Спорт
Докторот на Марадона обвинет за неговата смрт

Човекот кој до последниот ден беше одговорен за здравјето на Диего Марадона, хирургот Леополд Луке се наоѓа под истрага на Обвинителството поради немарност и пропусти во лекувањето на фудбалската легенда.
Истрагата е покрената по сведочењето на ќерките на Марадона, Далма, Џејн и Џанин. Полицијата веднаш извршила рација на две адреси на кои Леополд Луке најчесто бил – во клиниката и во неговиот дом.
Најдоцна утре тој ќе се јави пред судија каде ќе одговара по обвинувањата и евентуалните проппусти во процедурата по отпуштањето од болница, по операцијата на главата на Диего.
На Луке му се ставаат на товар тоа што не ги спровел сите потребни процедури при отпуштањето, а потоа Диего немал ниту брза и адекватна помош кога му се слошило.
Доказ против докторот е и повикот до итната помош, во кој не било напоменато дека се работи конкретно за Диего Марадона, туку за маж на 60-годишна возраст. Докторот ќе мора да одговара и зошто немало 24-часовен лекарски надзор до екс-фудбалерот, зошто во куќата немало адекватни лекови и зошто немало дефибрилатор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јувентус ќе се обиде во јануари да го продаде Влаховиќ

Челниците на Јувентус немаат доверба во Душан Влаховиќ и покрај тоа што тој на пет натпревари оваа сезона, постигна четири гола. Влаховиќ е џокерот од клупата, бидејќи сезонава ниту еден гол не постигнал кога започнал во дстартната постава.
Италијанските медиуми тврдат дека Јувентус ќе се обиде да го продаде напаѓачот во зимскиот преоден рок.
Причината е што договорот на Влаховиќ истекува на крајот од оваа сезона, а вистинска аукција за таков напаѓач би можела да има во јуни. Затоа, за клубот, подобро решение е да го продаде во јануари со симболична отштета,
Јувентус сигурно сака да се ослободи од големите трошоци бидејќи е познато дека српскиот фудбалер заработува 12 милиони евра годишно оваа сезона.
Неговото заминување во јануари би значело 6 милиони евра повеќе во касата на Јувентус и плус неколку милиони евра од обесштетувањето.
Она што е јасно дури и во овој момент, Влаховиќ ќе го напушти Јувентус, без разлика дали во јуни или можеби во јануари.
Foto/ EPA
Спорт
Трамп: Подготвен сум да ги преместам натпреварите од СП 2026 поради безбедносни причини

Американскиот претседател Доналд Трамп изјави дека е подготвен, доколку биде потребно, да ги премести натпреварите од Светското првенство 2026 од градови кои ги смета за небезбедни.
„Светското првенство ќе биде безбедно. Ако утврдаме дека не е безбедно натпреварите да се играат во одредени градови, ќе ги преместиме во други,“ им рече Трамп на новинарите во Овалната соба, притоа особено критикувајќи ја статистиката за криминал во Чикаго, кој инаку не е домаќин на Мундијалот.
„Ако мислиме дека некој град ќе биде барем малку небезбеден за Светското првенство или Олимписките игри, а особено за Светското првенство бидејќи турнирот се игра во толку многу градови, нема да дозволиме таму да се играат натпревари, ќе ги преместиме,“ изјави тој.
Меѓу градовите домаќини на натпревари се и демократски упоришта како Лос Анџелес (осум предвидени натпревари), Сан Франциско (шест) и Сиетл (шест).
Администрацијата на Трамп оваа година распореди Национална гарда за одржување ред во неколку градови под демократска управа, меѓу кои и Лос Анџелес, и покрај противењето на локалните власти.
САД ќе бидат домаќин на Светското првенство во фудбал 2026 година (11 јуни – 19 јули) заедно со Мексико и Канада. Претседателот Трамп самиот се именуваше за раководител на работната група на Белата куќа за Светското првенство, натпреварување кое го организира Меѓународната фудбалска федерација (ФИФА).
Спорт
Лејкерси му го продолжија договорот на Џеј Џеј Редик

Лос Анџелес Лејкерс, објавија дека го продолжиле договорот со главниот тренер Џеј Џеј Редик. Сè уште нема официјални детали за новиот договор со 41-годишниот тренер.
„Веруваме дека тој е одличен тренер, тренер со силен глас кој навистина ни помага да ја продолжиме културата на извонредност на Лејкерси“, рече Роб Пелинка, претседател на кошаркарските операции на франшизата, на прес-конференција.
„Долгорочната визија ни помага да го изградиме овој тим за иднината“, додаде тој.
Редик им се придружи на Лејкерси во 2024 година, тогаш потпиша четиригодишен договор вреден 32 милиони долари.
Во својата прва година, тој ги предводеше Лејкерси до третото место во Западната конференција. Сепак, тимот беше елиминиран во првото коло од плејофот од Минесота и покрај тоа што Лука Дончиќ беше доведен во средината на сезоната, а Леброн Џејмс беше во одлична форма.
Фото/ Принтскрин