Спорт
Доминик Тим „се остри“: Грен слемовите се мојот приоритет!
Австрискиот тенисер, Доминик Тим имаше зад себе сјајна сезона. Го освои својот прв грен слем во кариерата (САД опен), играше во финалето на Австралија опен, а ново финале играше и на Завршниот мастерс во Лондон.
За австриска телевизија Тим рече дека е повеќе од задоволен од 2020 година, но не планира тука да запре.
„Мене не ми е битно кој сум на АТП ранг листата. Грен слемовите се мојот приоритет. Ако не победам ниту на еден грен слем или ако не играм ниту едно финале, можеби нема да сум задоволен со таа година. Ќе бидам задоволен ако сум четврти на листата и освојам барем еден грен слем во годината“ смета Тим.
Австриецот ги следи стапките на Ѓоковиќ, Надал и Федерер и свесен е дека на пиедеталот може да се стигне само со освојување на најголемите трофеи.
„Постои желбата, секако кога сум број 3, сакам да сум и број 1. Но таа желба во моментов не е толку голема колку што е за освојување грен слем титули“ нагласува тој.
Тим и следната сезона во Роџер, Рафаел и Новак гледа конкуренти за четирите најголеми турнири во светот на тенисот, но знае дека сега ќе има многу повеќе самодоверба да им ги расипе плановите.
„Можеби следната сезона сите четири грен слема ќе ги освои `големата тројка`, но и покрај тоа големи се шансите да има повеќе нови победници. Мојата титула поради тоа беше важна, затоа што сега другите видоа дека тоа е можно“ – рече Доминик Тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.