Спорт
Дончиќ доминира во НБА – Најголем број постигнати поени во првите четири натпревари од 1962 година
Лука Дончиќ блеска на почетокот на НБА сезоната, прва што ја игра во Лејкерси од самиот почеток. Тимот, кој сè уште е без Леброн Џејмс, го предводеше до домашна победа од 130:120 над Мајами Хит.
И кога Дончиќ шутира под просекот од поле (9/22) и катастрофално за тројки (1/11), успева да постигне учинок за историјата на најсилната лига.
Дончиќ влезе во историјата и покрај лошиот шут од поле. Го надомести тоа со 10 од 12 погоден слободни фрлања, натпреварот го заврши со 29 поени. Словенецот го запиша првиот трипл дабл во сезоната, на 29-те поени им придодаде 11 скокови и 10 асистенции.
Дончиќ ја отвори сезоната со 43 поени против Голден Стејт, по што ја наполни Минесота со 49 поени. Потоа, по пауза од три натпревари поради повреди на прстите и ногата, тој се врати со 44 поени против Гризлис.
Luka Doncic through 4 games:
41.3 PPG
11.5 RPG
8.3 APG
67.2% TS pic.twitter.com/W0zCXS0Pvl— Real Sports (@realapp) November 3, 2025
НБА откри на официјалните канали дека Дончиќ му се придружил на Вилт Чемберлен. Овие двајца се единствените во историјата на најсилната лига што ја отвориле сезоната со три последователни натпревари во кои постигнале 40 поени. По пат, Дончиќ стана првиот НБА играч од 1961 година што отворил сезона со три натпревари со повеќе од 40 поени.
Сега, со 29 поени против Мајами, тој ја принуди најсилната лига во светот повторно да посегне по архивите за да најде кога последен пат некој ја отворил сезоната вака.
„Дончиќ постигна 165 поени во првите четири натпревари од сезоната. Тоа е најмногу од Вилт Чемберлен во 1962 година.“
По пат, Дончиќ стана рекордер за Лејкерси. Кон крајот на натпреварот против Мајами, статистиката откри во преносот дека тој ги надминал Џери Вест, Коби Брајант, Остин Ривс и Елгин Бејлор со неверојатен број поени во првите четири натпревари.
Luka Doncic has the most points through 4 games to start a season in Lakers history.#LakeShow pic.twitter.com/1vsjoKE3ki
— 🎗NBA•Fan🎗 (@Klutch_23) November 3, 2025
Покрај Дончиќ во победата над Мајами се истакнаа Остин Ривс со 26 поени и 11 асистенции и Џејк ЛаРавија со 25 поени и осум скока. Кај Мајами, најистакнат беше Хаиме Хакез со 31 поен и осум скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал се спаси од пораз во Елче, за судењето повторно ќе има жестоки дебати
Фудбалерите на Реал Мадрид ремизираа 2:2 во Елче во рамките на 13-то коло во Примера. Претпладнево првиот човек на Реал, Флорентино Перез одржа говор на Собранието на клубот. Во говорот од 78 минути тој ги критикуваше судиите, а токму овој натпревар го обележа судиската одлука на крајот од натпреварот, која беше во корист на Реал Мадрид. Реал изедначи во 87-та минута, а на голот му претходеше очигледен прекршок врз голманот на Елче, Ињаки Пења.
Елче, одигра храбро против фаворитот, два пати водеше на крајот освои само еден бод.
Елче имаше неколку добри шанси во првиот дел. Првата ја промаши Рафа Мир, но Куртоа брилијантно интервенираше. Потоа одлична шанса имаше и Андре Силва, кој сакаше несебично да го проигра Мир, но Хаусен интервенираше во последен момент.
Потоа на сцената излезе Ињаки Пења на другата страна. Мбапе имаше две големи шанси, но голманот на Елче беше херој во двата наврати. Прво, го запре во ситуација еден на еден, а потоа покажа добра рефлекс кога францускиот репрезентативец фати волеј од работ на шеснаесетникот.
Алеш Фебас го доведе својот тим во водство во 53-та минута, ја имаа предноста се до 78-та минута кога изедначи Дин хаусен.
Во 84-та минута, Елче повторно ги израдува своите навивачи преку Алваро Родригез, но славјето не траеше долго. Џуд Белингам изедначи три минути подоцна.
Реал го задржа првото место, но сега има само еден бод повеќе од Барселона, која е во серија од три триумфи. Три бода помалку има одличниот Виљареал, кој четири победи во низа, а четири бода од Реал е оддалечен Алетико Мадрид, чии фудбалери победија на последните пет натпревари.
Foto/ EPA
Спорт
(Видео) Мењон му одбрани пенал на Чалханоглу, Милан го победи Интер
Милан го победи Интер со 1:0 во 1983-то „Дерби дела Мадонина“. Дербито го реши Кристијан Пулишиќ во 54-та минута. Апсолутен херој е голманот на Милан, Мајк Мењан, одбрани неколку тешки удари, вклучувајќи го и пеналот шт го изведе Хакан Чалханоглу во 74-та минута. Масимилијано Алегри, за кого ова е втор мандат на клупата на Милан, ја забележа 100-та победа како тренер на славниот клуб.
Победата на Милан во градското дерби направи вистонски метеж на табелата во Серија А. Рома е лидер со 27 бода, два повеќе од Милан и Наполи и три повеќе од Интер и Болоња.
Милан шести пат по ред остана непорезен во дуелите со градскиот ривал. Вечерва, Интер играше подобро, создаде неколку добри шанси, но Мењан и рамката на голот, не дозволија да се тресе мрежата на Милан.
Во првото полувреме стативата беше сојузник на Мењон по ударите на Ачерби и Лаутаро Мартинез.
Моментот на одлука се случи во 54-та минута, по ударот на Салемакерс, Зомер ја одби топката, на која налета Пулишиќ и од пет метри ја смести во голот.
Who else? The face of Milan pulls them ahead.
Christian Pulisic is back from injury and picking up where he left off. 🔥 #USMNT
— herculez gomez (@herculezg) November 23, 2025
20 минути подоцна по невнимателниот старт на Павловиќ врз Тирам, Интер доби пенал, но Мењан го прочите Чалханоглу и го одбрани неговиот удар. Турскиот репрезентативец, втор пат промаши пенал во тековната сезона, тоа му се случи во дербито со Наполи.
MAIGNAN SAVES THE CALHANOGLU PENALTY! pic.twitter.com/IanzqFnU10
— Milan Posts (@MilanPosts) November 23, 2025
Foto/ EPA
Спорт
(Видео) Спектакуларни ножички на Роналдо во 96-та минута
Португалецот Кристијано Роналдо повторно го воодушеви фудбалскиот свет.
Капитенот на Ал-Наср постигна можеби еден од најубавите голови откако пристигна во Саудиска Арабија.
Роналдо изведе акробација во судиското продолжение против Ал-Калеја, со што стави точка на убедливата победа (4:1).
Во шестата минута од судиското продолжение, Португалецот постигна гол со ножички, совршено ја фати топката и ја смести во горниот дел од голот на гостите.
Годините се само бројка за Роналдо, а на 40 години е способен да изведе такви акробации.
CRISTIANO RONALDO.
OH MY 🚲🤯
(via @thmanyahsports)pic.twitter.com/jEiK1GjOHd
— B/R Football (@brfootball) November 23, 2025

