута.

Сепак, Унион не успа да дојде до историската прва победа против Баварците. Во 93-та минута Кејн погоди за конечни 2:2.

Борусија Дортмунд, во Хамбирг остана без планираната победа во 98-та минута.

Единствениот стрелец за Дортмунд беше Чуквуемека во 64-та минута од натпреварот. А бодот за ХСВ го донесе Кенигсдорфер во судиското продолжение.

По поразот од Баерн во првото коло, Лајпциг влезе во серија од осум натпревари без пораз, која во саботата заврши на гостувањето кај Хофенхајм.

Лајпциг поведе со голот на Диоманде, но тимот од Зинсхајм, експресно направи пресврт.
Прво Хајдари, а потоа и Ламперл го доведоа својот тим до водство на полувремето.

Во вториот дел од натпреварот, Промел ја потпиша победата на Хофенхајм, кој сега е на петтото место со само три бода помалку од Лајпциг, кој е трет.

Баер Леверкузен го искористи киксот на водечката тројка и ја намали разликата со убедливата победа над Ханденхајм од 6:0.

Партик Шик започна сè во втората минута. Чехот беше и стрелец во 22-та минута од натпреварот, додека Јонас Хофман погоди во 16-та минута, односно Ернест Поку и Ибрахим Маза.

По оваа победа, Леверкузен е на четвртото место на табелата.

Возачот на Мекларен Ландо Норис е поденик во спринт трката која се возеше во рамките на Големата награда на Бразил. На патеката Интерлагос во Сао Паоло, Норис победи пред возачите на Мерцедес, Андреа Кими Антонели и Џорџ Расел. Катастрофа доживеа Оскар Пјастри, кој излета од патеката во шестиот круг и остана без бодови.

Нов триумф за Ландо Норис, нов неуспех за Оскар Пјастри и зголемување на предноста во бодовите. И тоа за огромни осум бода, бидејќи Норис ја однесе победата во спринтот во Интерлагос за Големата награда на Сао Паоло, неговиот колега од Мекларен и главен кандидат за титулата испадна.

Стартот не го донесе очекуваното возбудување. На врвот, само Макс Ферстапен си обезбеди позиција со престигнувањето на Фернандо Алонсо на петтото место, а најдобар старт имаше Луис Хамилтон кој напредуваше за три позиции и заврши на осмото место.

Првото големо возбудување се случи во шестиот круг. Оскар Пјастри се излизга и излета од патеката. Мораше да се повлече и претрпе уште еден удар врз своите шампионски амбиции.

Покрај Пјастри, Хилкенберг и Колапинто се судрија, поради што беше истакнато црвено знаме. За разлика од Пјастри и Колапинто, Хилкенберг се врати на патеката.

Рестартот исто така не донесе ништо големо. Ландо Норис ја задржа првата позиција пред тандемот на Мерцедес, Кими Антонели и Џорџ Расел, кои се обиде да го престигне својот колега, но без успех.

На крајот, Кими Антонели покажа својата амбиција и да победи. Стигна до помалку од една секунда од Норис, но и со DRS сепак не успеа. На крајот, редоследот на подиумот беше ист како оној на рестартот: Норис, Антонели, Расел.

Третиот претендент за титулата, актуелниот шампион Макс Ферстапен, мораше да се задоволи со четвртата позиција.

Лесно можеше да ја изгуби и таа кога направи грешка по рестартот, Фернандо Алонсо жестоко го нападна, но Холанѓанецот сепак се одбрани.

Тандемот на Ферари, Шарл Леклер и Луис Хамилтон, водеше голема битка со Фернандо Алонсо и на крајот ги зазедоа петтата и седмата позиција, додека Алонсо се најде помеѓу возачите на Ферари. Пјер Гасли беше последен што освои поени.

Ландо Норис е лидер со 365 поени, Оскар Пјастри има 356, а Макс Ферстапен сега има 326. До крајот ќе се возат уште четири трки.

Утре се вози Големата награда на Бразил, по што следуваат Лас Вегас, Катар и Абу Даби.

Прикажи ову објаву у апликацији Instagram

Објава коју дели FORMULA 1® (@f1)

Фудбалерите на Тотенхем и Манчестер Јунајтед ремизираа 2:2 во Лондон, во рамките на 11-то коло од Премиер лигата.

Јунајтед беше подобар во првото полувреме, поведе, но падна во вториот дел од натпреварот, Тотенхем ја презеде иницијативата и дојде до пресврт, на крајот во последните секунди Јунајтед сепак дојдоа до еден бод.

Домашниот тим немаше ниту еден шут кон голот во првиот дел од играта, а Јунајтед ја искористи единствената вистинска можност да поведе.

Се играше 32-та минута кога Брајан Мбеумо го искористи додавањето на Амадо Дијало и постигна гол за водство на гостите од 1:0.

До полувремето немаше промена на резултатот, а во вториот дел од натпреварот, Тотенхем беше тој што го контролираше темпото.

Веќе во 54-та минута, Кристијан Ромеро имаше добра шанса, но голманот на Јунајтед успеа да го одбрани неговиот удар. Само три минути подоцна, Жоао Палиња можеше да погоди, но Сене Ламенс повторно ја спаси својата мрежа.

Тотенхем ја затресе мрежата, поточно Бренан Џонсон во 63-та минута, но судијата го го поништи голот поради офсајд.

Беше мирно до 84-та минута, кога Матис Тел успеа да ја погоди мрежата на Ламенс за 1:1, по асистенција на Дестини Удоји.

Во првата минута од судиското продолжение, Тотенхем постигна уште еден гол. Бразилецот Ришарлисон постигна гол по додавање од Вилсон Одобер за 2:1. Токму кога се чинеше дека тимот од Лондон ќе ги освои сите три бода, следеше голот на Јунајтед, во последните секунди од натпреварот, Матијас де Лихт постигна гол по додавање од Бруно Фернандес за конечни 2:2.