Спорт
Дончиќ ќе го потпише најголемиот договор во историјата на кошарката

Далас Маверикс предводен од Лука Дончиќ го доби дербито на Тексас. Словенецот забележа 47 поени, 12 скокови и седум асистенции во победата од 125:107 во Хјустон.
Дончиќ сезонава пропушти девет натпревари, па ова беше негов 65. настап и со тоа ги исполни новите критериуми на НБА за добивање индивидуални награди.
Меѓу нив е и вклучување во една од првите три петорки сезонава, а сосема е сигурно дека ќе биде избран во првата.
Сепак и да биде избран во втората или третата најдобра петорка ќе ги исполни критериумите за потпишување на супермакс договор во летото 2025 година. Тоа ќе биде најголемиот договор во историјата, а Дончиќ најверојатно ќе биде првиот кошаркар кој во една сезона ќе заработи најмалку 80 милиони долари.
Супермакс е договор што можат да го потпишат само играчи со минимум седум години искуство (затоа не може да го потпише ова лето), кои исполниле одредени услови како избор на Ол-стар или Ол-НБА постава. Со новото вклучување во Ол-НБА, Дончиќ ќе ги исполни и последните преостанати критериуми.
Супермаксот нема фиксен износ, но вреди 35% од салари капот за одредена година, а според предвидувањата за 2025 година, тоа би значело дека Дончиќ би можел да потпише петгодишен договор од 346 милиони долари.
Дончиќ моментално е во втората година од петгодишниот договор од 215 милиони, оваа сезона тој ќе заработи 40 милиони, следната ќе заработи 43, па 46, а потоа ќе ја одбие петта година за 49 милиони за да активира нов договор во летото 2026 година.
Доколку го потпише споменатиот супермакс на пет години, ќе биде врзан за Далас до 2031 година, кога ќе има 32 години.
Сопственик на најголемиот договор во НБА моментално е Џејлен Браун од Бостон Селтикс, кој минатата година потпиша супермакс од 304 милиони за пет години, но како што се зголемува селари капот секоја година, така се зголемува и максималната сума на договорот, а затоа Дончиќ ќе добие над 40 милиони долари повеќе .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клоп бил против доаѓањето на Салах во Ливерпул

Египќанецот Мохамед Салах дојде во Ливерпул во јули 2017 година како замена за Фелипе Кутињо кој шест месеци претходно замина во Барселона и за речиси осум години на „Енфилд“ стана еден од најдобрите и најважните играчи во историјата на овој клуб.
Малку луѓе знаат дека во тој период тренерот на тимот Јирген Клоп сакал да ангажира друг фудбалер.
Ова на англиските медиуми им го откри тогашниот директор на скаутинг службата на „црвените“, Ијан Греам, кој ги потврди зборовите на легендата на овој клуб Џејми Карагер, кој го кажа истото.
„Клоп имаше други планови. Неговата желба беше во клубот да го доведе Јулијан Брант, кого го познаваше од Германија. Беше убеден дека е вистинското решение за Ливерпул, но ние во скаутинг службата имавме поинакво мислење. Го следевме Салах долго време и тврдевме дека тој е вистинскиот играч за нашиот клуб”, изјави Греам и додаде:
„Се согласувавме со Клоп дека Брант е голем талент, но анализите што ги правиме за сите играчи ни кажаа дека Салах е најдобриот играч на неговата позиција во Европа“.
Салах потпиша договор со Ливерпул на 1 јули 2017 година во трансфер вреден 44 милиони фунти, а за клубот од „Енфилд“ одигра 393 натпревари, постигна 243 гола и забележа 109 асистенции.
Спорт
Де Брујне потврди дека ќе го напушти Манчестер сити

Кевин Де Брујне објави дека нема да го продолжи договорот со Манчестер сити и дека ќе го напушти клубот на крајот од сезоната.
Белгискиот репрезентативец подолго време беше во преговори со „Граѓаните“ за нов договор, на крајот двете страни не успеаја да постигнат договор. Де Брујне во последно време често ги започнуваше натпреварите од клупата за резерви, што значи дека повеќе не е прв избор на тренерот Пеп Гвардиола.
Де Брујне на својот профил социјалната мрежа „Х“ објави порака до навивачите на Манчестер сити во која објави дека нема да го продолжи договорот и дека ова се неговите последни месеци на „Етихад“.
Dear Manchester. 💙 pic.twitter.com/2EdhVYOLti
— Kevin De Bruyne (@KevinDeBruyne) April 4, 2025
Фудбалската кариера ја започна во Генк, а потоа играше за Челзи, Вердер и Волфсбург. Тој дојде во Манчестер сити во 2015 година и долги години беше главен играч на тимот кој владееше во Премиер лигата. Со клубот од Манчестер ја освои Лигата на шампионите и уште 17 трофеи.
За белгиската репрезентација одигра 109 натпревари и постигна 30 голови. „Трансфермаркт“ ја проценува неговата вредност на 27 милиони евра, а неговата најголема вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Леклер: Болидот на Ферари не е добар

Шарл Леклер, возачот на Ферари, не е задоволен од болидот што го има на располагање во Формула 1 шампионатот.
По првите две трки Леклерк и Хамилтон заостануваат 61 поен зад двојката на Мекларен Норис и Пјастри.
„Тешко е како и секогаш. Секогаш е комплицирано да се извлече максимумот од автомобилот. Мислам дека исто е и оваа сезона, единствениот проблем е што нашата моментална брзина во споредба со Мекларен не е доволно добра“.
Иако се надева на напредок на Јапонското ГП, Леклер очекува Ферари да биде на слично ниво како на првите две трки, што укажува на тоа дека спринтерската победа на Хамилтон во Шангај беше исклучок.
„Видовме голем чекор напред во саботата, особено во спринт трка со Луис, но во недела се се врати во нормала. Затоа очекувам да бидеме на исто ниво во Сузука како што бевме во Кина во неделата и во Мелбурн“.