Спорт
Џоел Глејзер ветил дека Солскјер нема да добие отказ, и му дал пари за Халанд и Нигуез!
По состанокот со газдата Џоел Глејзер, Оле Гунар Солскјер добил уверување дека сите се зад него во Манчестер јунајтед, и дека шпекулациите дека бараат замена се само шпекулации, и во исто време му ветил пари со кои Норвежанецот може да продолжи со градењето на тимот со ангажирање на двете главни цели – Саул Нигуез и Ерлинг Браут Халанд, тврди „Дејли мејл“.
По слабиот ноември, Јунајтед стигнаа до две големи победи над Тотенхем и Манчестер сити за да се вратат на петтото место во трката зза место кое води во Лигата на шампионите. Семејството Глејзер е свесно дека изградбата на тимот ќе потрае, и дале зелено светло за ангажирање на Саул Нигуез од Атлетико Мадрид и Ерлинг Халанд од Ред бул Салцбург, иако најреално е тие трансфери да се остварат во текот на летото. Јунајтед покажале интерес и за Дони ван де Бек од Ајакс, иако се верува дека тој ќе замине во Реал Мадрид.
„Оваа недела можеби ќе зборуваат помалку и тоа е поинтересно отколку да одговараш на критики и шпекулации. Треба да знаеме што се обидуваме да направиме и да имаме план. Ако момците се без повреди, ќе освоиме многу поени, а исто така ќе го засилиме тимот. Имаме вистински однос, сега момците имаат поголема самодоверба и сакам да одиме напред“, изјави Солскјер денеска за норвешкиот „ТВ2“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото коло, во Б групата, Данска ја победи Македонија 36:24 (17:12).
Македонските репрезентативци, во Хернинг, дадода се од себе, но Данска го демонстрираше својот квалитет и покажа зошто е најдобриот тим во светот.
Македонија се држеше во првото полувреме, најмногу поради тактички добрата игра во нападот, одбраната не можеше да ги задржи ѕвездите на данската селекција.
Десет минути беше нерешено, а потоа Данците со молскавична серија 5:0 се одвоија на 8:3. Успеа Македонија да фати каков таков приклучок, намали на три гола и не реализира напад за минус два. На крајот првиот дел заврши 17:12.
Во вториот дел Данците го засилија темпото во одбраната, во првите 15 минути Македонија тешко доаѓаше до чисти позиции. Данците стекнаа двоцифрена предност и забележаа очекувана победа.
Најефикасни играчи во македонската репрезентација беа Серафимов со шест, односно Кузмановски и Митев со по четири гола. Најдобрите Данци, Питлик и Гидсел со девет осносно осум гола ја предводеа својата репрезентација.
Второто коло во Б групата на програмата е в недела, Македонија од 18 часот ќе игра против Португалија, а од 20.30 Данска ќе се соочи со Романија.
Foto/ EPA
Спорт
Тер Штеген пред трансфер во Џирона
Марк-Андре тер Штеген ќе ја напушти Барселона до крајот на преодниот рок. Германецот мора да брани доколку сака да биде во германската селекција на Мундијалот во САД, Мексико и Канада.
Според шпанските медиуми, речиси сè е договорено, германскиот голман да се пресели во Џирона. Тер Штеген ги прифатил условите, а сè што останува е клубовите да ги дефинираат деталите за позајмицата.
Тер Штеген го загуби местото како прв голман со доаѓањето на Џоан Гарсија, а се мачеше и со повреди во претходниот период.
Бидејќи сè уште има што да покаже, логичниот следен чекор беше да ја напушти Барса, засега само привремено, а ќе видиме на лето кои ќе бидат следните чекори.
Foto/ depositphotos
Спорт
Скандал на ЕП во ватерполо – Покрената е истрага поради обложување
Неколку ватерполисти од репрезентацијата на Малта се под истрага поради сомнение дека се обложувале на гол-разликата на натпреварот од Европското првенство против Црна Гора во Белград.
Информацијата ја објави порталот „Тајмс оф Малта“. Според истиот извор, по повод настанот е покрената истрага, а повеќе детали ќе бидат познати во наредните денови.
Селекцијата на Црна Гора го доби споменатиот дуел од групната фаза со резултат 21:12. Малта беше поразена во Белград од Франција (22:13), Унгарија (21:6), а денес во битката за пласман од 13-то до 16-то место го победи Израел 16:15.
Foto/ EPA

