Шпанија успеа да се пласира во завршницата на Лигата на нации на УЕФА, откако во соседското дерби стигнаа до тешка 0:1 победа на гости кај Португалија, ставајќи крај на надежите на тимот на Кристијано Роналдо за борба за титулата.

Во израмнетиот меч без многу шанси, клучен беше потегот на селекторот Луис Енрике да го внесе во игра, Нико Вилијамс, кој во 88. минута фантастично му асистираше на Алваро Мората за голема победа на „фуријата“, која доаѓа по неочекуваниот домашен пораз од Швајцарија.

Нови членови на Лига А, пак, ќе се репрезентациите на Србија и на Шкотска. Србија со головите на Душан Влаховиќ и неизбежниот Александар Митровиќ стигна до 0:2 победа на гости кај Норвешка, додека Шкотите го обезбедија пласманот по тешкото 0:0 реми на гости кај Украина.

ЛИГА НА НАЦИИ, УЕФА
ЛИГА А, ГРУПА 2
Португалија – Шпанија 0:1
Швајцарија – Чешка 2:1

ЛИГА Б, ГРУПА 1
Ирска – Ерменија 3:2
Украина – Шкотска 0:0
ЛИГА Б, ГРУПА 2
Албанија – Исланд 1:0
ЛИГА Б, ГРУПА 4
Норвешка – Србија 0:2
Шведска – Словенија 1:1
ЛИГА Ц, ГРУПА 2
Грција – Северна Ирска 3:1
Косово – Кипар 5:1

Morata is about to end the draw streak between Portugal vs Spain ????

What a goal c’mon #PORSPA pic.twitter.com/EkcCAPuWxg

— Dayveedchukz ???????????? (@Arsenal_Dayveed) September 27, 2022

Новата ѕвезда на Барселона, Рафиња постигна два гола и имаше една асистенција за да ги предводи Бразил до 5:1 победа над Тунис во пријателски меч на „Паркот на принцовите“ во Париз.

Рафиња го отвори резултатот во 11. минута по асистенција на Касемиро, но Тунижаните бргу израмнија преку Монтасар Талби веќе во 18. минута. Но, немаше запирање на „Селесао“ – Рафиња му асистираше на Ришарлисон за враќање на водството веќе во следната минута, за во 29. минута, Нејмар да зголеми на 3:1 со гол од пенал.

Шоуто го комплетираше Рафиња во 40. минута со својот втор гол, за работите за Бразил станаа полесни откако Дилан Брон доби црвен картон по еден груб старт. Напаѓачот на Фламенго, Педро во 74. минута стави точка на натпреварот.

Сардар Азмун, напаѓачот на Баер Леверкузен и еден од најдобрите ирански фудбалери, предизвика огромна прашина кога на „Инстаграм“ крена глас против состојбата во Иран, каде што во тек се протести за правата на жените.

„Поради правилата на националниот тим, не можев да кажам ништо додека не заврши тренинг-кампот. Меѓутоа, веќе не можам да трпам. Во најлоша ситуација ќе бидам исфрлен од националниот тим. Нема проблем. Ќе го жртвувам тоа за една коса на главите на иранските жени. Оваа приказна не може да се избрише. Срам да ви е што убивате толку лесно. Да живеат иранските жени“, напиша Азмун на „Инстаграм“.

Двајца од неговите колеги од репрезентацијата, голманот Лиреза Биранван и Маџи Хосеини, исто така пратија пораки на „Инстаграм“ со поддршка за демонстрантите во Иран, но неколку часа подоцна сите пораки беа избришани. Инстаграм-страницата на Сардар Азмун, пак, беше избришана со сите објави во последните осум и пол години.