Болоња и Џенова одиграа интересно 2:2 реми на „Ренато Дал’Ара“ кое беше одлучено со два пенали во последните минути од натпреварот, и резултат кој двата тима не го посакуваа по лошиот старт на сезоната.

Шкотланѓанецот Арон Хики ги донесе Болоња во водство во 49. минута од мечот со убав удар од далечина, но Џенова успеа да израмни само шест минути подоцна со убавиот гол со глава на Матија Дестро.

Горан Пандев влезе во игра во 68. минута, но неговиот тим повторно беше во негатива во 85. минута, кога беше досуден пенал, а Марко Арнаутовиќ го постигна својот втор гол во дресот на Болоња. Кога се веруваше дека поените остануваат за тимот на Синиша Михајловиќ, беше досуден помалку контроверзен пенал за Џенова, кој капитенот Доменико Кришито сигурно го реализираше.

e>

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));

Рома нуди попуст на билетите за нивните натпревари за фановите што ќе се решат да се вакцинираат против Ковид-19 на „Олимпико“. В среда и четврток „Олимпико“ и областа Форо Италико ќе биде центар за вакцинација, каде што без закажување ќе може да се добијат вакцини на „Модерна“.

Во обид да се охрабри вакцинацијата за добивање на зелениот пасош на ЕУ, Рома ќе понуди попуст за следните домашни мечеви.

„Од почетокот на пандемијата Рома сакаше да им помогне на своите фанови и на градот Рим во борбата против пандемијата. Делевме маски, заштитна опрема и вентилатори на болниците, а сега учествуваме во кампањата за вакцинирање“, вели Гвидо Фиенга, генералниот директор на клубот.

Според последните податоци, повеќе од 85 отсто од популацијата на провинцијата Лацио (каде што е и Рим) добиле вакцина. За да присуствуваш на фудбалските мечеви во Италија, потребен е зелениот пасош на ЕУ или негативен тест во период од 48 часа.

Roma, sconti sui biglietti per chi si vaccina all’Olimpico https://t.co/EmpWVUKUX6

— La Gazzetta dello Sport (@Gazzetta_it) September 21, 2021

Роџер Федерер, 20-кратниот гренд слем шампион, потврди дека ќе го пропушти Лејвер-купот во Бостон откако беше на успешна операција на коленото.

Швајцарскиот ветеран се бори со повредите последните две години и во август беше на нова операција на коленото за повредата што ја доби при настапот на Вимблдон, но најави дека не ја завршува кариерата и дека ќе се врати на АТП-турнејата во 2022.

Тој сигурно нема да игра во Лејвер-купот, турнир на кој тој е делумен организатор и во кој игра Европа против остатокот од светот.

„Навистина сум разочаран и ќе ми недостигаат момците, тимскиот дух и фановите. Беше прекрасно во Женева, Прага и во Чикаго и ќе ги гледам мечевите на телевизија“, вели 40-годишниот Федерер.

Следното издание на Лејвер-купот ќе се одржи во Лондон во „О2 арената“ и Федерер најави дека ќе биде таму.