Навивачите на Милан објавија дека ќе го напуштат стадионот „Сан Сиро“ по 15 минути од натпреварот со Монца во сабота. Тоа ќе биде последиот меч за Милан оваа сезона. Во минатото коло со поразот од Рома (3:1), Милан и ги загуби шансите да се натпреварува во европските купови следната сезона.

„Ќе пешачиме од „Каса Милан“ до стадионот „Сан Сиро“, каде што ќе ги поминеме првите 15 минути. Сакаме нашите гласови да бидат слушнати. После тоа, ќе ги оставиме играчите и администрацијата, нека бидат сами во својот срам. Со почит кон сите, покануваме што е можно повеќе навивачи да се соберат оваа сабота“, се вели во соопштението за медиумите на ултрас групата „Курва Суд“.

Навивачите на Милан беа многу критични кон раководството на клубот, предводено од директорот Гери Кардинале, иако Милан освои еден трофеј оваа сезона, Суперкупот на Италија.

Но, во среде сезоната, тренерот Пауло Фонсека беше отпуштен, на неговото место дојде Сержо Консеисао, одлука која не се покажа како добра.

Милан нема да игра во европските купови за прв пат по сезоната 2019/2020.

Челниците на фудбалскиот клуб Болоња му нуди продолжување на договорот на тренерот Виченца Италијано.

Италијано го презеде тимот во јуни минатата година, тогаш потпиша двегодишен договор со клубот. Се покажа дека челниците повлекле вистински потег бидејќи веќе во првата сезона успеа да го освои Купот на Италија.

Болоња ја завршува сезоната на осмото место во Серија А, а тренерот сака да остане и следната сезона, но под свои услови.

Тој е подготвен да остане во клубот и следната сезона, но со поголема плата од онаа што ја има во моментов и обврска на раководството да му донесе одредени засилувања, со цел да го подобри тимот уште повеќе.

Милан и Рома исто така покажаа интерес за Италијано.

Ферари влегува во трката во Монако со доза на претпазливост, иако минатата година славеше на оваа легендарна патека.

Перформансите на тимот во текот на првите седум трки од сезоната 2025 беа под очекувањата, а тие моментално се наоѓаат на четвртото место во шампионатот на конструктори, што не е во согласност со амбициите на тимот од Маранело.

Најголемиот проблем на Ферари оваа сезона е темпото во квалификациите, сегмент кој е клучен токму во Монако, каде што почетната позиција е речиси клучна, бидејќи престигнувањето на патеката е практично невозможно.

На последната трка во Имола, Шарл Леклер и Луис Хамилтон не успеаја да влезат во третиот дел од квалификациите (Q3), иако подоцна во трката успеаја да освојат поени.

Шарл Леклер, кој триумфираше во Монако минатата година пред домашната публика, нема големи очекувања оваа година.

„Ќе биде многу тежок викенд. Мислам дека Монако ќе ги открие многу од слабостите на нашиот болид. Исто така, постојат фактори што не можете да ги предвидите, особено во квалификациите каде што ризикувате многу. Болидот е поставен на сосема поинаков начин, па се надевам дека можеби ќе нè изненади“, рече Леклер.

За Луис Хамилтон, ова ќе биде прв настап во Монако за Ферари, но и кај него постои одредена доза на неизвесност.

Иако е повеќекратен светски шампион, не славел на оваа патека од 2019 година. Сепак, Хамилтон планира да испроба некои нови идеи, кои досега не беа во фокусот:

„Искрено, не сум сигурен. Се мачиме, особено во квалификациите. Имам некои идеи што сакам да ги спроведам следната недела, некои работи што досега не беа во преден план бидејќи имавме други приоритети. Се надевам дека ќе можеме да отклучиме повеќе перформанси. Навистина не знам како ќе се однесува болидот“, верува Хамилтон.