Спорт
Доделени наградите за најуспешните атлетичари во Македонија
Денес се одржа свеченото прогласување на најуспешните атлетичари, тренери и клубови во Македонија за постигнувањата во атлетскиот спорт во 2024 година.
Овој значаен настан е во организација на Атлетската Федерација на Македонија, а беше одбележан во присуство на најдобрите и најталентирани спортски личности, како и почитувани гости како градоначалникот на Општина Гази Баба, Бобан Стефковски, голем поддржувач на атлетиката и спортот, Проф .д-р Влатко Неделковски, декан на Факултетот за физичко образование, спорт и здравје, новинари и други.
По поздравните зборови на водителот, присутните ги поздрави и претседателката на Атлетската федерација на Македонија, Александра Војнеска Зикова, која ја истакна успешноста на атлетиката во Македонија во изминатата 2024 година. Таа нагласи дека Македонија има бројни успеси на меѓународната сцена, со учество на Олимписките игри, Светски и Европски првенства, како и бројни рекорди поставени во различни дисциплини.
„Навистина сум среќна и горда што можам да застанам исправено пред вас, да дискутираме за напредокот и успесите на атлетиката, спортот со кој што пораснав, спортот за кој што живеам, спортот кој што ме дефинираше како личност и спортот кој што сакам да го видам на највисокиот пиедестал. 2024 беше година на нови рекорди, нови таленти и извонредни спортски резултати. Им се заблагодарувам на сите македонските атлетичари кои продолжуваат да ја предводат атлетиката во регионалните и европските натпревари, што даваат тежина на самата федерација, што го уважувате спортот и сигурна сум дека заеднички ќе продолжиме да креираме една убава заедничка приказна за атлетиката. Оваа вечер е прилика да ги наградиме најуспешните во сите категории,“ истакна Војнеска Зикова во својот говор.
Признанија и награди
На денешниот настан беа доделени наградите за најуспешните атлетичари, тренери и клубови. Во различни категории, беа наградени најдобрите во младинските и сениорските категории, како и најуспешните атлетски клубови и поединци за особени придонеси во развојот на спортот.
Признанијата беа доделени во следните категории:
• Млади пионери – Тина Доневска, клуб : Работнички и Парис Златановски клуб: Куманово
• Пионери – Ева Митевска, клуб: Работнички и Дамјан Ѓоргиевски., клуб: Работнички
• Млади младинци – Лина Исени, клуб: Лириа и Брајан Авија, клуб: 7миМај
• Младинци – Mелиса Димитриоски, клуб: Дрини Старт и Владимир Битољану, клуб: Центар
• Сениори – Дрита Ислами; клуб: Работнички и Дарио Ивановски
Наградите за најуспешни атлетичари и клубови беа доделени на основа на нивните исклучителни резултати постигнати на домашни и меѓународни натпревари, вклучувајќи рекорди, освојувања медали на Балкански, Европски и Светски првенства.
Признание за најуспешен атлетски клуб за 2024 година беше доделено на Атлетски клуб Делта од Скопје. Овој клуб, кој доминираше во атлетиката на државно ниво, се истакна со 6 државни рекорди и 6 атлетичари во националниот тим.
Признанието за најдобар тренер од Европската атлетска федерација во 2024 година му беше доделено на Алим Хајредини од АК Дрини Старт за неговиот значаен придонес во развојот на атлетиката и успешната работа со атлетите.
Признание за животно дело беше доделено на Мире Ивановски, легенда на македонската атлетика и долгорочен предводник на Атлетски клуб Вардар, кој остави незаменлив траг во развојот на атлетиката во Македонија.
Свеченото прогласување заврши со заедничка слика на наградените и присутните гости.
Наградените атлетичари, тренери и клубови ќе продолжат да го носат името на Македонија на врвот во светската атлетика.
Со ова, заврши свечената програма, а Атлетската федерација на Македонија им посака успешна нова 2025 година, исполнета со нови рекорди и медали.
Честитки за сите наградени и продолжуваме да веруваме во успехот на македонската атлетика!
ПОСТИГНАТИ РЕКОРДИ ВО 2024 ГОДИНА
ЖЕНИ :
Во Сениорска категорија :
10км – Сениорки :
Адријана Поп Арсова од АК Делта со истрчани 34.42 сек го подобри сопствениот национален рекорд на 10км на пат, за време на трката Халк Еко Скопје Трча 10км одржана на 12.05.2024 во Скопје.
3000м стиплчес – Сениорки
Миљана Ристиќ од АК Делта го собори Македонскиот рекорд на 3000м стиплчес кој сега гласи 11 минути 58 секунди и 61 стотинка, поставен на Националното првенство за сениори на 18.05.2024.
Во Младинска категорија :
Ѓуле 4кг. – Младинки
Јумна Фетаху од АК 7ми Мај го собори младинскиот рекорд во ѓуле со резултат од 12.26 поставен на атлетскиот митинг во Бар, Црна гора на 06.04.2024
Јумна Фетаху од АК 7ми Мај го собори младинскиот рекорд во диск со резултат од 38.44 поставен на атлетскиот митинг во Косовска Митровица на 23.03.2024
Диск 1кг. – Младинки
Јумна Фетаху од АК 7ми Мај го собори младинскиот рекорд во диск со резултат од 38.44 поставен на атлетскиот митинг во Косовска Митровица на 23.03.2024
МАЖИ :
Во Сениорска категорија :
Маратон – Сениори
Дарио Ивановски од АК Корранерс со резултат 02:08.26 го собори сопствениот рекорд во маратон за време на мартонот за времен а интернационалниот маратон Севиља , Шпанија на 18.02.2024
Полумаратон – Сениори
Дарио Ивановски од АК Корранерс со резултат 1.04,01 го собори сопствениот рекорд во полумаратон за време на полумаратонската трка на Европското првенство во Рим на 09.06.2024.
Скок во далечина во сала – Сениори
Андреас Трајковски од АК Работнички со резултат 7,79м го собори сопствениот државен рекорд во сала за време на Балканското првенство во сала во Истанбул на 10.02.2024
400м со пречки – Сениори
Јован Стојоски од АК Охрид со резултат 52.33 секудни го собори сопствениот државен рекорд на 400м со пречки на атлетски митинг во Марибор Словенија на 19.06.2024
Десетобој – Сениори
Огнен Стефановски од АК Делта со резултат од 6384 поени во Десетобој го собори националниот рекорд за време на Балканското првенство во Измир Турција на 26.05.2024
Седмобој во сала – Сениори
Огнен Стефановски од АК Делта со резултат од 4353 поени во Седмобој го собори националниот рекорд во атлетскиот митинг во Белград, Србија 25.02.2024
Скок со стап во сала – Сениори
Огнен Стефановски од АК Делта со резултат од 3.65м во скок со стап го собори националниот рекорд во атлетскиот митинг во Белград, Србија 18.02.2024
2000м Стиплчес – Сениори
Леонид Вандевски од АК Делта со резултат од 6:00.49мин, го собори националниот рекорд на 2000м Стиплчес на атлетскиот митинг во Пилзхаусен, Германија 05.05.2024
4х100м Штафета
Во состав: Јован Стојоски, Андреас Трајковски, Владимир Битољану и Огнен Стефановски беше соборен државниот рекорд на 26.05.2024 на Балканското првенство во Измир Турција.
Во Младинска категорија :
100м – Младинци
Владимир Битољану од АК Центар со резултат 10.78сек, го собори младинскиот рекорд, за време на Купот на Македонија за сениори на 29.06.2024г. Скопје
200м – Младинци
Владимир Битољану од АК Центар со резултат 21.64сек, го собори младинскиот рекорд, за време на Купот на Македонија за сениори на 30.06.2024г. Скопје
Во категорија Млади Младинци :
100м – Млади Младинци
Марко Алексовски од АК Центар со резултат 10.95сек, го собори младинскиот рекорд под 18 години, за време на Балканското Првенство за Млади Младинци во Марибор, Словенија на 06.07.2024г.
200м – Млади Младинци
Марко Алексовски од АК Центар со резултат 22.29сек, го собори младинскиот рекорд под 18 години, за време на Купот на Македонија за Младинци на 14.09.2024г. Скопје
300м – Млади Младинци
Марко Алексовски од АК Центар со резултат 35.12сек, го собори младинскиот рекорд под 18 години, за време на Купот на Македонија за Пионери на 21.09.2024г. Скопје
Скок во Далечина – Млади Младинци
Брајан Авиа од АК 7ми Мај со скок од 6.94м, го собори младинскиот рекорд под 18 години, за време на атлетскиот митинг во Босна и Херцеговина на 17.06.2024г.
Скок во Височина – Млади Младинци
Брајан Авиа од АК 7mi Maj со резултат 2.01м, го собори младинскиот рекорд под 18 години, за време на атлетскиот митинг во Белград Србија на 19.01.2024г.
Во категорија Пионери :
400м – Пионери
Дамјан Ѓоргиевски од АК Работнички со резултат 51.89сек, го собори младинскиот рекорд под 16 години, за време на Купот на Македонија за Младинци на 14.09.2024г. Скопје
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лајпциг ја одложи шампионската прослава на Баерн
Фудбалерите на Баерн Минхен уште една недела ќе почекаат на прославата на шампионската титула. Во 32.коло, Баварците во Лајпциг одиграа 3:3.
Фудбалерите на Баерн неколку секунди ги делаа од победата со која и математички ќе ја освоеја титулата, но во 95.минута Пуолсен постигна гол за 3.3.
Лајпциг водеше со 2:0 со головите на Шешко во 11-та и Клостерман во 39-та минута.
Сепак, во вотриот дел, играчите на Баерн играа шампионски, успеаја да направат целосен пресврт.
Прво, Ерик Даер постигна гол по корнер во 62-та минута, а во следниот напад, Мајкл Олисе погоди за 2:2.
Пресвртот го донесе Лирој Сане со прекрасен гол во 83-та минута.
Спорт
АБА лига: Формирани се четвртфиналните двојки за плејофот
Кошаркарите на Игокеа убедливо го победија Морнар во Бар со 114:79 во последното 30. коло од регуларната сезона во АБА лигата.
Со оваа победа, Игокеа го обезбеди петтото место на табелата од регионалното натпреварување и ќе игра против Црвена звезда во плејофот, додека Морнар испадна во АБА 2 лигата.
Тимот од Лакташи заврши на петтото место со 19 победи и 11 порази, додека Морнар заврши последен на табелата со само две победи и 28 порази.
Познат е распоредот на првите натпревари од четвртфиналето на плејофот од АБА лигата.
Партизан и Спартак ќе бидат првите што ќе излезат на теренот. Дуелот во Белградската арена е закажан за петок, 9 мај.
Еден ден подоцна, Црвена звезда и Игокеа ќе се соочат на истото место. Натпреварите меѓу Будуќности и Мега, и Дубаи и Цедевита Олимпија, се закажани за 11 мај.
Победник ќе биде екипата што ќе забележи две победи.
Во полуфиналето според проекцијата ќе играат победникот од Партизан – Спартак и победникот од Дубаи – Цедевита Олимпија, односно победникот од Будуќност – Мега и победникот од Црвена звезда – Игокеа.
Спорт
(Видео) Голем бод освои Алавес против Атлетико
Алавес успеа да освои важен бод во борбата за опстанок играјќи без голови (0:0) против третопласираниот Атлетико Мадрид на домашен терен во натпреварот од 34-то коло на шпанската Ла Лига.
Првото полувреме на стадионот „Мендизороза“ беше избалансирано, без возбудувања и без ниту еден шут кон голманите Сивера и Облак.
Највозбудливиот момент се случи во 40-та минута кога Хулијан Алварез доби директен црвен картон за старт врз Факундо Гарсес. Сепак, по интервенцијата на ВАР, судијата ја намали казната на жолт картон, што го спаси Аргентинецот од првото исклучување во кариерата.
Во продолжението, домашните први се заканија – Карлос Висенте центаршутираше од слободен удар, но Џон Гуриди со глава биеше над голот. Првата вистинска шанса на натпреварот беше забележана дури во 71-та минута, кога резервата на Атлетик, Самуел Лино, се обиде со шут од далечина, а Антонио Сивера беше на место. Само неколку минути подоцна, Јан Облак мораше да интервенира на другата страна, спречувајќи го ударот на Кике Гарсија од блиску.
Како што натпреварот се приближуваше кон крајот, темпото се забрза. Сивера покажа одлични рефлекси по обидот на Клемент Ленгле, додека Кике имаше уште една одлична шанса за Алавес, со силен шут кој Облак успеа да го одбрани.
На крајот, поделбата на бодовите е најреалниот исход. Со ова реми, Алавес се искачи три бода над опасната зона, додека Атлетико останува цврсто на третото место на табелата.
Од Скопје до Охрид ќе се патува час и половина по новиот автопат од Тетово до Гостивар, ама за две години
За две години ќе биде готов новиот автопат од Тетово до Гостивар, рече директорот на Јавното претпријатие за државни патишта...
Обид за убиство и насилство во кочанското село Тркање
Надворешната канцеларија за криминалистички работи при ОВР Кочани поради постоење на основано сомнение за сторено кривично дело убиство во обид...
Сериозно е нарушена здравствената состојба на Александар Вучиќ
Александар Вучиќ ја откажа планираната посета на САД поради влошување на здравствената состојба и побара медицинска помош веднаш по враќањето...
Вучиќ е префрлен во Военомедицинската академија во Белград, се испитува од што му се слошило
Српскиот претседател Александар Вучиќ пристигна во Белград, а веднаш од аеродромот беше префрлен во Военомедицинската академија (ВМА) во Белград, пренесуваат...
Криминално трио ја ограби касата на казиното во Бутел, на двајца браќа им помогнал вработен
Три лица се осомничени за кражба од казино во Бутел, при што биле одземени 1.460.856 денари, соопшти денеска Основното јавно...
Уапсен е зетот на покојниот Зоки Фаци, ја запалил куќата во која живееле сестрата и внуците
Вчера наутро била избегната трагедија во која можело да настрадат станари во зграда во скопската населба Ново Лисиче откако Тодор...
Две години од масовното убиство во „Рибникар“: Тешка трагедија која Србија никогаш нема да ја заборави
Поминаа две години од страшното масовно убиство кога 13-годишно момче уби девет деца и училишен чувар во ОУ „Владислав Рибникар“....
На Александар Вучиќ ненадејно му се слошило, па ја прекина посетата на САД
Српскиот претседател е на пат кон Белград откако синоќа му се слошило при посетата на САД и побарал медицинска помош....
„Мерцедес“ се заби во група пешаци во Штутгард
Автомобил „мерцедес“ денеска удри во група луѓе на пешачки премин во центарот на Штутгарт, Германија, при што се повредени неколку...
Ахмети вели дека ако излезе на улица нема враќање назад, „Вреди“ со коментар дека улицата е на народот, а не на милионерите
Можно е симпатизерите на ДУИ да излезат на улица, вели Али Ахмети, поради случајот со ексминистерот, Крешник Бектеши, кој се...
Америка се повлекува од мировните преговори меѓу Русија и Украина
САД повеќе нема да посредуваат во мировните преговори меѓу Украина и Русија откога Владимир Путин одби да се согласи на...
Караџов за Коридорот 8: Николоски раскажува македонски приказни пред спиење, каде е да го потпише договорот
Имам чувство дека Николоски раскажува македонски приказни пред спиење, коментира вицепремиерот и министер за транспорт, Гроздан Караџов, во врска со...
Мицкоски: Јавниот и државниот долг најниски во последните 5 години
Премиерот Христијан Мицкоски, денеска, одговарајќи на новинарско прашање во однос на нивото на јавниот и на државниот долг и очекувањата...
Скопската ЗОО од утре може да биде затворена, вработените од вчера се и без здравствено осигурување, а плата немаат 45 дена
Доколку не им биде исплатена платата за март на вработените, веројатно скопската Зоолошка градина од утре ќе биде затворена за...
Осум пациенти се враќаат од лекување од Турција, Бугарија и од Словенија, во странство остануваат хоспитализирани 18
Министерството за здравство информира дека денеска уште осум пациенти од повредените во трагедијата во Кочани се враќаат од лекување, од...
Независниот синдикат на полицијата со најава за полициски протест: „Молчењето нѐ донесе под минималецот“
Независниот синдикат на полицијата со најава за полициски протест. „Како што ветивме после првомајската парада, на 2 Мај го најавуваме...
Разузнавачките служби: Целите на Путин се променија
Нови разузнавачки информации споделени од американски и западни претставници сугерираат дека рускиот претседател Владимир Путин го префрлил својот непосреден фокус...
Македонија со пад од шест места на Индексот за слобода на медиумите
Падот на Македонија за шест места на Индексот за слобода на медиумите за 2025 година, објавен од „Репортери без граници“,...
Венс: Војната во Украина нема да заврши набргу
Американскиот потпретседател Џеј-Ди Венс вчера за „Фокс њуз“ изјави дека војната во Украина нема да заврши набргу, а американскиот државен...
Субвенции за струја за ранливи домаќинства: обработени 745 апликации, следува исплата
Министерството за енергетика, рударство и минерални суровини ги финализира административните проверки на апликациите пристигнати по јавниот оглас за финансиска поддршка...
