Барселона не успеа да се пласира во четврт-финалето, во Купот на Шпанија. Каталонците, во продолженијата испаднаа од Атлетик Билбао. Дуелот на „Сан Мамеш“ го реши Икер Муниаин во 105.минута.

Тренерот Чави, по завршувањето на натпреварот, рекол дека неговите играчи не можеле да го испратат интензитетот што го наметнале противниците, проговрил за повредите на Педри и Ансу Фати и отсуството на Усман Дембеле.

„Екипата не го почувствува отсуството на Дембеле. Тој е важен играч, но заеднички ја донесовме одлуката да не игра“, рекол Чави и дополнил.

„Ситуацјата со Педри не е сериозна. Кај Ансу е посериозно, деновиве ќе знаеме повеќе. Ќе мораме да видиме и како се останатите играчи кои имаа проблеми пред овој меч, како Пике и Алба“.

Финикс Санс, во дербито во НБА лигата, славеа победа над Далас Маверикс 109:101. Санс, во финишот успеаја да дојдат до победата, откако во вториот дел влегоа со негатива од 12 поени. Пресвртот го креираа Девин Букер и Крис Пол.

Букер мечот го заврши со 28 поени, шест скока и пет асистенции, Пол забележа 20 поени и 10 асистенции.

На спротивната страна Лука Дончиќ беше најефикасен со 28 поени, на кои придодаде по осум скока и асистенции.

Финикс се лидери во лигата со 35 победи и девет порази, Далас се петти на Западот со 26 победи и 20 порази.



Индијана Пејсерс ја продлабочија кризата во која се наоѓаат Голден стејт Вориорс. Без речиси целата стратна петорка, Пејсерс, славеа во Сан Франциско 121:117.

Пејксерс дуелот го добија по едно продолжение, откако Џастин Холидеј со тројка на шест секунди до крајот избори дополнителни пет минути. Во продолжението, Пејсерс со серија 10:0 го решија победникот.

Стеф Кари го предводеше Голден стејт со 39 поени, Кевон Луни забележа 13 поени и 15 скокови.

На спротивната страна Крис Дуарте предводеше група од седум играчи со двоцифрен број на поени. Дуарте натпреварот со заврши со 27 поени.