Новозеланѓанката Лорел Хабард, првата трансродова личност на која и беше дозволен настап на Олимпијадата имаше неславен крај откако во три обиди не успеа да ја крене тежината во женското натпреварување во кревање товар.

ИОЦ предизвика многу контроверзи кога дозволи 43-годишната Хабард, која во минатото се натпреварувала во машките натпреварувања,  да биде дел од Игрите во Токио, но на крајот стравувањата дека таа ќе ги „украде“ медалите се покажаа како неосновани.

Хабард не успеа да крене 120 килограми, а потоа двапати по 125 килограми за крај на натпреварувањето.

„Свесна сум за сите контроверзи околу моето учество и сакам да се заблагодарам на ИОЦ, кои останаа посветени на принципите на олимпиското движење и го направија спортот достапен за сите“, изјави Хабард, која до својата 35. година се натпреваруваше како машко.

Хрватската фаворитка, Сандра Перковиќ не успеа да стигне до медал во фрлање диск на Олимпијадата во Токио, завршувајќи само на четвртото место.

Американката Валери Олмен со 68.98 метри беше златна пред Германката Кристин Пруденз (66.86) и Кубанката Јаиме Перес (65.72), додека најдобриот обид на Перковиќ беше потпросечни 65.01 метри. Ова е само второ големо натпреварување на кое Перковиќ не освоила барем медал, откако во Лондон во 2012 и во Рио 2016 беше освојувачка на златото.

„Не бев на потребното ниво, нема оправдувања. Во Париз 2024 ќе биде поинаку, се надевам дека ќе бидам подобра. Не сакам брзи серии, но нема да барам оправдувања. Се борев колку што можев, повеќе среќа следниот пат“, изјави низ солзи Перковиќ.

Здравко Мамиќ, поранешниот прв човек на Динамо Загреб, за српските медиуми го коментираше можниот дуел во плејофот за пласман во Лигата на шампионите, помеѓу хрватскиот првак и Црвена звезда.

Некогаш членовите на „големата четворка“ на југословенскиот фудбал, низ историјата одиграле 106 натпревари. Последен пат се сретнатле на 18.мај 1991 година.

За да изборат меѓусебен дуел, Динамо во третото коло ќе мора да ја мине Легија варшава, а Црвена звезда екипата на Шериф.

„Морам да бидам искрен, го знаете мојот став од минатата година. Не сакав дуел со Црвена звезда“, рекол Мамиќ.

„Отсекогаш сум навивал за Црвена звезда, е сега еден тим мора да испадне. Тоа ќе биде Звезда. Ако дојде до тој дуел Динамо ќе покаже дека е подобар“, изјавил Мамиќ, а п0тоа малку ја „спушти“ топката.

„Сепак не може да се каже дека Динамо е фаворит. Звезда во последните неколку сезони бележи импресивни резултати. НБема фаворит, но сигурен сум дека Динамо ќе избори место во главната фаза во ЛШ“, заклучил Мамиќ.