Спорт
Доаѓаат од село со 1485 жители, тренер им е директор на училиште и се нови шампиони на

Мјалби стана шампион на Шведска. Во 27-то коло од Алсвенскан, го победија Гетеборг со 2:0 и три кола пред крајот стигнаа до недостижни 11 бода предност пред второпласираниот Хамарби. Победничките голови ги постигнаа Јакоб Бергстром во 21-та и Том Петерсон во 28-та минута од натпреварот.
Ова е нивна прва шампионска титула во историјата на клубот, а тие го соборија рекордот и станаа најмалото место кое некогаш добило шампион меѓу земјите членки на УЕФА.
Следната сезона, тие ќе играат во квалификациите за Лигата на шампионите, а исто така ќе играат и во европските натпреварувања за прв пат во историјата.
Клубот Мјалби АИФ е од Хелевик, град на југот на Шведска со население од 1485 жители според последниот попис од 2023 година. Хелевик се наоѓа во Селвесборг, општина со вкупно население од околу 17.000 жители.
„Кога нашите противници доаѓаат да нè посетат, тие се возат со автобус и возат низ фарми, покрај рибарски пристаништа. Потоа возат малку повеќе и кога повеќе не можат да одат напред, доаѓаат на нашиот стадион“, изјави за „Гардијан“ Хасе Ларсон, спортски директор на клубот.
Станува збор за клуб кој низ својата историја се движел од првата до четвртата шведска лига, а не толку одамна, од 2015 до 2018 година, бил во третата лига. Потоа изборил пласман во повисок ранг во две последователни сезони и сега игра во највисокото ниво на шведскиот фудбал шеста година по ред. Во тој период, се рангирал од петтото до десеттото место.
Според „Трансфермаркт“, Мјалби е деветтиот највреден тим во шведското првенство. Вкупната вредност на играчите е 15,7 милиони евра.
Највредниот шведски клуб е Малме со 40 милиони евра, а над 30 милиони е вредноста на играчите на Хамарби, додека Ѓургарден вреди 25 милиони евра.
Покрај тоа што нема познати имиња или играчи со голема вредност во тимот, Мјалби нема ниту тренер со значајна кариера. Тие се предводени од 59-годишниот Андерс Торстенсон, човек зад кого стои единствена приказна.
Торстенсон бил младински играч во Мјелби во 1980-тите, но го напуштил клубот пред да игра за сениорскиот тим и се приклучил во војската една деценија.
По враќањето од војска, Торстенсон се вработил како директор на училиште, а во исто време работел како тренер во аматерски клубови. Како што вели, никогаш не помислил дека може да има сериозна тренерска кариера.
Во Мјалби дошол како помошник тренер во 2007 година и три години подоцна влегол во првата лига со клубот. Станал главен тренер во 2013 година и решил да го напушти училиштето за да се посвети на својата работа во фудбалот, но бил еден од ретките во клубот кои го имале тој луксуз.
Таквата посветеност била клучна за создавање тим кој без истакнат поединец (вистинска ѕвезда) стана шампион на Шведска.
Најдобриот стрелец на клубот со само шест гола е 20-годишниот Абдули Манех, кој минатата година дошол од Гамбија како сосема непознат играч. Највреден играч во клубот е Елиот Страуд (2,5 милиони евра), кој пристигна пред две години од третата шведска лига, додека еден од клучните дефанзивци е Абдула Икбал, Пакистанец донесен од втората данска лига.
Капитен е Јеспер Густавсон, 30-годишен локален жител кој целата своја кариера ја поминал во Мјалби уште од дете и не го напуштил дури ни во најтешките моменти.
Арвид Францен е одговорен за пронаоѓање нови играчи, кој ја извршува својата скаутска работа од далечниот град Ескилстуна, на шест часа возење, каде што работи секојдневно како поштар и ќе се приклучи на клубот како постојан вработен подоцна оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Руни за Салах: Годините играње на врвно ниво си го направија своето

Ливерпул минува низ криза во каква што не бил од 2014 година. „Црвените“ се поразени на последните четири натпревари, три пати во Премиер лигата.
Критичарите сметаат дека главни виновници за лошите резултати на актуелниот шампион се Флоријан Вирц (платен 125 милиони евра) и најдобриот играч и стрелец Мохамед Салах.
Египќанецот е во очигледен пад на формата оваа сезона, па затоа се повеќе луѓе пишуваат за неговото заминување од Ливерпул.
Вејн Руни верува дека годините играње на врвно ниво си го направиле своето.
„Мислам дека Салах одигра премногу натпревари во последните неколку години, тој беше главен играч и беше под голем притисок. И сигурно беше меѓу најдобрите пет играчи во Премиер лигата во последните години. Долго играше во континуитет и сега тоа дојде на наплата. Не би ме изненадило ако замине во јануари или следното лето. Обожувам да го гледам, тој е фантастичен играч, но годините играње на врвно ниво си го направија своето“, рече Руни.
Се верува дека по Ливерпул, Салах ќе ја продолжи кариерата во Саудиска Арабија, од каде што веќе имаше астрономски понуди.
Салах има договор до летото 2027 година.
Спорт
„Да ми зборуваше некој за титулата пред два месеци, ќе му кажев дека е идиот“

По големата победа во Остин, Макс Ферстапен се врати во трката за шампионската титула во Формула 1.
Четирикратниот светски шампион, на пет трки до крајот на сезоната нима само 40 поени помалку од лидерот Оскар Пјастри. Возачот на Мекларен пред само четири трки имаше 104 поени повеќе од Холанѓанецот.
Ферстепен победи на три од последните четири трки, со огромна разлика во Италија, Азербејџан и Остин, додека беше втор во Сингапур зад Џорџ Расел. Дуото на Мекларен, Пјастри и Норис, се мачат од другата страна, а Макс е се поблиску.
„Шансата е тука“, рече Верстапен по победата во Тексас, нагласувајќи дека сега, за прв пат оваа сезона, отворено гледа реална можност повторно да ја освои титулата.
„Да ми го кажеше тоа некој пред само два месеци, ќе му кажев дека е идиот. Сепак, го подобривме автомобилот, подобро разбираме како функционираат работите и тоа е главната разлика.“
Мекларен признава дека конкуренцијата го зголемила темпото. Шефот на тимот, Андреа Стела, рече дека мора да се прилагодат на притисокот во финишот на сезоната.
Во шампионатот остануваат уште пет трки, а доколку Ферстапен ја освои титулата, тоа ќе биде еден од најголемите подвизи во историјата на најбрзиот караван.
Foto/ EPA
Спорт
Тајна средба помеѓу Кристијано Роналдо и Новак Ѓоковиќ

Новак Ѓоковиќ и Кристијано Роналдо се сретнаа далеку од очите на јавноста во Ријад.
Ѓоковиќ беше во Ријад минатата недела, каде што беше дел од егзибицискиот турнир „Шест кралеви“, а Роналдо долго време игра за Ал Наср во истиот град.
Новак не блескаше на теренот, му го предаде натпреварот за третото место на Тејлор Фриц, но надвор од теренот имаше и многу работа.
Имаше средби со великани како што е Шакил О’Нил, со кого беше на прес-конференција, а сега се појави слика од средбата со Кристијано Роналдо.
Србинот и Португалецот се познаваат долго време и можно е само да разговарале во друштво на пријатели, но со оглед на сè почестите маркетиншки потфати и инвестиции на Ѓоковиќ, дури и во светот на фудбалот, можно е темата да била и бизнис.
За што точно разговарале? Ќе мора да почекаме првото јавно обраќање на Ѓоковиќ или Роналдо за да дознаеме.