Спорт
„Дојдовме во ситуација Партизан да навива за Црвена звезда“
Претседателот на Црвена звезда, Звездан Терзиќ, во интервју за „ТВ Прва“, рекол дека клубот функционира совршено и дека долгот не е 60 милиони евра, како што објави независниот ревизор.
Терзиќ тврди дека Црвена звезда должи 35 милиони евра и дека е тоа оперативниот долг.
„Според независниот ревизор долгот е поголем, но тоа се категории кои Црвена звезда нема обврска да ги плаќа, а мораат да се внесат во книгите. На пример ако ја продадеме „Маракана“, тогаш ќе мораме да платиме данок од 4,5 милиони евра. Па ние никогаш нема да го продадеме стадионот“, рекол Терзиќ и продолжил.
„Она што ние го направивме во последните седум години ќе се учи на факултетите. Кога дојдовме во 2014 година имавме 250 тужби, а играчите бегаа од клубот. Сега, платите се редовни, а претходно ни зборуваа дека клубот не може да биде спасен. За седум години пет пати сме биле шампиони, два пати игравме во Лигата на шампионите. Кога нема да бидеме шампиони, јас ќе заминам од клубот. Тоа е моја професионална обврска“.
Србија, оваа сезона се бори за две места во квалификациите во Лигата на шампионите.
„И тоа ќе се случи. Црвена звезда многу направи за српскиот фудбал, на добра пат сме да добиеме два клуба во квалификациите за ЛШ. Дојдовме во ситуација, Партизан да навива за нас, бидејќи тие не би играле во Конференциската лига, туку во квалификациите за ЛШ“, заклучил првиот човек на најтрофејниот српски клуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.